English | عربی | Kurdî دواهەواڵ
ڕاستەوخۆ  
 
عێراق قەرەبووی زیان لێكەوتوانی لافاو دەكاتەوە بە كوردستانیشەوە
2019-04-14 [06:43 AM]

ZNA – هەولێر


لە کۆبونەوەی دوێنێی پەرلەمانی عێراق بڕیاردرا زیانلێکەوتووانی لافاو قەرەبوو بكرێنەوە و داواش لە هەرێمی کوردستان دەكرێت دۆسیەی زیانلێکەوتوانی لافاو ئامادە بکات.

 

 
جەمال کۆچەر، ئەندامی لیژنەی دارایی پەرلەمانی عێراق، بە رووداوی گوت: "ڕۆژی یەك شەممە (13-4-2019) لە کۆبونەوەی پەرلەمانی عێراق بڕیاردرا بە قەرەبوکردنەوەی زیانلێکەوتووانی لافاو لە تەواوی پارێزگاکانی عێراق بە هەرێمی کوردستانیشەوە".
 
کۆچەردەشڵێت: "بەپێی بڕیارەکە لیژنەیەکی پەرلەمان بەسەرۆکایەتی جێگری یەکەم و 9 پەرلەمانتار سەردانی شوێنەکان دەکەن بۆ بەدواداچون بەمەبەستی خەرجکردنی پارەکە، بۆیە داوا لە حکومەتی هەرێمی کوردستان دەکەین بەزووترین کات دۆسیەی زیانلێکەوتووانی لافاو ئامادە بکات".

 

 
ئەندامەکەی لیژنەی دارایی پەرلەمانی عێراق ئاماژەی بەوەشكرد، لەکۆی بەشەبودجەی 2019ـی عێراق 3 تریلیۆن دینار بۆ رووداوە لەناکاوەکان تەرخانکراوە، لەنێویدا 380 ملیار دیناری بەر هەرێمی کوردستان دەکەوێت.

 

 هەروەها داوایان لە ئەنجوومەنی وەزیران کرد بڕی 4 تریلیۆن دیناری دیکە لە بەشە بودجەی 2019 بۆ رووداوە لەناکاوەکان بخرێتەسەر سێ تریلیۆن دینارەکە بۆ قەرەبووکردنەوەی زیانلێکەوتووان".
 
بارانبارینەکانی ئەمساڵ بووە هۆی ئەوەی لە چەندین ناوچە و پارێزگاكانی عێراق لافاو دروست ببێت، بەوهۆیەوەش زیانی بەبەشێک لە ماڵ و موڵکی هەندێك لە هاونیشتمانیان گەیاند.




ئەم هەواڵە 3511جار خوێندراوەتەوە
 
 
ڤیدیۆ گەلەری
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
ڤیدیۆیی .... بە ئاگر و شمشێر قژی ئافرەتان رێکدەخات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad