English | عربی | Kurdî دواهەواڵ
ڕاستەوخۆ  
 
عەبادى و 16 ئوکتوبەرەکا مودێرن
2019-03-27 [09:55 AM]

نڤیسینا: رمضان نصرالدین کێڤلى


ل دەمێ خو دا وەلاتێ (بریتانیا) سیاسەتا (فرق تسد) دناڤبەرا پێکهاتێن عێراقێ و دەڤەرێ دا بکاردئینان، ئەڤ سیاسەتە یا پێکهاتى بو ژ دابەشکرنا ئێک رێزى و ئێک هەلویستیا عێراقیان لسەر پرسێن چارەنڤێس ساز چونکە وى دەمى عێراق ل ژێر داگیرکرنا (بریتانى) بویە و تانوکە ژى بەرژەوەند و پیلانێن وێ ل دەڤەرێ هەنە بو هندێ کو بشێت وەکو وەلاتەکێ مێژوەیى هەژمونا وێ د ناکوکى و رێککەفتنێن دەڤەرێ دا هەبیت، ئەڤێ سیاسەتێ رەنگ ڤەدانا خو هەبویە پاشان حکومەتێن عێراقێ یێن ئێک ل دویف ئێک ئەڤ سیاسەتە بەرامبەرى کوردان بکارئینایە بگرە ژ (شورەشا ئەیلولێ) و حەتا دوماهیک پیلانا رەشا مێژویى یا (16 ئوکتوبەرێ) کو تارادەیەکى ئارمانجێن دوژمێن کوردان سەرگرتینە و شیاینە کوردان دابەشى پتر ژ بەرەیەکى بکەن، کوردا پێداچوونا خو دکەن و هەول ددەن ئەوان برینا دەرمان بکەن یێن وان بخو ل سەر لەشێ خو ڤەکرین.
 (16 ئوکتوبەرێ) مێژویەکە د بیردانکا (مللەتێ کورد و عێراقێ) دا و ناهیتە ژێبرن و ب راستى ژى مەرەما من ئەو نینە پەنچا بو توهمەتباران ببەم چونکە توهمەتمبار د ئاشکەرانە و ئەوان بەرى (عەبادى و مالکى) ب شانازى دانپێدان ب خیانەتا خو کرینە بەلێ یا من دڤێت ئاماژێ پێ بدەن بەردەوامى دانا ئەڤێ پلانێ یە ب کراسەکێ دى، ئایا پشتى پێکئینانا کابینا (عادل عبدالمهدى) دێ (عەبادى) دەست ڤالا مینیت یان بەرنامە و پیلانەک هەیە بو هندێ ئەڤێ حکومەتێ لاواز بکەت؟
بەرى بەرسڤا ئەڤێ پرسێ بدەم یا گرنگە دیار بکەم کو ل مێژوویا (17 ئوکتوبەرا 2016)ـێ رێککەفتنەکا مێژویى دناڤبەرا (ئەمریکا و عێراق و کوردان) پەیدا بویە و چەند خالێن گرنگ د ناڤەروکا وێ رێککەفتنێ دا هەبوینە، یا ژ هەمیان گرنگتر هەماهەنگیا هێزێن عێراقێ و پێشمەرگەیى بویە پێخەمەت ئازادکرنا (باژێرێ میسل و دەوروبەرێن ئەڤى باژێری)، دیسان (٢) خالێن دى هەبوینە لسەر خالێن جێگیر کرنا پێشمەرگەیى ل جهێن ژلایێ پێشمەرگەیى ڤە دهێنە رزگارکرن، ئەو جهێن پشتى رێککەفتنێ بهێنە ئازادکرن ئیدارەکرنا وێ یا لەشکەرى دێ ب رێککەفتن بیت دناڤبەرا پێشمەرگەیى و هێزێن عێراقێ دا و ئەگەر ل هندەک دەڤەران ئاکنجیێن وێ ب تەمامى (عەرەب) بن دێ ژلایێ لەشکەرێ عێراقێ ڤە هێنە ئیدارە کرن..
ب روژەکێ پشتى ئەڤێ رێککەفتنێ من کومێنتەک بەلافکر ئەوژى من وەسا دا دیارکرن کو پێویست بو بەرى رێککەفتنا لەشکەرى رێککەفتنا سیاسى هاتبا ئەنجام دان.
بەداخەوە هەر زوى ئەو رێککەفتا سێ قولى ژلایێ عێراقێ ڤە هاتە بن پێکرن و عەبادى سەرکەفتى بوو د سیاسەتا خودا بو لاوازکرن و ژێکڤەکرنا نافمالا کوردى و لدوماهیک دیدارا خودا (عەبادى) ئاماژە دایە ئەڤێ رێککەفتنێ دگەل بەرێز (سەروکێ هەرێمێ) کو زڤرینا لەشکەرێ عێراقێ بو کەرکوکێ ب رێککەفتن بویە دگەل (بەرێز سەروکێ هەرێمێ) و یا راست ژى چ بنەما بو ئەڤێ گوتنێ نەبوینە، ب ئەڤان داخویانیا دوبارە عەبادى مژیلى دارێشتنا پیلانەکا نوى و مودێرنە بناڤێ عێراقچیەتا خو هەول ددەت دوو بەرەکیێ دناڤبەرا هێز و لایەنێن کوردى دا دروست بکەت و ئەڤ چەندە یا ئاشکەرا بویە د ناف دیدارا وى یا کەنالێ (دجلە) دا، دیسان دویر نینە خەلکەکێ شکەستن خوارى ئەڤ جارە هەول بدەت ل سەر کەلەخێن مرار ب گەهنە ئارمانجێن خو و بو ئەڤێ چەندێ زور بەداخەوە نە راگەهاندنا حزبى نە یا ب ناف سەربەخو هەست ب بەرپرسایەتیێ نەکریە و هەر نوکە ئاگرێ دووبەرەکیێ دناڤبەرا لایەنێن سیاسى دا دهێتە خوشکرن ئەڤە ددەمەکى دا کو هەمى خەلک چاڤەرێی وێ چەندێ بو سەربورەکێ ژ (16 ئوکتوبەرێ) وەربگرن بەلێ هەمان مێژوویا خیانەتکارى ب شێوەیەکێ مودێرن و ب چەک برێڤەیە و هێشتا مە حساباتێن خو دگەل ئێک ب دوماهیک نەئیناینە.
زور بەداخەوە هێشتا کێلیێن شەهێدن مە ژ خوینێ هشک نەبوینە و برینێن بریندارێن مە سارێژ نەبوینە، مە ب دەستێ خو دڤێت ئەم ئەڤان برینان ب هلکولین و دوژمن وەکو تەماشەڤان ل رەوشا مە بنێریت لەورا عەبادى دڤێت ب کراسەکێ نوى پیلانەکێ دژى هەرێما کوردستانێ دارێژیت ب چەندین رێکێن جیاواز وەکو:
فشارێن عەرەبى بو لاوازکرنا پێگەهێ (عادل عبدالمهدى) د دەستهەلاتێ دا دروست بکەت بو هندێ ئەو رێککەفتنا (عبدالمهدى و بارزانى) ژناف ببەت و کودەتایەکا سپى بکەتە سەر حکومەتا نوکە بەلێ ب دیتنا من سەرکەفتى نابیت چونکە رەوشا دەڤەرێ خزمەتا پروژەکێ ب ئەڤى رەنگى ناکەت.
پیلانا دى ئەوە ب رێکا عەرەبێن شوفینى و بەشەک ژ کوردێن بەرژەوەند خاز پروژەکى بدەنە پەرلەمانێ عێراقێ لسەر نەفتا هەرێمێ و بودجا عێراقێ..
ئەڤان پلانان دەست پێکرینە بەلام هەر قوناغەکێ میکانزمێن خو یێن تایبەت هەنە و دویر نینە تا رادەیەکى فشارێ دروست بکەن بەلام سەرناگرن و یا گرنگ ئەوە ل ئەڤێ قوناغێ کورد د ئێکگرتى بن و خودان پروژە بن نەک پروژێن وان ژلایێ خەلکى ڤە بو بهێنە ئاراستەکرن چونکە چ لایەن مفادارى ژناف چوونا رەوشا هەرێمێ نابین.





ئەم هەواڵە 5101جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad