English | عربی | Kurdî دواهەواڵ
ڕاستەوخۆ  
 
هەڵبژاردنی شارەوانییەكانی توركیا بەڕێوەدەچێت
2019-03-31 [04:52 AM]

​ZNA – هەولێر


ئەمڕۆ 31 ئاداری 2019، لەسەرتاسەری توركیا  پرۆسەی دەنگدان بۆ ھەڵبژاردنی شارەوانییەكان بەڕێوەدەچێت، لەو هەڵبژردنەدا 12 پارت كێ بڕكێ دەكەن لەسەر بەدەست هێنانی زۆرترین كورسی شارەوانیەكان.

لە هەڵبژاردنەکەدا 57 ملیۆن دەنگدەر نوێنەرەكانیان لە شارەوانی شارەكانی باكووری كوردستان و توركیا هەڵدەبژێرن کە بۆ ماوەی 5 ساڵ لە ئەرکەکانیاندا دەبن.

لەو هەڵبژاردنەدا كە 19مین ھەڵبژاردنی شارەوانیەكانە لە توركیا بەڕێوەدەچێت 12 پارتی سیاسی بەشدارن 194 هەزار و 390 سندوق دەنگدان بۆ ھەڵبژاردنەكە ئامادەكراون.

بە گوێرەی داتاكانی دەزگای ھەڵبژاردنی توركیا 156 هەزار دەنگدەر بۆ ئەم ھەڵبژاردنە تەمەنی 18 ساڵیان تەواو كردووە و بۆ یەكەمجار دەتوانن دەنگبدەن.

ئەو حزبانەی بەشداری لە ھەڵبژاردنەكان دەكەن پێكھاتوون لە، پارتی داد و گەشەپێدان، پارتی دیموکراتی گەلان، پارتی سەربەخۆیی تورکیا، پارتی یەکگرتووی مەزن، پارتی گەلی کۆماری، پارتی دیموکرات، پارتی چەپی دیموکراتیک، پارتی ئیی، پارتی بزووتنەوەی نەتەوەپەرستی، پارتی سەعادەت، پارتی کۆمۆنیستی تورکیا، پارتی نیشتیمان.

لەو ھەڵبژاردنەدا سه‌رۆكی گه‌وره‌ شاره‌وانی، سه‌رۆكی شاره‌وانی، ئه‌ندامانی ئه‌نجوومه‌نی شاره‌وانی، موختار و ده‌سته‌ی ریشسپیان لە شارەكانی باكووری كوردستان و توركیا ھەڵدەبژێردرێن.

له‌سه‌ر داوای پارتی دیموكراتی گه‌لان (هه‌ده‌په)، 92 چاودێری وڵاتانی ئه‌وروپی چاودێری پرۆسه‌ی هه‌ڵبژاردنی شاره‌وانییه‌كانی توركیا و باكووری كوردستان ده‌كه‌ن، له‌نێو ئه‌و چاودێره‌ ئه‌وروپیانه‌ش ژماره‌یه‌ك، په‌رله‌مانتاری ئه‌وروپی هه‌ن و به‌شێكیشیان كه‌سایه‌تی سیاسی دیاری وڵاتانی ئه‌وروپان.

 





ئەم هەواڵە 4246جار خوێندراوەتەوە
 
 
ڤیدیۆ گەلەری
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
ڤیدیۆیی .... بە ئاگر و شمشێر قژی ئافرەتان رێکدەخات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad