English | عربی | Kurdî دواهەواڵ
ڕاستەوخۆ  
 
نه‌ورۆزه‌كا ب ره‌وش
2019-03-23 [02:04 AM]

نڤیسینا : كارزان فه‌قى


د ته‌ماشه‌كرنا گه‌شت و سه‌یرانێن خه‌لكێ كوردستانێ، مرۆڤ گه‌له‌ك ب باشى هه‌ست ب وێ گهۆرینێ دكه‌ت یا كو ب سه‌ر ژیار و ژیانا خه‌لكى دا هاتى، بێگومان ژى دیمه‌ن و گه‌شت و سه‌یرانێن كو ئه‌م دبینین وێ یه‌كێ دبێژنه‌مه‌ كو ئه‌و گهۆرینا درۆست بووى ئه‌رینى بوویه‌ و ژیانا خه‌لكى به‌ره‌ف باشتر بریه‌، چونكى به‌ریا نه‌ورۆزێ حكومه‌تا هه‌رێما كوردستانێ بریارا پاشكه‌فتا مووچه‌ى هه‌لوه‌شاند، پشتى ئێكه‌م موچه‌یا بێ پاشكه‌فت؛ خه‌لكێ كوردستانێ گه‌هشته‌ بیره‌وه‌ریێن نه‌ورۆزێ و ئادارێ، هه‌رچه‌نده‌ وه‌رگرتنا مووچه‌یه‌كێ بێ پاشكه‌فت ب تنێ به‌س نینه‌ كو بێژین ژیانا خه‌لكێ كوردستانێ ب رێژه‌یا 180 پله‌یان هاتینه‌ گهۆرین، لێ ژ ئالیێ ده‌روونى ڤه‌ كاریگه‌رى هه‌بوویه‌ و ئه‌و گڤاشا ل سه‌ر خه‌لكى هه‌بوو ژبۆ دابینكرنا ژیارا رۆژانه‌ كێمتربوویه‌ و خه‌لك پتر به‌ره‌ف گه‌شت و سه‌یرانێ دچیت. 
ئه‌گه‌ر ئه‌م به‌حسا ئاهنگا ئێڤاریا هه‌لكرنا ئاگرێ نه‌ورۆزێ بكه‌ین ل پاركا نه‌ورۆز ل دهۆكێ، بێگومان ب به‌راورد ل گه‌ل نه‌ورۆزێن سه‌رده‌مێ قه‌یران و پاشكه‌فتا مووچه‌ى، گه‌له‌ك جوداهى هه‌یه‌ چونكى ژ روویێ به‌رهه‌ڤبوویان خه‌لك پتر پشكدار بوویه‌ و دلخوه‌شیا خه‌لكێ ڤێ ده‌ڤه‌رێ د ئێڤاریا ئێكێ دا، به‌رهه‌مێن وان بریار و بزاڤێن حكومه‌تا هه‌رێما كوردستانێ و سه‌رۆكێ وێ نێچیرڤان بارزانى گه‌له‌ك ب رۆهنى دیار دبیت، كه‌واته‌ خه‌مل و ره‌وشا نه‌ورۆزێ و هه‌موو بوونه‌یێن نه‌ته‌وى و ئۆلى ئه‌وه‌، حكومه‌تا هه‌رێمێ كه‌ش و هه‌وایه‌كێ گونجاى بۆ جه‌ژن و هه‌لكه‌فتان دروست بكه‌ت، ره‌وشه‌كا وه‌ها ژ بۆ خه‌لكى دابین بكه‌ت كو ئیدى خه‌لك ژ جه‌ژن و بوونه‌ و هه‌لكه‌فتان نه ‌ره‌ڤیت، به‌لكو ل به‌ندا هاتنا وان بمینیت. 
پشتى پێنچ سالێن برینا بۆدجه‌ و داكه‌فتنا بهایێ په‌ترۆلێ و چێبووینا سه‌ره‌كێ دژوار و ب گشتى كێمبونا داهاتێ ئابوریێ خه‌لكێ كوردستانێ، ئێدى ئه‌ڤه‌ ئێكه‌م نه‌ورۆزه‌ كو هیچ گڤاشه‌كا ئابورى و ئێمناهى و سیاسى و ده‌روونى ل سه‌ر خه‌لكێ كوردستانێ نه‌مایه‌، له‌ورا ب ڤى ره‌نگى ئه‌م دبینین هه‌موو سه‌یرانگه‌هێن هه‌رێما كوردستانێ پربووینه‌ ژ سه‌یرانیان و پێشبینیا هاتنا هژماره‌كا زۆر یا گه‌شتیاران د رۆژێن نه‌ورۆزێ بۆ هه‌رێما كودرستانێ هه‌یه‌، كه‌واته‌ چه‌وا ل نه‌ورۆزێن بۆرى حكومه‌تا هه‌رێمێ ب ئه‌گه‌رێ دلنه‌خوه‌شیا خه‌لكى دهاته‌ سوچباركرن، دڤێت نها دانپێدانێ ب وێ یه‌كێ ژى بكه‌ین كو حكومه‌تێ ئه‌و سوچه‌ ل سه‌ر خوه‌ راكر و گهۆرین د ژیان و ژیارا خه‌لكێ كوردستانێ دروست كر كو ئێدى جه‌ژن و هه‌لكه‌فتێن مه‌ دێ ب ره‌وش و ب خه‌ملتر بن.





ئەم هەواڵە 4852جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad