English | عربی | Kurdî دواهەواڵ
ڕاستەوخۆ  
 
سه‌رۆك بارزانی بۆ كادیرانی پارتی: ئێوه‌ بۆ خزمه‌تی كورد و كوردستان درووست بوون
2019-04-03 [07:53 AM]

نووسینی: دڵشاد مەولوود گەردی


قوتابخانه‌ی كوردایه‌تی و كۆڵنه‌دانی پارتی دیموكراتی كوردستان به‌ رێبه‌رایه‌تی بارزانی نه‌مر، له‌ دوێنێدا له‌ هه‌موو هه‌لومه‌رجێكدا و ته‌نانه‌ت وه‌ك جه‌نابی سه‌رۆك بارزانی فه‌رمووی له‌ ژێر بۆردومانیشدا پێگه‌یاندنی كادیری رێبازی كوردایه‌تی و نیشتمانپه‌روه‌ری به‌و په‌ڕی گرنگییه‌وه‌ بایه‌خ پێداوه‌.
ئه‌مڕۆ جه‌نابی سه‌رۆك بارزانی له‌ وتاره‌ گرنگه‌كه‌یدا ئه‌ركی پارتی و قوتابخانه‌ نه‌ته‌وه‌ییه‌كه‌ی پارتی روونتر كرده‌وه‌ و رایگه‌یاند، پارتی خاوه‌نی قه‌زیه‌یه‌كی گه‌وره‌یه‌، كه‌ قه‌زیه‌ی كوردستانه‌ و كاری پارتی خزمه‌تكردنی ئه‌و قه‌زیه‌ و پێگه‌یاندنی كادیری به‌ ره‌وشت و ده‌ستپاك و ئاست به‌رزه‌ تا بتوانێت ئه‌و قه‌زیه‌ نه‌ته‌وه‌ییه‌ بگه‌یه‌نێته‌ لێواری ئارامی و سه‌ركه‌وتنی یه‌كجاره‌كی.
جه‌نابی سه‌رۆك كه‌ له‌ میانی مه‌راسیمی (دیرۆكی خوله‌كانی كادیرانی پارتی له‌ شاخه‌وه‌ بۆ شار) وتارێكی مێژوویی ئاراسته‌ی كرد، په‌ند و وانه‌ی گرنگی تێدابوو، هه‌م بۆ پارتییه‌كان و هه‌م بۆ دۆست و نه‌یارانی كورد و كوردستان.
جه‌نابی سه‌رۆك بارزانی ئه‌ركه‌ راسته‌قینه‌كه‌ی پارتی بیر هه‌مووان هێنایه‌وه‌، كه‌ پارتی بۆ به‌رژه‌وه‌ندی به‌رته‌سكی حزبیانه‌ كار ناكات و خه‌ونی گه‌وره‌ی هه‌یه‌ و خۆی به‌ خاوه‌نی كوردستان و پرسه‌ نه‌ته‌وایه‌تییه‌كه‌ی و چاره‌نووسی میلله‌تێك ده‌زانێت و گوتیشی: "پارتی حزبی دامه‌زراوه‌ییه"‌. هه‌ر ئه‌و دامه‌زراوه‌ییه‌شه‌ زامنی سه‌ربه‌خۆیی و هێنانه‌دی ئاواتی شه‌هیدان و خه‌باتی گه‌له‌كه‌مان ده‌كات.
سه‌رۆك بارزانی به‌ وردی باسی ئه‌و قیه‌م و ئه‌خلاقه‌ جوانه‌ی كرد، كه‌ كادیرانی پارتی و پێشمه‌رگه‌ و ئه‌ندامانی پارتی له‌ سه‌رده‌می بارزانی نه‌مر و شۆڕشی مه‌زنی ئه‌یلووله‌وه‌ له‌سه‌ری په‌روه‌رده‌ بوون و داواشیكرد، هه‌رچی زیاتره‌ بایه‌خ به‌و به‌هایانه‌ بدرێت. وه‌ك ئاماژه‌یه‌ك بۆ ئه‌وه‌ی كه‌ گه‌نده‌ڵی و گه‌نده‌ڵكاران له‌ ریزی پارتیدا نه‌ جێیان بووه‌ته‌وه‌ و نه‌ جێیان ده‌بێته‌وه‌.
ئه‌مڕۆ منیش وه‌ك كادیرێكی پارتیمان و كوڕی شه‌هیدێكی رێگه‌ی سه‌ربه‌خۆیی كوردستان و به‌شداربوویه‌كی خولی 13ی كادیرانی پارتی، به‌شدار بووم له‌ چالاكییه‌كه‌ و شانازی ئه‌وه‌م پێبڕا له‌ خزمه‌ت دابم و له‌ نزیكه‌وه‌ گوێبیستی فه‌رمایشته‌كانی جه‌نابی سه‌رۆك بارزانی بم.
چالاكییه‌كه‌ی ئه‌مڕۆ له‌ هۆڵی پێشمه‌رگه‌ له‌ ناو باره‌گای فه‌رمانده‌یی پێشمه‌رگه‌ی زێره‌ڤانی، له‌ لایه‌ن سه‌نته‌ری دیراسات و توێژینه‌وه‌ و ئه‌كادیمیای پارتی ئه‌نجام درا و به‌شێكی زۆری كادیرانی خوله‌كانی 1 تا 19ی په‌یمانگه‌ی كادیران تێیدا به‌شدار بوون. 
هه‌روه‌ها به‌نده‌ شانازی و شه‌ره‌فی ئه‌وه‌شم پێ بڕا له‌ سه‌رخستنی مه‌راسیمه‌كه‌ی ئه‌مڕۆ به‌شدار بم و ئه‌ركی خۆم وه‌ك كادیر و پێشمه‌رگه‌ی ئه‌م رێبازه‌ پیرۆزه‌ جێبه‌جێ بكه‌م.
ماوه‌ته‌وه‌ بڵێم پێویسته‌ هه‌موومان پێش هه‌مووان كادیر و به‌رپرس و ئه‌ندامانی پارتی وانه‌ و په‌ند له‌ وتاره‌كه‌ی ئه‌مڕۆی جه‌نابی سه‌رۆك وه‌ربگرن و ئه‌و راستییه‌یان له‌به‌ر چاو بێت، كه‌ پارتی بۆ خزمه‌تی خه‌ڵكی كوردستان كار ده‌كات و خاوه‌نی خه‌ون و ئاوات و ستراتیژێكی گه‌وره‌ی نه‌ته‌وه‌ییه‌ و پێویسته‌ هه‌موومان كار بۆ سه‌رخستن و به‌دیهێنانی بكه‌ین. ئه‌وه‌ش به‌ گه‌ڕانه‌وه‌ بۆ ئه‌و به‌هایانه‌ ده‌كرێت، كه‌ جه‌نابی سه‌رۆك ئاماژه‌ی بۆ كردن.





ئەم هەواڵە 4912جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad