English | عربی | Kurdî دواهەواڵ
ڕاستەوخۆ  
 
دەستەی باڵای هەڵبژاردنەکانی تورکیا داوایەکی ئەکەپەی رەتکردەوە
2019-04-09 [10:51 AM]

ZNA- هه‌ولێر


دەستەی باڵای هەڵبژاردنەکانی تورکیا، داوایەکی پارتەکەی رەجەب تەیب ئەردۆغانی لەبارەی دووبارە هەژمارکردنەوەی دەنگەکانی شاری ئیستانبوڵ رەتکردەوە.

پێشتر ئەردۆغان رایگەیاندبوو، هەڵبژاردنە ناوخۆییەکانی تورکیا بە "تاوانێکی رێکخراو" شێوێندراوە و گومانی لەسەر هەڵبژاردنەکانی 31ی مانگی رابردوو دروست کرد.

ئەردۆغان لە لەدەستدانی ئیستانبوڵ و ئەنقەرە نیگەرانە، بەڵام نیگەرانییەکانی لە ئیستانبوڵ زیاتر چونکە بە چەند هەزار دەنگێک شکستیان هێنا و جەهەپە شارە گەشتیارییەکەی تورکیای بردەوە.

سووربونی ئەردۆغان بۆ هەڵوەشاندنەوەی ئەنجامەکانی ئێستای هەڵبژاردن لە ئیستانبوڵ و هەڕەشەکانی، بەهای لیرەی تورکی دابەزاندووە.

بە گووتەی پارتەکەی ئەردۆغان، ئەکەپە، لە ناوچەیەکی ئیستانبوڵ 11 هەزار و 186 کەس بە نایاسایی ناویان تۆمارکراوە و دەنگیان داوە، بەڵام بەرپرسانی ناوچەکە ئەو تۆمەتەیان رەتکردووەتەوە.

لە هەڵبژاردنی شارەوانییەکانی تورکیا، هەردوو ئەکەپە و هەدەپە دەنگەکانیان کەمیکرد، بەڵام ئەوەی بۆ ئەکەپە مایەی نیگەرانی زۆرە، لەدەستدانی هەردوو پایتەختی سیاسی و گەشتیاریی تورکیایە.

Reuters





ئەم هەواڵە 3256جار خوێندراوەتەوە
 
 
ڤیدیۆ گەلەری
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
ڤیدیۆیی .... بە ئاگر و شمشێر قژی ئافرەتان رێکدەخات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad