English | عربی | Kurdî دواهەواڵ
ڕاستەوخۆ  
 
زیاتر له‌ 1000 چه‌كداری داعش له‌ باغۆز به‌ دیل گیراوون
2019-03-24 [06:18 AM]

ZNA- ھەولێر


كۆشكی سپی ئاشكرای ده‌كات، هێزه‌كانی سووریای دیموكراتی "هه‌سه‌ده‌" كه‌ له‌لایه‌ن هاوپه‌یمانی نێوده‌وڵه‌تی دژی داعش به‌ سه‌رۆكایه‌تی ئه‌مه‌ریكا پاڵپشتی ده‌كرێن، زیاتر له‌ 1000 چه‌كداری داعشییان به‌ دیل گرتووه‌و سه‌ر به‌ 40 ده‌وڵه‌تی جیاوازی جیهانن.

ئه‌مڕۆ یه‌كشه‌ممه‌ 24/3/2019 كۆشكی سپی له‌ به‌یاننامه‌یه‌كدا رایگه‌یاند: "زیاتر له‌ هه‌زار چه‌كداری بیانی داعش كه‌ له‌ 40 ده‌ڵه‌ته‌وه‌ هاتوونه‌ته‌ سووریا، له‌لایه‌ن هێزه‌كانی سووریای دیموكراتی به‌ دیل گیراوون".

له‌لایه‌كی دیكه‌وه‌ لە راگەیەندراوێکدا سەرۆکی ئەمەریکا گووتی: "بە دڵخۆشیەوە رایدەگەینم کە پێکەوە لەگەڵ ھاوپەیمانی نێودەوڵەتی و ھێزە ئەمنییەکانی عێراق و ھێزەکانی سووریای دیموکرات 100%ی ناوچەکانی ژێر دەسەڵاتی خەلافەتەکەی داعشمان ئازاد کرد".

لە راگەیەندراوەکەی ترەمپ ھاتووە "لە دوو ساڵی رابردوودا 20 ھەزار میل چوارگۆشە لە داعش پاککراوەتەوە و ملیۆنان کەس لە خەڵکی عێراق و سووریا رزگارکراون".

ترەمپ دەشڵێت: "داعش دەیویست کوشتنی بە کۆمەڵ و دەستدرێژی سێکسی سەر ژنان و بە کۆیلەکردنیان بە یاسایی بکات و پاساوی بۆ بدۆزێتەوە".

سەرۆکی ئەمەریکا پەیامێکیش بۆ ئەو گەنجانە دەنێرێ کە باوەڕیان بە پڕوپاگەندەکانی داعش ھەیە و دەڵێ "ئەگەر ببنە داعش دەمرن، بیر لەوە بکەنەوە و لەجیاتی ئەوە بە باشی بژین".

ھەروەھا ترەمپ، پابەندبوونی خۆی بە کار و ھەماھەنگی بەردەوامی وڵاتەکەی لەگەڵ ھاوپەیمانەکانی دووپاتدەکاتەوە لە شەری دژ بە داعش و توندڕەوی.

رۆژی 23/3/2019 هێزه‌كانی هه‌سه‌ده‌ سه‌ركه‌وتنی ته‌واویان به‌سه‌ر چه‌كدارانی داعش له‌ باغۆزی دوا مۆڵگه‌ی رێكخراوه‌ توندڕه‌وه‌كه‌ له‌ سووریا راگه‌یاند، دوای ئه‌وه‌ی نزیكه‌ی 50 رۆژ هێرشی سه‌ر ناوچه‌كه‌ به‌رده‌وام بوو، به‌ڵام به‌هۆی بوونی خه‌ڵكی سڤیل چه‌ند جارێك هێرشه‌كه‌ راگیرا و مۆڵه‌ت درایه‌ چه‌كدارانی داعش تا خۆیان راده‌ست بكه‌، به‌ڵام دواجار به‌ شه‌ڕ یه‌كلایی كرایه‌وه‌.





ئەم هەواڵە 5428جار خوێندراوەتەوە
 
 
ڤیدیۆ گەلەری
چەند بیرۆکەیەک بۆ ڕزگاربوون لە گەرمای ھاوین
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad