English | عربی | Kurdî دواهەواڵ
ڕاستەوخۆ  
 
ھەولێر و نەورۆز ، موسل و بەغدا
2019-03-24 [02:44 AM]

نڤیسینا : غیاس خالد زێباری


ھەولێر وەکی پایتەختێ ھەرێما کوردستانێ بن سیبەرا حکومەتا ھەرێما کوردستانێ ب سەرۆکاتیا نێچیرڤان بارزانی بوویە پێشکەفتیترین باژارێن عیراقێ ژلایێ ئاڤەدانی و ئێمناھیی و بازرگانی ، ژلایێ سیاسی ژی بوویە قیبلەیا دبلۆماسی و سەنتەرەکێ مەزنێ بریاردانێ لسەر پرسێن عیراقی و دەڤەرێ .
ب سەرکەفتنێن ھەرێما کوردستانێ یێن سیاسی و ئابووری و بازرگانی و سامانێن سرۆشتی ، ب سیاسەت و پلانێن نێچیرڤانی بارزانی دەنگەڤەدانەک مەزن لسەر ئاستێ نافخۆیی و جیھانی دایەڤە و د وەرزێ ئادار و نەورۆزێ دا ھەرێما کوردستانێ کۆ جەژنا نەتەوی و سەرسالا کوردی یە ، ھەمبێزا بسەدان ھزار گەشتیارێن نافخۆی عیراقێ و جیھانێ دکەت . 
نەورۆز ل جەژنەکا نەتەوی یا کوردا کریە جەژنەکا نیڤ نەتەوی و ناسنامەکا دیتر بۆ ناساندنا کورد و کوردستانێ . نەورۆزا ئەڤ سالە ژبەر بریارا سەرۆکێ حکومەتا ھەرێما کوردستانێ بۆ ژناڤبرنا وێ قەیرانا ئابووری و دارایی ئەوا چەند ساڵ بوو حکومەتا عیراقێ و نەیارێن ھەرێما کوردستانێ لسەر سەپاندی ، نەورۆز و سەرسالا کوردی خەملدارتر کر و خەلکێ کوردستانێ د ڕەوشەکا ھەری دژوار دا بەرەڤ قۆناغەکا گەشەدار و بەختەوەر بر . خۆراگریا ھەرێمێ بەرامبەر ڤێ قەیرانا مەزن یا سیاسی و ئابووری و پیلانێن نافخۆیی و ھەرێمی موعجیزەکا مەزن بوو لسەر دەستێ نێچیرڤان بارزانی ، چونکی د خەیالا پسپۆرێن سیاسی و ئابووری دا نەبوو ، ھەرێم بشێت لدەمەکێ کورت دا ڤێ ڕەوشێ دەرباز بکەت ، ژبەرکۆ پشکەکا ئالیێن سیاسی یێ، ھەرێمێ پشتگیریا وێ قەیرانێ و وان پیلانا دکر ، ژبۆ ناڤبرنا ھەوارێ ھەرێما کوردستانێ و حکومەتا ھەرێمێ ، لێ دیار بوو دووربینی و پلانێن نێچیرڤان بارزانی لوێ چەندێ مەزنتر بوون و ڤان سەرکەفتنا باوەریا خەلکێ کوردستانێ ب پاشەرۆژا خۆ مۆکۆمتر کر ، نابیت خۆراگری خەلکێ کوردستانێ و پشتەڤانیا وان بۆ سیاسەتا سەرۆکێ حکومەتێ ژبیر .
نێچیرڤان بارزانی دڤان سالێن قەیرانێ و پیلانێن دژی ھەرێمێ دا مەزنترین سەروەری ب خۆ و ھەرێمێ تۆمارکرن ، چونکی ب داھاتەکێ سنووردا و خەرجیێن بەرفرەە ، وەک شەرێ داعش و مۆچێن خەلکێ ھەرێمێ شیا بالانسێ ڕابگریت و سەرکەفتن ژی تۆمارکر . 
بەرامبەر ھەرێمێ عیراق وەک وەلاتەکێ خۆدان سەروەری و ئێک ژ پڕ داھات ترین وەلاتێن جیھانێ ، نەشیا مینا ھەرێما کوردستانێ گەشەبوونا ئابووری و ئاڤەدانیێ بکەت و ئێمناھیێ دابین بکەت ، ئەڤە نیشانێ بێ پلانی و نە دلسۆزیا دەسھەلاتدارێن عیراقێ یە بۆ گەل و وەڵاتێ خۆ ، عیراق بوویە ئێک ژ گەندەلترین وەلاتێن جیھانێ و پرانیا داھاتێ وەلاتێ ب ھەروەیی و د خزمەتا کەسان دا د ھێتە مەزاختن ، خەلکێ عیراقێ ئێخستیە د دژوارترین ڕەوش دا ژلایێ ئابووری و ئێمناھی و جڤاکی .
مۆسل وەک ئێک ژ باژارێن مەزنێن عیراقێ و سەنتەرەکێ بازرگانی و گەشتیاری ھێشتا وێرانکری و بێ خزمەت مایە ، ژبلی ڤێ چەندێ دەسھەلاتدارێن عیراقێ بازرگانیێ ب جھێن گەشتیاریێن ڤی باژارێ مەزن دکەن و پرانیا وان یان یێن ددەستێ بەرپرسێن سیاسی و حەشدا شەعبی دا یان دگەل ھەڤپشکن .
روودانا نقۆمبوونا بەلەمەکا گەشتیاری ل پرۆژێ گەشتیاریێ غاباتێ مۆسل لرۆژا نەورۆز دا وژدانا مرۆڤایەتیێ ھەژان کۆ بوویە ئەگەرێ گیان لدەستدانا نێزیکی دووسە وەلاتیێن سڤیل و پرانیا و ژمارەکا زۆرا وان ئافرەت و زارۆک بوون .
راستە بوویەرەکا سرۆشتی یە لێ باگراوەندێن وێ د سیاسی یە و ژ ئەنجامێ بێ یاسایی و نەبوونا چاڤدێریێ یە لسەر وی پرۆژێ گەشتیاری ، چونکی دەسھەلاتا وی پرۆژەی ددەستێن کەسانێن سیاسی و حەشدێ دانە یێن نە خەلکێ مۆسل .. ئەڤێ زێدەتر خەلکێ مۆسل خەمبار و دلگرانتر کر . گەھشتیە وی رادەی خەلکێ مۆسل بێ رێزی بەرامبەر سەرۆک کۆمارێ عیراقێ کر .
بەرامبەر ڤێ چەندێ حکومەتا ھەرێما کوردستانێ ماتەمینیا سەرتاسەری ڕاگەھاند و ھەمی چالاکیێن فەرمی یێن جەژنا نەورۆزێ راگرتن ، وەک رێزگرتن بەرامبەر قوربانیێن ڤێ کارەساتا مەزن و دگەل حکومەتا خوجھیا مۆسل زۆرا ھاریکار بوو بۆ ڤەدیتنا تەرمێن نقۆمبوویا . 
ڤی ھەلویستێ مرۆڤانە یێ حکومەتا ھەرێما کوردستانێ لسەر ئاستێ عیراقی و ھەرێمی و جیھانی دەنگڤەدا .
راستە حکومەتا عیراقێ ژی ماتەمینی راگەھاند لێ ماتەمینیا وان نەشیا برینێن خەلکێ مۆسل تیمار بکەن ، چونکی سازیێن حکومەتا عیراقێ یێن چاڤدێریا وی پرۆژەی یان یێن ڤەدیتنا جەنازا د ئاستێ پێتڤی دا نەبوون .
لێ ھەلویستێن حکومەتا ھەرێما کوردستانێ و ھەڤپشکیا دگەل خەمێن ماڵباتێن قوربانیا دێ بنە شوونوار و ھەتا ھەتا مینن و دیار بوو کۆ عەقلیەتا سیاسی و جڤاکی یا ھەرێما کوردستانێ دگەل یا عیراقێ جوداھیەکا زۆر ھەیە .





ئەم هەواڵە 2656جار خوێندراوەتەوە
 
 
ڤیدیۆ گەلەری
چەند بیرۆکەیەک بۆ ڕزگاربوون لە گەرمای ھاوین
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad