English | عربی | Kurdî دواهەواڵ
ڕاستەوخۆ  
 
ئێران.. بەھۆی لافاو زیاتر لە ٢٠٠ گوند و پێنج ناوچەی خوزستان چۆڵکران
2019-04-11 [12:35 PM]

ZNA-هه‌ولێر


بەھۆی ئەو شەپۆڵە باران بارینە بەخوڕە و درووست بوونی ئەو لافاوەی کە سێ ھەفتەیە، زیاتر لە ٢٥ پارێزگای ئێرانی گرتووەتەوە، رەوشەکە لە ئاستی چاوەڕوانی دەرچووە و لە ئێستادا لافاو ھەڕەشە لە دانیشتوانی پارێزگای خوزستان و دەورووبەری دەکات. 

بارانبارینی چڕ کە دوو ھەفتەیە ئەو پارێزگایەی گرتوەتەوە وایکردووە ئاستی ئاوی ھەر سێ رووبارەکانی" دێز و کەرخێ و کارون" بە شێوەیەکی چاوەڕواننەکراو بەرز ببنەوە. 

ھاوکات ئاوی ئەم رووبارانە لە ڕێڕەوی خۆیان لایان داوە و ڕوویان لە سەنتەری شاری ئەھوازی ناوەندی پارێزگای خوزستان کردووە و بە ھۆیەوە حکوومەت لە پارێزگای خوزستان و دەوروبەری باری نائاسایی ڕاگەیاندووە. 

ئەمەش وایکردووە کە لافاو دروست بێت کە لە ئێستادا ھەڕەشە لە ژیانی زیاتر لە ٤٠٠ ھەزار کەس دەکات و زیاتر لە ٢٠٠ گوند و پێنج ناوچەی پاڕێزگاکە بەتەواوی لە دانیشتوانەکەی چۆڵ کراون . 

لەمبارەوە عەبدولڕەزا ڕەحمانی فەزڵی، وەزیری ناوخۆی ئێران ئاشکرای کردووە: ئەگەری زۆرە ئەمڕۆ پێنجشەممە ئاو بچێتە ناو دوو گەڕەک و ناوچەی "عەین دوو و کیانشار"ی ئەھوازی سەنتەری پارێزگای خوزستان و ئەگەر نەتوانرێت پێش بە لافاوەکە بگرێت، کارەساتی گەورە لە شارەکە روودەدات.

لە لایەکی دیکە، بەرپرسانی شارەوانی و قەیرانی شاری ئەھواز بڵاویان کردووەتەوە ئاستی ئاوی ڕووباری کارون کە بەناو شاری ئەھوازدا تێپەڕ دەبێت، لە ئاستی ئاسایی خۆی زۆر زیاتر بەرزتر بووەتەوە و ئەمەش بووەتە ھۆی مەترسییەکی گەورە لەسەر شار و خەڵک و دانیشوانی شارەکە تووشی دڵەڕاوکێی زۆر بوونە. 





ئەم هەواڵە 5860جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad