English | عربی | Kurdî دواهەواڵ
ڕاستەوخۆ  
 
حكوومەت بڕیارێكی گرنگ دەربارەی فەرمانبەران دەردەكات
2019-04-09 [06:02 AM]

​ZNA – هەولێر


بەپێی نوسراوێكی سەرۆكایەتی ئەنجومەنی وەزیرانی كوردستان ئاماژە بەوەكراوە ، كە دەبێت فەرمانبەری زیادەی وەزارەت و فەرمانگەكان دیاری بكرێت و بۆیان بنێرن.

وەكو لە نوسراوەكەدا جەختی لێكراوەتەوە"هەرداموو­ دەزگایەك ناو و ژمارەی سەرجەم ئەو فەرمانبەرانەیان بۆ بنێرن كە زیادەن و دەبێت میلاكی ئەو فەرمانبەرە زیادانەش دیاری بكرێت".

ئەوەش خراوەتەڕوو دەبێت داموو دەزگاكان ناو و ژمارەی ئەو فەرمانبەرانەشیان بۆ بنێرن كەوا تەنها مووچە وەردەگرن هیچ شوێن و ئەركێكیان نیە و دەوام ناكەن".

بەپێی زانیاریەكان دوای ئەوەی ناوی ئەو فەرمانبەرانە دەدرێتە ئەنجومەنی وەزیران، سەرۆكایەتی ئەنجومەنی وەزیران بڕیار لە چارەنوسی ئەو فەرمانبەرانە دەدات،یان جارێكی تر ئەو فەرمانبەرانە بەسەر فەرمانگەكان دابەش دەكرێنەوە،یان مۆڵەتيان دەدرێتێ یان مووچەی چاودێری كۆمەڵایەتیان پێ دەدرێت.

حكوومەتی هەرێمی كوردستان زیاتر لە 700 هەزار فەرمانبەری هەیە، بە گوتەی شارەزایان ئەو ژمارەیە زۆر زۆر زیاترە لە پێداویستی داموو دەزگاكانی حكوومەت.

مامەند بایز، راوێژكار لەسەرۆكایەتی ئەنجومەنی وەزیرانی كوردستان بە باسی راگەیاند: رێكاری باش ئەوەیە فەرمانبەری زیادەی داموو دەزگاكان دابەش بكرێتەوە بۆ سەر ئەو داموو دەزگایانەی كە كێشەی كەمی میلاكیان هەیە، گوتی:" ناكرێت بەبیانووی میلاكی زیادە فەرمانبەر مووچەی ببڕدرێت، بەڵكو دەكرێت دووبارە دابەش بكرێنەوە بۆ سەر ئەو شوێنانەی كە كێشەی كەمی میلاكیان هەیە، ".

ئەو روونیشی كردەوە :" ماوەی 5 ساڵ زیاتر لە هەرێمی كوردستان دامەزراندن نیە، ئەوەش وای كردووە كێشەی میلاك دروست بێت،لەگەڵ ئەوەی دامەزراندن نەبووە و فەرمانبەرێكی زۆریش خانەشین كراوە، بەڵام هەندێك فەرمانگە پڕن لە فەرمانبەرن بەڵام زۆر شوێنیش هەیە پێویستی بە فەرمانبەر هەیە".

 





ئەم هەواڵە 14134جار خوێندراوەتەوە
 
 
ڤیدیۆ گەلەری
چەند بیرۆکەیەک بۆ ڕزگاربوون لە گەرمای ھاوین
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad