English | عربی | Kurdî دواهەواڵ
ڕاستەوخۆ  
 
کۆنگرێسی ئەمریکا هۆشداری توند دەداتە تورکیا
2019-04-10 [07:32 AM]

ZNA-هەولێر


کۆنگرێسی ئەمریکا هۆشداری دەداتە تورکیا لەمەڕ سزای توندی ئابووری بۆ سەر ئەو وڵاتە، ئەگەر هاتوو بەردەوام بێت لە پلانەکانی بۆ کڕینی سیستمی بەرگری موشەکیی رووسی S-400.

هەردوو سەرۆکی لیژنەی پەیوەندییەکانی دەرەوە و هێزە چەکدارەکانی کۆنگرێسی ئەمریکا هۆشداری دەدەنە تورکیا و رایانگەیاند، تورکیا خۆی دەخاتە بەردەم مەترس رووبەڕووبوونەوەی سزای توند، ئەگەر هاتوو بەردەوام بێت لە پلانەکانی بۆ کڕینی سیستمی بەرگری موشەکیی رووسی S-400، هەروەها هەڕەشەی گرتنەبەری ڕێوشوێنی دەرکردنی یاسای زیاتریان کرد دژ بە تورکیا.

هەردوو سەرۆکی لیژنەکان، جیمریچ و جیم ئینهۆڤی کۆماری و جێگرەکانیان، بۆب مێنیندێز و جاک ریدی دیموکراتەکان لە نوسراوێکدا کە لە رۆژنامەی نیویۆرک تایمزدا بڵاوکراوەتەوە رایدەگەیەنن: "تا کۆتایی ئەمساڵ تورکیا یان دەبێت فڕۆکەی F-35ی پێشکەوتوو هەبێت یان سیستمی بەرگری رووسی S-400، ناتوانێت هەردووکیانی دەست بکەوێت."

سەرۆک لیژنەکانی کۆنگرێس دەسەڵاتیان هەیە بۆ وەستاندنی فرۆشتنی چەکی گەورە بە دەرەوە و هەروەها دانانی یاسایەک کە تیایدا سزای تورکیا دەدات ئەگەر سیستمیS-400ی رووسی بکڕێت.

سەرۆکەکانی ئەو دوو لیژنەیە رایانگەیاند، تورکیا لەوانەیە بەپێی یاسای ئەمریکی رووبەڕووی سزا ببێتەوە، ئەگەر سیستمە رووسیەکە بکڕێت، سزاکان زیانی توند بە ئابووری تورکیا دەگەیەنن و بازاڕەکانی جیهان بێزار دەکەن و بەربەست دەخەنە بەردەم پیشەسازی فڕۆکە و بەرگری لە تورکیا.





ئەم هەواڵە 3973جار خوێندراوەتەوە
 
 
ڤیدیۆ گەلەری
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
ڤیدیۆیی .... بە ئاگر و شمشێر قژی ئافرەتان رێکدەخات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad