|
 |
|
|||
ZNA – هەولێر سه‌رۆك وه‌زیرانی عێراق لە كۆنفرانسی هەفتانەی خۆیدا رایگەیاند "رووداوه‌كه‌ی مووسڵ هه‌ڵه‌ی زۆر گه‌وره‌ی ئاشكرا كرد و رێگه به بۆشایی ئیداری و ئه‌منی له پارێزگای نه‌ینه‌وا ناده‌ین و به‌رپرسانی رووداوی به‌له‌مه‌كه‌ش رووبه‌ڕووی دادگا ده‌كه‌ینه‌وه". عادل عه‌بدولمه‌هدی، سه‌رۆك وه‌زیرانی عێراق له كۆنفرانسی رۆژنامه‌وانی هه‌فتانه‌یدا، باسی رووداوی نقوومبوونی به‌له‌مه‌كه‌ی مووسڵی كرد و گوتی "حكوومه‌ت له رێگه‌ی دادگاوه لێكۆڵینه‌وه له‌گه‌ڵ به‌رپرسانی رووداوه‌كه ده‌كات". عه‌بدولمه‌هدی گوتیشی "دوای دوورخستنه‌وه‌ی پارێزگاری نه‌ینه‌وا نه‌وفه‌ل عاگوب، رێگه به دروست بوونی بۆشایی ئیداری و ئه‌منی نادەین". له به‌شێكی دیكه‌ی قسه‌كانیدا، سه‌رۆك وه‌زیرانی عێراق جه‌ختیشی كرده‌وە "رووداوه‌كه‌ی مووسڵ هه‌ڵه‌ی زۆر گه‌وره‌ی ئاشكرا كرد". سەرۆك وەزیرانی عێراق پێشنیاری لەكارلادانی پارێزگاری نەینەوای كردبوو، دواتر لە كۆبوونەوەی 24/3/2019 پەرلەمانی عێراق بە زۆرینەی دەنگ نەوفەل حەمادی عاگوب، پارێزگاری نەینەوا و ھەردوو جێگرەكەی دوورخرانەوە. لە 21ی ئاداری 2019، به‌له‌مێكی په‌ڕاندنه‌وه‌ی گه‌شتیاران له دوورگه‌ی گه‌شتیاری باكووری رۆژئاوای مووسڵ، كه ده‌كه‌وێته سه‌ر رووباری دیجله نوقم بوو، و به‌هۆیه‌وه نزیكه‌ی 100 كه‌س گیانییان له‌ده‌ستداو تا ئێستاش ژماره‌یه‌ك گه‌شتیار بێسه‌روشوێنن، كه زۆربه‌یان ژن و منداڵن. ئەم هەواڵە 9034جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad