English | عربی | Kurdî دواهەواڵ
ڕاستەوخۆ  
 
عومەر چەلیک : لێدوانەکانی نەتانیاھۆ گڕ لە جیھان بەردەدات
2019-04-08 [07:28 AM]

ZNA- ھەولێر


پارتی داد و گه‌شه‌پێدانی فه‌ڕمانڕه‌وای توركیا كه‌ له‌لایه‌ن ره‌جه‌ب ته‌یب ئه‌ردۆغان، سه‌رۆك كۆماری ئه‌و وڵاته‌وه‌ سه‌رۆكایه‌تی ده‌كرێت، دژی لێدوانه‌كانی ئه‌م دواییه‌ی بنیامین نه‌تانیاهو، سه‌رۆك وه‌زیرانی ئیسرائیل ده‌نگی هه‌ڵبڕیوه‌ و پێیوایه‌ ئاگر له‌ رۆژهه‌ڵاتی ناوه‌ڕاست به‌رده‌دات.

عومه‌ر چه‌لیك، گوته‌بێژی پارتی داد و گه‌شه‌پێدانی توركیا به‌ ئاژانسی ئه‌نادۆڵوی فه‌رمی وڵاته‌كه‌ی گوتووه‌: "لێدوانه‌ پڕ هه‌ڵچوون و سه‌ركێشه‌كانی نه‌تانیاهو، نه‌ك ته‌نها رۆژهه‌ڵاتی ناوه‌ڕاست، به‌ڵكو گڕ له‌ جیهان به‌رده‌دات و ئه‌‌و قسانه‌شی كه‌ له‌باره‌ی په‌یوه‌ستكردنی به‌شێكی كه‌ناراوی رۆژئاوا به‌ ئیسرائیله‌وه‌ ده‌یكات، بۆ ئه‌وه‌یه‌ له‌ هه‌ڵبژاردندا پاڵپشتیی راستڕه‌وه‌ توندڕه‌وه‌كان به‌ ده‌ستبهێنێ".

هه‌روه‌ها گوتوویه‌تی: "لێدوانه‌كانی سه‌رۆك وه‌زیرانی ئیسرائیل، گرژی زیاتر و ململانێی گه‌وره‌تر له‌ جیهاندا ده‌خوڵقێنێ، نه‌تانیاهو به‌و قسانه‌شی جارێكی دیكه‌ رووی شه‌ڕانگێزیی خۆی ئاشكرا كردووه‌ته‌وه‌".

ئه‌و قسانه‌ی پارته‌كه‌ی ئه‌ردۆغان له‌ وه‌ڵامی لێدوانێكی ئه‌م دواییه‌ی سه‌رۆك وه‌زیرانی ئیسرائیله‌ كه‌ رایگه‌یاندبوو: "ئه‌گه‌ر له‌ هه‌ڵبژاردنی رۆژی 9/4/2019 سه‌ركه‌وتن به‌ده‌ستبهێنێ، ده‌ست به‌ گرتنه‌به‌ری رێوشوێنی پێویست ده‌كات بۆ ئه‌وه‌ی چه‌ند به‌شێكی كه‌ناراوی رۆژئاوا به‌ ئیسرائیله‌وه‌ په‌یوه‌ست بكات".





ئەم هەواڵە 5395جار خوێندراوەتەوە
 
 
ڤیدیۆ گەلەری
چەند بیرۆکەیەک بۆ ڕزگاربوون لە گەرمای ھاوین
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad