English | عربی | Kurdî دواهەواڵ
ڕاستەوخۆ  
 
تاکێ کورد و بەرپرسایەتى
2019-03-26 [04:43 AM]

نڤیسینا: رمضان نصرالدین کێڤلى


تاک بنەمایێ ئاڤاکرنا جڤاکەکێ ساخلەم و کارا و بەرهەم هێنەرە ژبەرکو تاک دبیتە خێزان و شەنگستێ نەتەوەیى لسەر تاکى دهێتە ئاڤکرن، پشتى کو وەلاتێن ئەوروپى د چەندین قوناغ و شەرێن دژوار دا دەرباز بوین گەهشتینە ئەنجامەکى و مروڤ وەکو تاک نەکرینە سەنتەر بو خزمەتێن خو بەلکو (ئابور و سیاسەت و هەمى زانست) ئێخستینە د خزمەتا تاکى دا بو هندێ ئایندێ وان یێ بهێز بیت، ئەوروپا نەشیا سەر بکەڤیت لەورا پشتى تاک بویە سەنتەرێ بەرژەوەندا ئیدى قوناغا گەشەیا هزرى و سیاسى و ئابورى ل ئەوروپا سەرهلدا.
گومان تێدا نینە کوردان وەکو مللەت ژى چەندین قوناغ دەرباز کرینە چ ئەو قوناغ د سروشتى بن یانژى قوناغێن نە سروشتى وەکو شەر و کوشتن و کێمابارانکرن و ئەنفالکرن و هتد.. گرنگترین قوناغا سیاسی بو (مللەتێ کورد) ل سەدەیا بوورى پشتى سەرهلدانا پیروز قوناغەکا نوى کەفتیە پێش مللەتێ کورد ب گشتى، خالا مە دڤێت ئاماژێ پێ بدەین بابەتێ بەرپرسایەتیێ یە کو ئەف سالوخەتە گرێدایى هوشمەندى و ئیدراکا هەر تاکەکى یە هەمى وان رەفتار و کریار و ئاخفتنا ب خوڤە دگریت ئەوێن ئەنجام ژێ دروست دبن چ ئەنجامێن وێ خراب بن یان باش مروڤ وەکو تاک بەرپرسیارە بەرامبەرى وان رەفتار و کریارێن ئەنجام دایین چ ئەڤ بەرپرسیاریە تاکەکەسى بیت یانژى بەرامبەرى جڤاک و کومەلگەهێ بیت، بنەمایێ بەرپرسایەتیێ بو تاکێ کورد پێویست دکەت کو چاڤدێرکریا خو بکەت پاشان چاڤدێریا کەسێ بەرامبەرى خو بکەت و جڤاکى پشت گوهـ نەهاڤێژیت دیسان بزانیت وەزیفەتا وى ل ناف جڤاکى چیە و چ ژێ دهێتە خواستن..
تاکێ بەرهەم هێنەر ئەوە دەمێ هەست دکەت کو بەرپرسە و کەسێ بەرامبەرى وى زانست یێ لدەف هەى و نابیت ئەڤ زانست و شیانە د زاتێ وی دا بمینیت بەلکو دەربازى یێ بەرامبەرى خو بکەت بو هندێ هەمى کەس مفادار بن و هەردەما مە هەست ب ئەڤێ خالێ کر وى دەمى ئایندێ مە دێ یێ گەش بیت بەلێ ئەگەر ئەم بەراوردیا جڤاکێ کوردى بکەین د بازنێ تاکى و گرێدانا وى ب ئەڤێ خالێ ڤە دێ بومە دیاربیت کو ب راستى مە لاوازیەکا بەرچاڤ هەیە و زورینا مە ژبلى خو ئاگەهـ ژ کەسێ بەرامبەرى خو نینە و گەلەک جاران دیاردەیێن زور خراب دناف جڤاکى دا پەیدا دبن چونکە کاریگەریێ لسەر کەسایەتیا مروڤى ناکەن لەورا ئەم بێ دەنگ دبین بەلکو کاریگەریا وێ لسەر جڤاکى زور یا مەترسی دارە بەلێ ئەم د بازنێ بەرژەوەندا تاکى دا تەماشە دکەین لەورا مە نەشیایە د ئەڤێ خالێ دا سەرکەفتى بن.
شەنگستەکێ گرنگتر هەیە بو هەلگرتنا بەرپرسایەتیێ ل دەف تاکى بابەتێ رێنما و راوێشکاریێ و گوتنێن جوان و نەسیحەتێ یە بو خەلکێ بەرامبەر، دیارە شروڤەیا ئەڤێ خالێ بو تاکى د وێ چەندێ دا دیار دبیت کو زورینا مە دئاخڤین و ئاخفتنێن مە دبیت زور جوان و بریقەداربن بەلێ د ناڤەروکا خودا ئەم پێگریێ ب وان ئاخفتن و رێنما و نەسیحەتا ناکەین، چ ئەم رەوشنبیر بین یان ماموستا و زانایێن ئایینى یان بەرپرسێن حزبى و سیاسى بین، خالەک زور بەربەلاف بویە ئەوژى ئەوە (تو گوهێ خو بدەیە گوتنێن من و ب کریارێن من نەکەى) ئەڤە بخو گومانێ لدەف کەسێ بەرامبەر دروست دکەت کو گوتنێن مە کاریگەریا خو لسەر وى و جڤاکى نەبن لەورا ژى زورینا مە بوینە بانگخوازێن بێ کریار.
ل دوماهیکێ ب دیتنا من گرنگیا ئەڤى بابەتى د هندێ دایە کو ئەم لسەر خو زال بین وەکو گوتن و کریار نەخاسمە ل دەمێ دانا بریارێ د ناف جڤاکى دا بو هندێ ئەم پەشێمان نەبین و گرنگیا دى ئەوە ئەم رێزێ ل زاتێ خو بگرین وەکو مروڤ و پاشان ل هەمى کەسەکى بگرین تاکو ئەوژى هەست ب بەرپرسایەتیا خو بکەن و جڤاکێ مە بەرەف گهورینێن باشتر بچیت ب تایبەت د بازنێ هەست کرن ب بەرپرسایەتیێ دا و لڤێرە رولێ حکومەتێ زور گرنگە دگەل هەمى دام و دەزگەهێن پەروەردەریى و زانستى کاربکەن بو ئاڤاکرنا جڤاکەکێ ساخلەم..





ئەم هەواڵە 5218جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad