English | عربی | Kurdî دواهەواڵ
ڕاستەوخۆ  
 
کۆچەر بیرکار د هەمبێزا گەلێ خوە
2019-03-28 [03:50 AM]

نڤیسینا : زێره‌ڤان ته‌مو


بلا قوتابیێن مه‌ دوان هه‌ۆل گاڤاندابن دوارێن جودا جودا یێن زانستى دا كو ببنه‌ كوچه‌ر چما كوچه‌ر؟ كوچه‌رى ژ پێخه‌مه‌ت بده‌ست خستنا زانست و زانینێ و به‌رز و بلندكرنا سه‌رێ ملله‌تێ خۆ مینا كوچه‌ر بیركارى كو پار سال خه‌لاتێ فیلدز كو وه‌كو خه‌لاتێ نوبل یێ بیركاریێ دهێته‌ نیاسین وه‌رگرت و بویه‌ جهێ شانازیا كوردان ل سه‌رانسه‌رى كوردستانێ و جیهانێ، وه‌كو دیار د ئه‌ڤ ساله‌دا ژى ل 27 / 3 /2019 زانینگه‌ها سه‌لاحه‌دین درێورسمه‌كى دا ل هه‌ولێرا پایته‌خت باوه‌رناما دكتورایا فه‌خرى پێشكێشى زانایێ كورد كوچه‌ر بیركارى كر .
د وان رێورەسماندا ژى زانایێ ناڤدارێ كورد پروڤیسور ( كوجه‌ر بیركار ) دادیاركرن :" خاندنا به‌رده‌وام دێ ته‌ ب ئامانج گه‌هینیت ." ئه‌ڤ گوتنا ڤى بیرمه‌ند و داهێنه‌رێ كورد بیرا من ژ گوتنێن دوو بلیمه‌تان ئینا لدۆر فێربوون و زانینێ ئه‌وژى ( ژان ژاك روسو )ده‌مێ دبێژیت :" مروڤێ زانا كه‌سه‌كه‌ هه‌مى گاڤا حه‌ز فێربونێ دكه‌ت". هه‌روه‌ها (سوقرات ) دبێژیت :" هه‌تاكوخاندن نه‌بیته‌ به‌شه‌ك ژ ژیانا كومه‌لگه‌هى، كومه‌لگه‌هه‌كێ سه‌ركه‌فتى و خودان شیان دروست نابیت".
له‌ورا ژى بخواندنا به‌رده‌وام ده‌سكه‌ڤتێن بلند و بهادار بده‌ست دهێن و گه‌ل و وه‌لات به‌ر ب پێشڤه‌چوونێ دچن، و خویا و ئاشكرایه‌ به‌رده‌وام حكومه‌تا هه‌رێما كوردستانێ پیته‌و گرنگییه‌كا هه‌رى باش ب زانست و زانینێ و ڤه‌كرنا زانینگه‌هان دایه‌ كو خوشبه‌ختانه‌ هه‌ژماره‌كا زۆرا زانینگه‌هان لبن سێهوانا حكومه‌تا هه‌رێما كوردستانێ هاتینه‌ ڤه‌كرن و ل رێورسمێن خه‌لاتكرنا پروفیسور كوچه‌ر بیركار ، نێچیرڤان بارزانى سه‌روك وه‌زیرێن هه‌رێما كوردستانێ كو پشته‌ڤانه‌كێ به‌رده‌وام و سه‌ره‌كى یه‌  ل هه‌رێمێ دادیاركرن:" پشته‌ڤانیكرنا زانكویان ژ كارێن مه‌یێن بنگه‌هینه‌ ." جهێ دلخوشى و خوشبه‌ختیا هه‌ر تاكه‌كى یه‌ كو كه‌سانێن كورد دبیاڤێن جودا دا ئه‌كادیمى و پسپوربن و بروانامێن زانستى و بلند بده‌ست بێخن لێ بلا بروانامێن بلند بتنێ نه‌ بن یا گرنگتر و فه‌رتر ئه‌وه‌ كو دگه‌ل وان بروانامان دا ژى داهێنانان بكه‌نه‌ ئارمانجا خۆ یا سه‌ره‌كى دپسپوریێن جودا جودا یێن خۆدا ب ڤان گاڤێن داهێنانێ ژى كورد ژبۆ جیهانێ پتر تێنه‌ نیاسین، كو تاكێن كوردان ب چ ئاواهیان ل كه‌سان و تاكێن جیهانێ كێمترنینه‌ ب خه‌لاتێن بڤى ئاوایى خورتێن كوردان دململانێ یێ دانه‌ دگه‌ل داهێنه‌رێن جیهانێ، ئه‌و ده‌سكه‌ڤت و سه‌ركه‌ڤتن ژى هاندان و پالپشتییه‌كا بهێزه‌ ژبۆى كو خوانده‌ڤانێ كورد خۆ پتر پێ بگه‌هینیت و خۆ ئاڤابكه‌ت و ئافراندنان ئه‌نجام بده‌ت  بگه‌هیته‌ گوپیتكا زانست و زانستبوونێ كو مینا كوچه‌ر بیركارى لسه‌ر ئاستێ جیهانێ وه‌كو زانا و بلیمه‌ت بهێته‌ نیاسین و خه‌لاتكرن و ببیته‌ جهێ شانازیا گه‌ل و وه‌لاتێ خۆ ئه‌ڤه‌ژى ب باوه‌را من راسته‌ رێیا پێشڤه‌چوونا هه‌مى جڤاك و ملله‌تایه‌ به‌ر ب بونیاتنانا پێشه‌ رۆژه‌كا هه‌رى پرشنگدار و ئاڤاكار.





ئەم هەواڵە 2680جار خوێندراوەتەوە
 
 
ڤیدیۆ گەلەری
چەند بیرۆکەیەک بۆ ڕزگاربوون لە گەرمای ھاوین
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad