English | عربی | Kurdî دواهەواڵ
ڕاستەوخۆ  
 
هوتاڤێن سیاسى
2019-03-28 [01:36 AM]

نڤیسینا : دیندار مستەفا


​دهه‌لبژارتنێن ڤێ داویێ یێن هه‌رێما كوردستانێ دا هند دروشم و هوتاڤێن سیاسى ژ ئالیێ هه‌مى حزب و لایه‌نێن سیاسیێن هه‌رێما كوردستانێ هاتنه‌ بلندكر. كو ئه‌ڤه‌ سرۆشتێ هه‌لبژارتنانه‌ دگوره‌پانا سیاسیا هه‌ر وه‌لاته‌كێ خودان سیسته‌مه‌كێ دیموكراسى دا. داكو ب ئه‌وان هوتاڤێن سیاسى ده‌نگێ جه‌ماوه‌رى ب ده‌ستخوڤه‌ بینن بۆ گه‌هشتن ب ده‌ستهه‌لاتێ یان خورتكرنا پێگه‌هێ خۆ و به‌رده‌وامیدان ب خه‌باتا سیاسى و ئه‌وێ  ئایدولوژیا حزبێ كرییه‌ په‌یروپیروگرامێ خۆ دقادا گوره‌پانا سیاسى دا. هه‌روه‌سا ژپێخه‌مه‌تا به‌ره‌ڤانیكرن و مانه‌ڤا ئه‌وێ حزبێ د ئه‌وێ گوره‌پانێدا و به‌رجه‌سته‌كرنا باوه‌ریا جه‌ماوه‌رێ خۆ بده‌ستخستنا هژماره‌كا زۆرا ده‌نگان د ئه‌وان هه‌لبژارتناندا. لێ زۆر جاران ئه‌ڤ هوتاڤێن هه‌نێ ژلایێ هند حزبانڤه‌ تنێ بۆ خاپاندن و بسه‌ردابرنا جه‌ماوه‌رى و رایا گشتینه‌. كو ئه‌و حزب دور ژ ئه‌ته‌كێتنێن سیاسى و حزبایه‌تى سه‌ره‌ده‌ریێ دكه‌ت. ب ره‌نگه‌كێ دى بێژین ئه‌و هوتاڤێن هه‌نێ دبنه‌ خاله‌كا ره‌ش و دیرۆكى د خه‌باتا سیاسیا ئه‌وێ حزبێدا. دیسان دێ بنه‌ ئه‌گه‌ر كو ئه‌و متمانا هه‌ى دناڤ جه‌ماوه‌ریدا ژ ده‌ست بده‌ت. مه‌به‌ستا من ل ڤێرێ ئه‌و چه‌نده‌ كو ئه‌ڤه‌ نێزیكى شه‌ش مه‌هانه‌ هه‌لبژارتن بداوى هاتین هێش دیالوگ و كومبونێن دناڤبه‌را حزباندا دبه‌رده‌وام ژبوى وێ چه‌ندێ كو كابینه‌یا نوى یا حكومه‌تا هه‌رێمێ پێك بینن. هه‌رچه‌نده‌ پارتى ژپێخه‌مه‌ت هه‌ستكرن ب به‌رپرسیاریه‌تێ و راگرتنا هه‌ڤسه‌نگیا سیاسیا هه‌رێما كوردستانێ كاردكه‌ت، كو ئه‌ڤ چه‌نده‌ژى سرۆشتێ پارتى یه‌، هه‌رده‌م د هه‌مى كاودان و ده‌لیڤێن به‌رته‌سك و به‌رفره‌هدا خۆ وه‌كو به‌رپرسێ ئێكێ دزانیت. دیرۆك ژى دیده‌ڤانێ ئه‌ڤێ گوتنا مه‌یه‌. هه‌ر لسه‌ر ئه‌ڤى بنه‌مایى پارتى بۆ پێكهینانا كابینه‌یا نویا حكومه‌تا هه‌رێمێ هه‌ر ژ ده‌ستپێكێ وه‌كو سه‌ركه‌فتیێ ئێكێ دهه‌لبژارتناندا ده‌ست ب دانوستاندن و كومبونان دگه‌ل ئالیێن دیترێن سیاسى ل هه‌رێمێ كر. ژپێخه‌مه‌ت پێكئینانا حكومه‌تا نوى، هه‌رچه‌نده‌ ده‌رئه‌نجامێن باش هه‌بوون و رێككه‌فتن دروست بوون دناڤبه‌را پارتى و هه‌ردوو حزبێن دیتر یه‌كێتى و گوران دا. به‌لێ ئه‌وا جهێ پرسیار و ل سه‌ر راوه‌ستانێ خۆ ڤه‌دزینا یه‌كێتى یه‌ ژ به‌رپرسیاریه‌تیا سیاسى و جێبه‌جێ نه‌كرنا ئه‌وێ رێككه‌فتنا ل مه‌ها شوباتێ دروستبوى دناڤبه‌را هه‌ردوئالیاندا. بدیتنا من رازى نه‌بوونا یه‌كێتى بۆ پێكئینانا حكومه‌تا نوى یا هه‌رێمێ ژ پێخه‌مه‌ت بده‌ستخستنا هند پله‌ و پوستانه‌، ئه‌و پله‌ و پوستێن كو ب هێج ره‌نگه‌كێ پارتى رازینابیت ببنه‌ پشكا یه‌كێتى، چونكى پشكا پارتى نه‌ وه‌كو سه‌ركه‌فتیێ ئێكێ د هه‌لبژارتنێن بوریدا. ئه‌ڤه‌ ژ لایه‌كێڤه‌، ژلایه‌كێ دیترڤه‌ ل هه‌ڤنه‌هتنا یه‌كێتى دگه‌ل پارتى ژ ئه‌گه‌رێ فشارێن ئه‌وى بالێ ناكوكێ كه‌ڤنه‌شوپێ یه‌كێتى یه‌ ئه‌وێ دژایه‌تیا پارتى ب ئاشكرایى ل جاده‌یا سلێمانیێ دكه‌ت. بڤێ چه‌ندێ یه‌كێتى دێ خۆ ئێخیته‌ ژێر به‌رپرسیاریه‌تى و فشارێن مه‌زنتر و مه‌ترسیدارتر. هه‌روه‌سا هه‌مى ئه‌و هوتاڤێن وێ بلندكرین ل ده‌مێ هه‌لبژارتنان و ئه‌وێن رۆژانه‌ ژ زار ده‌ڤێ كه‌سایه‌تیێن حزبى و پله‌دارێن یه‌كێتى یێ ب رێكا مه‌دیا و تورێن جڤاكى مه‌ گوه لێ دبیت، ئه‌و نه‌شێت بكه‌ته‌ كریار و دێ ل سه‌ر وێ ب گران راوه‌ستن و ئه‌و بخوه‌ ژى دێ باجا ئه‌ڤێ چه‌ندێ ده‌تن چ دور یان نزیك. ئانكو دێ توشى دادگه‌ها ملله‌تى بیت هه‌روه‌كى به‌ریا نها باجا ئه‌ڤێ چه‌ندێ داى.





ئەم هەواڵە 5116جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad