English | عربی | Kurdî دواهەواڵ
ڕاستەوخۆ  
 
سەرۆكی پەرلەمان پێشوازیی لە شاندێكی پەیمانگەی كەنەدی کرد
2019-04-11 [03:32 AM]

ZNA - هه‌ولێر


 

  ئەمڕۆ پێنجشەممە ڤالا فەرید ئیبراهیم، سەرۆكی پەرلەمانی كوردستان، پێشوازیی لە شاندێكی پەیمانگەی كەنەدی بۆ حوكمڕانی كرد كە پێك هاتبوو لە مادلین میور، یاریدەدەرى باڵای پەیمانگەكە و شاندی یاوەری.

لە دیدارێكدا مادلین میور، یاریدەدەرى باڵای پەیمانگەی كەنەدی بۆ حوكمڕانی، پیرۆزباییی لە سەرۆكی پەرلەمان كرد بە بۆنەی دەستبەكاربوونی لە پۆستی سەرۆكی پەرلەمانی كوردستاندا و خۆشحاڵیی خۆی دەربڕی بە بوونی ئافرەتێك لەو پۆستە باڵایەی هەرێمی كوردستاندا، كە یەكەم جارە لە مێژووی هەرێمی كوردستان و ناوچەكەدا دەبینرێت و هیوای خواست لەسەر ئاستی هەرێمی كوردستان و عێراق دەرفەت و ڕۆڵی زیاتر بۆ ئافرەتان فەراهەم بكرێت.

د. ڤالا فەرید ئیبراهیم، سەرۆكی پەرلەمانی كوردستان، وێڕای بەخێرهێنانی شاندی میوان بۆ پەرلەمانی كوردستان، ستایشی هەوڵ و كارەكانی ڕێكخراوی كەنەدی بۆ حوكمڕانیی ئافرەتی سەركردەی كرد كە بەردەوام كۆڕ و سیمینار و خول بۆ پێگەیاندنی ئافرەتی سەركردە لە هەرێمی كوردستان ساز دەكەن و هیوای خواست بەردەوام بن لەم كارانە بۆ ئەوەی ئافرەتانی كوردستان بە بڕوابەخۆبوونێکی زۆرەوە ڕۆڵی زیاترى خۆیان ببینن و بەشدارییەكی كارایان لەنێو كایەكانی حوكمڕانیدا هەبێت بۆ ئەوەی ڕوویەكی گەش و جوان پێشكەشی ناوەوە و دەرەوەی وڵات بكەن.

لە بەشێكی دیكەى دیدارەكەدا سەرۆكی پەرلەمان پوختەیەكى لە ڕێكارە یاساییەكانی پەرلەمانی كوردستان و هەنگاوەكانی پێكهێنانی كابینەی نۆیەمی حكوومەتی هەرێمی كوردستان، بۆ شاندی میوان باس كرد و ڕایگەیاند: "پەرلەمانی كوردستان هەنگاوە یاساییەكانی خۆی بەگوێرەی پەیڕەوی ناوخۆی پەرلەمان دەست پێ كردووە بۆ ئەنجامدانی ڕێكارە یاساییەكانی كاراكردنەوەی دامەزراوەى سەرۆكایەتیی هەرێمى كوردستان و لە ئایندەیەكی نزیكدا دەنگ لەسەر پرۆژە پێشنیازكراوەكە دەدات".

لەوەڵامی پرسیارێكی شاندی میوانیشدا سەبارەت بەدەسەڵاتەكانی سەرۆكی پەرلەمان كوردستان، د. ڤالا، گوتی: "بەگوێرەی یاسا بنەڕەتییەكانی هەرێمی كوردستان و بەگوێرەی پەیڕەوی ناوخۆی پەرلەمانی كوردستان، ئەو دەسەڵاتانەى كە پێمان دراوە بەكاری دەهێنین و هیچ كەسێكیش دەسەڵاتی ڕەهای نییە، ئەمەش نیشانەی دیموكراسی و پێشكەوتنی وڵاتەكەمانە".

شایانی باسە پەیمانگەی كەنەدی بۆ حوكمڕانی، كار لەسەر حوكمڕانیی لامەركەزى و فیدڕاڵیی ئابوورى لە عێراق و هەرێمی كوردستان دەكات.





ئەم هەواڵە 3874جار خوێندراوەتەوە
 
 
ڤیدیۆ گەلەری
چەند بیرۆکەیەک بۆ ڕزگاربوون لە گەرمای ھاوین
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad