2019-03-25 [10:27 AM]

یانەی ریال مەدرید بەسەرپەرشتی زەینەدین زێدان لە ھەوڵدایە تا ھاوینی داھاتوو پێکھاتەی یانەی شاھانە نوێبکاتەوە بە ھێنانی چەند یاریزانێکی بەتوانا . 

بەپێی ھەواڵێکی رۆژنامەی مۆندۆدیپۆرتیڤۆی ئیسپانی، زێدان داوای لە بەرپرسانی یانەی شاھانە کردووە گرێبەست لەگەڵ یاریزان نگۆلۆ کانتی یاریزانی ھێلی ناوەڕاستی یانەی چێلسی مۆربکەن . 

لەھەواڵەکە ھاتووە، زێدان سەرسامە بەتواناکانی کانتی و ھەوڵدەدات ھێلی ناوەڕاستی یانەی شاھانەی پێ بەھێز بکات. 

لەھەواڵەکە ئاماژە بەوەکراوە، جگە لە یانەی ریال مەدرید، یانەکانی یۆڤانتس و پاریس سانجێرمان گرنگیەکی زۆر بە تواناکانی کانتی دەدەن و دەیانەوێت گرێبەستی لەگەڵ مۆربکەن. 

یاسین ئەحمەد