English | عربی | Kurdî دواهەواڵ
ڕاستەوخۆ  
 
به‌م زووانه‌ سه‌رۆكوه‌زیرانی عێراق سه‌ردانی سعوودیه‌ ده‌كات
2019-04-09 [10:57 AM]

ZNA- هه‌ولێر


باڵیۆزی عێراق له‌ سعوودیه‌، قه‌حتان ته‌ھا خه‌ڵه‌ف رایگه‌یاند: به‌م زووانه‌ سه‌رۆكوه‌زیران، عادل عه‌بدولمه‌ھدی سه‌ردانی ریاز ده‌كات.

قه‌حتان ته‌ھا خه‌ڵه‌ف له‌ لێدوانێكی رۆژنامه‌وانیدا ئاشكرایكردووه‌ كه‌ له‌ چوارچێوه‌ی سه‌ردانه‌كه‌ی سه‌رۆكوه‌زیران، عادل عه‌بدولمه‌دی بۆ سعوودیه‌، ١٣ رێككه‌وتن له‌ نێوان ھه‌ردوو وڵاتدا واژوو ده‌كرێت و ئاماژه‌ی به‌وه‌شداوه‌ كه‌ له‌ میانی سه‌ردانی شانده‌كه‌ی سعوودیه‌ كه‌ به‌م دواییانه‌ بۆ به‌غدا ئه‌نجامدرا، عێراق ١٨٦ ھه‌لی وه‌به‌رھێنانی پێشكه‌ش به‌ شانده‌كه‌ی سعوودیه‌ كرد.

باڵیۆزی عێراق له‌ سعوودیه‌، قه‌حتان ته‌ھا خه‌ڵه‌ف باسی له‌وه‌شكردووه‌ كه‌ سه‌ردانه‌كه‌ی شانده‌كه‌ی سعوودیه‌ بۆ به‌غدا، سه‌ره‌تاییه‌كه‌ بۆ پته‌وتركردنی په‌یوه‌ندییه‌كانی نێوان هه‌ردوو وڵات.

قه‌حتان ته‌ھا خه‌ڵه‌ف روونشیكردووه‌ته‌وه‌ كه‌ سه‌رجه‌م رێككه‌وتنه‌كانی ئه‌نجوومه‌نی ھه‌ماھه‌نگی عێراقی و سعوودی كه‌ له‌ ریاز واژوو ده‌كرێن، گرنگن به‌ تایبه‌تیش له‌ بواری كه‌رتی وزه‌دا و گوتی: "كه‌رتی وزه‌ گرنگییه‌كی زۆری پێدراوه‌، به‌ڵام ئه‌مه‌ مانای ئه‌وه‌ نییه‌ كه‌رته‌كانی دیكه‌ گرنگییان پێ نه‌درێت و فه‌رامۆش بكرێن، سه‌رجه‌م كه‌رته‌كان گرنگ و ھه‌وڵ ده‌ده‌ین په‌یوه‌ندییه‌كانمان له‌گه‌ڵ سعوودیه‌ به‌ره‌وپێش به‌رین".

ھیچ روونكردنه‌وه‌ یان زانیارییه‌ك له‌باره‌ی سه‌ردانه‌كه‌ی سه‌رۆكوه‌زیرانی عێراق، عادل عه‌بدولمه‌ھدی بۆ ریاز له‌ لایه‌ن سعوودیه‌ بڵاونه‌كراوه‌ته‌وه‌.





ئەم هەواڵە 10645جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad