English | عربی | Kurdî دواهەواڵ
ڕاستەوخۆ  
 
کورد بوونە هەلگرێن خەما مووسلیان
2019-03-26 [04:35 AM]

نڤیسینا : هوزان عەبدوللا


دەمێ ئەو مللەتێ نەخوشی و زۆلم و تەعدا و دەردەسەری دیتبن ب ئاسانی دشێت د دەردەسەریێن  هەڤالی خو و مللەتێ بەرامبەر بگەهیت دەمێ دکەڤیتە هەمبەر نەخوشیەکێ،  یا زانایە کا چەند نەخوشی مللەتێ کورد ب دەستێ عەرەبان دیتینە و ججارا وەک قەومیەت حەز ژ کوردان نەکریە ب تنێ تەخەکا کێم نەبیت، لێ ئەوێژی چ ژ بابەتی نەدگوهارت، لێ کوردان چجارا ئەڤە نەکریە پیڤەر بۆ تولڤەکرنێ بەلکو هەردەم ب ئاشتیێ و مەردینیێ کود ناڤداربووینە.
دەردەسەریا مووسلێ هەڤدەم بوو دگەل مەزنترین و خوشترین و بهاترین جەژنا نەتەوەیی یا کوردان کو ل هەر نەخوشیەکێ و دەردەسەریەکێ مللەتێ کورد ژ ساخکرنا ڤێ جەژنێ دیرنەکەفتیە، پشتی زێدەتری چار سالین شەرێ داعشێ و قەیرانا ئابوری و سیاسی یا ب سەر هەرێما کوردستانێ دا هاتی، ئەڤ جەژنە یا هەڤدەم بۆ دگەل نەما ڤان قەیرانان و خەلک برسیێ خوەشیێ و کەیفێ بوو، لەورا ل پتریا باژارێن کوردستانێ ئاهەنگێن خوشیێ و کەیفێ هاتبوون دانان. ل دەمێ چێبوونا روودانا مووسل تاکە هاریکار بو خەلکێ وێ پاریزگەهێ ب مادی ومەعنەوی هەرێما کوردستانێ بوو، هێشتا حکومەتا ئیراقێ چ هەلوەست و دەنگ ژێ نەهاتی حکومەتا هەرێما کوردستانێ ب گیانەکێ مرۆڤاتی و وژدانی مامەلێ دگەل وێ روودانێ بکەت، دەمێ ساخلەمیا هەرێمێ تایبەت هەردو پارێزگەهێن دهۆک و هەولێرێ راسپارسین ب هنارتنا ئەمبولانسان و هاریکاریێن نوژداری و فرێکرنا نۆژداران و دیسان ڤەگەراندنا وان ئەمبولانس و هاریکارێن نۆژداران یێن ژ بۆ پاراستنا ساخلەمیا وەلاتیان هنارتینە ناڤا سەیرانیان، د هەمان دەم دا بریارا راگرتنا هەموو ئاهەنگێن نەورۆزێ دا و بریارا ماتەمینیێ ل سەرانسەری هەرێمێ راگەهاند.
ئەڤ بریارا حکومەتا هەرێمێ و هەلوەستێ وێ دوبارە نیازپاکیا هەرێمێ ل هەمبەر بەغدا نیشان دا و دیارکر ئەم چجار ب نەخوشیێن جیرانێن خوە و نەتوەیێن جودا ژمە دلخوشنابین.
ب ڤان پینگاڤان ئێدی نەتەوەیا عەرەب ژی تێدگەهیت کورد نە ئەو دوژمنە یێ سەرکردەیێن وان ل بەر چاڤێن وان خرابکرین، بەلکو ئاشتی خوازن هەلگرێن خەمێن هەموو نەتەوەیێن د ئیراقێ دا دژین، گروڤە بۆ ڤێ چەندێ پتریا خەلکێ مووسلێ خوە ب قەردارێن حکومەتا هەرێمێ دزانین و خوازیار بوون ل بن سەلوانا حکومەتا هەرێمێ دا ژیابان نەک یا بەغدا، ئەڤە دبیتە سەروەریەک و سەربلندیەک ژ بۆ مە وەلاتیێن ل هەرێمێ ئەم ل ژێر سایا حکومەتەکێ بین کو تا نها مە تاما دەولەت بوونێن نەکریە.، لێ ئەو ملەتێن دەولەت خوازیارن حکومەتا مە حوکەم لێ کربا، ئەڤە د دەمەکی دا کو پتری چار سالان حکومەتا مە د مەزنترین قەیران دا ژیا لێ نێچیرڤان بارزانی ب سیاسەتا خوە یا راستگوویێ ل هەمبەر وەلاتیان وەکر ب هەڤرا ئەم ژ وێ قەیرانێ دەربازبین و وەبکەین ئێدی ملەتێن دەورەبەر خوازیاربن حکومەتەکا وەک یا هەرێما کوردستانێ حەکمی لێبکەت.





ئەم هەواڵە 2599جار خوێندراوەتەوە
 
 
ڤیدیۆ گەلەری
چەند بیرۆکەیەک بۆ ڕزگاربوون لە گەرمای ھاوین
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad