English | عربی | Kurdî دواهەواڵ
ڕاستەوخۆ  
 
بەڵێندەر و فەرمانبەر پۆشمانی بێهنفرەهییا خوە نەبوون
2019-04-10 [11:57 AM]

نڤیسینا : دلۆڤان حەسەن


ژ سەرهلدانا "بوهارا ۱۹۹۱ تا ۲۰۱٤"ێ ب تایبەتی ژی چەند؟ساڵەکێن پشتی ژناڤبرنا رژێما بەعس،حکوومەتا هەرێمێ د وی ماوەیێ کورت دا پێنگاڤێن مەزن د بوارێ وەبەرهنێانێ دا هاڤێتن. لێ پشتی هاتنا رێکخراوا تیرۆرستی و قەیرانا ئابوری بەر سینگێ حکوومەتا هەرێمێ گرتین.چاڤێ هەمی دوژمن و دۆستێن دوژمنان ل کەفتن و ژناڤچوونا کوردان بوو، ب هیڤیبوون کو ئەڤە دووماهیکا پێشکەفتن و ئارامییا کوردستانێ نێزیک بوو ،خەون ب چۆک دانانا هەرێمێ ڤە د دیتن.چونکی ژ لایەکیڤە کوردستان د شەڕێ بەرەڤانیکرنێ دا بوو ل گەل "رێکخراوا تیرۆرستییا داعش" و ژلایەکی دیڤە هاتنا ژمارەیەکا مەزنا ئاوەرەیان بۆ بەر دەرازینکا دلۆڤانییا خەلک و سەرکردایەتییا کوردستانێ، ئاستەنگێن هەرە مەزن بوون.سەرباری گڤاشتنێن وەڵاتێن هەڤسۆی و داکەفتنا بوهایێ نەفتێ،لەوما رۆژ ب رۆژ قەیرانا ئابووری دژوارتر دبوو.هەتا گەلەک لایەنێن کوردی ژی مینا دوژمنان بزاڤ دکرن بابەتێ مووچەی و ئاستەنگێن هەمبەر فەرمانبەران بکەنە رێک کو دووماهیێ ب بهێنفرەهییا وان بینن.لێ وەکی هەرجار خەلکێ هەرێمێ ب گشتی بێهنفرەهی ل سەر هەمی ئاستەنگ و نەخۆشییان کێشا، دلێ چ دوژمنان ب خوە خۆش نەکر. ژ بەرکو پڕانی ب حکوومەتا خوە ب باوەربوون کو هەر دەمێ شەڕو ئالۆزی نەمینن و رەوشا ئابووری بەرەف پێش بچیت، حکوومەتا هەرێمێ ب تایبەتی ژی سەرۆکێ حکوومەتێ دێ ل سۆزێن خوە ب خودان دەرکەڤیت. دیسان ژبلی فەرمانبەران،زەرەرمەندێن هەرە مەزن ژ قەیرانا دارایی بەڵێندەر بوون.ژبەرکو پارەیێ پێدڤی ل بەردەستێ حکوومەتێ نەبوو کو بدەتە بەڵێندەران، بەڵێندەران ژی شیانێن ب دووماهیکئینانا پرۆژەیان نەمان،لەوما ژ سەرجەمێ ۳۰۰۰پرۆژەیان پڕانییا وان هاتنە راوەستاندن.لێ بەڵێندەر ژی مینا فەرمەنبەران ب حکوومەتا هەرێمێ و ب تایبەتی سەرۆکێ حکوومەتێ"نێچیرڤان بارزانی"ب باوەربوون.بێگۆمان مینا هەر جار سەرۆکێ حکوومەتێ ل سۆزێن خوە خودی دەرکەفت.پشتی هەمی شیانێن خوە یێن دبلۆماسی بکارئیناین و شیایی پەیوەندیێن د ناڤبەرا هەولێر و بەغدایێ تا رادەیەکێ باش ئاسایی بکەت،پەیوەندین کوردستنێ ل گەل وەڵاتێن زلهێز و هەڤسوی بەرەف پێش ببەت.دووماهیکهاتنا قەیرانێ ژی راگەهاند و بڕیارا ژ نەچاری یا پاشەکەفتکرنا مووچەی ژی هەڵوەشاند. بەڵێندەر ژی نەهاتنە پشتگۆهـ هاڤێتن، د پێنگاڤا ئێکێ دا ۱۰۰ملیۆن دۆلار بۆ بەڵێندەران هاتنە مەزاختن، دیسان بڕیارا ڤێ دووماهیێ ژی یا مەزاختنا ۱۰۰ملیۆن دۆلارێن دی بۆ بەڵێندەران، دێ بیتە پێنگاڤەکا باش و کاریگەر بۆ بۆژاندنا بازاڕی و لڤینەکا بهێز د وەبەرهێانێ دا و ئەو پرۆژێن ب نیڤ تمامی ماین دێ هێنە تمامکرن و دێ بیتە پێنگاڤەکا گرنگ کو بەڵێندەر بشێن هەڤڕکیێ بکەن بۆ جێبەجێکرنا هندەک پرۆژەیێن دی یێن د خێرا خەلکێ کوردستانێ دا.





ئەم هەواڵە 1234جار خوێندراوەتەوە
 
 
ڤیدیۆ گەلەری
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
ڤیدیۆیی .... بە ئاگر و شمشێر قژی ئافرەتان رێکدەخات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad