English | عربی | Kurdî دواهەواڵ
ڕاستەوخۆ  
 
پارتیبوون ، كوردایەتییە , قەڵاییەكی پۆڵایینە بەرامبەر نەیارانی كورد وكوردستان..
2019-04-15 [05:15 AM]

نوسینی : رێبوار حەمەلاو شوانی


داگیركەران و نەیارانی  كورد بە درێژایی بزاڤی رزگاریخوازی كوردستان ، زۆر هەوڵیان دا بە سەر چیایی و قەڵایی بەرزی  پارتیی دا پیلان و مەرامەكانیان جێبەجێی بكەن و  ببنە بەربەست بەرامبەر  ئەو كاروانە خەبات و كوردایەتییە بەڵام هەر جارێك  تووشی هەڵدێران و لووت شكاندن بوونەوە ، بوون بە پەندی زەمانە ..هوكارەكان زۆرن گرنگترین و بەرچاوترینیان " كوردایەتییە"، رێبازێك كە تاك بە تاكی قوتابیانی بە رۆح و خوێن و گیانیان لە سەختترین بارودۆخەكاندا ئامادەی هەموو فیداكارییەكن ، هەروەها بەردەوام لە ئاڵاهەڵگری كوردایەتیی و كۆڵنەدان فێری كوردبوون و خۆشەویستی گەل و نیشتیمان بن ، خزمەتكاری كورد و كوردستان بن ..

پارتی دیموكراتی كوردستان کە ھەڵگری ئامانج و پرسی نەتەوەیەکە، لەو پێناوەشدا قوربانی گەورەی داوە ھەموو ئەمانەش لە پێناو خزمەتکردن بە دۆزی رەوای نەتەوەکمان و بەرز راگرتنی شکۆی تاکی کورد بووە ھەر بۆیە مێژوو بە بەرزی باس لە باڵای پارتی و سەرکردایەتیەکەی دەکات.
پرۆژەی نەتەوەیی وەک راگەیاندنی کیانی سەبەخۆی کورد ھەڵقوڵاوی ئەو کانیاوە بووە کە بۆ یەکەم جار پارتی دیموکراتی کوردستان لە مێژووی بزاڤی رزگاری خوازی کورد نەخشە رێگای بۆ کێشاوە، ھەر بۆیەشە ئەمرۆ دەبینین پارتی سورە لەسەر مافی چارەی خۆنوسین و رێگەش بەوە نادات خوێنی شەھیدان بەفیرۆبچێت، چونکە مافێکی رەوای سەرجەم کوردستانیانە و نەتەوەکەشمان لەو پێناوە دا باجی کەمی نەداوە !!.
یەکێک لەو خاڵانەی کە جێگەی نارحەتی نەیاران و دوژمنان بووە ئەوەیە پارتی دیموكراتی كوردستان ھەمیشە لە پێناو ئامانجە باڵاکانی نەتەوە و نیشتمان قوربانی بەخۆی داوە، تەنانەت قوربانی بەو ئیمتیازاتانەش داوە کە لەدەرئەنجامی ھەڵبژاردن بە شێوازێکی دیموکراسی بەدەستی ھێناوەن ھەموو ئەمانەش لە پێناو ئەوە بووە تاوەکو جارێکی تر مرۆڤی کورد نەکەوێتە بەر زەبرو زەنگی دوژمنان و نەیارانی گەلەکەمان، چونکە پارتیمان باش لەوە تێگەیشتووە کە تاک تاکی کورد شایەنی ژیانێکی شکۆمەندانەیە نەوەک کۆیلایەتی و زەبرو زەنگ و بەش مەینەتی

بەرگریكاری ، گەرما ، سەرما ، شەونخوونی ، برسێتی ، هەژاری ، ئاوارەیی بگرن ، كۆڵنەدان .دژی ژێر دەستی و داگیركەران ، خۆفرۆشان بوەستەوە ، پشوو درێژێژ و خۆراگربن ، سازش مەكەن لە سەر مافەرەواكان و بستێك خاكی نیشتیمان ..
پارێزەری ئاڵا ، مێژوو ، وڵات بن ، بە دڵنییاییەوە ، هەموو ئەو گیانفیدایی و خۆشەویستی بۆ كورد و كوردستان وایانكردووە كە داگیركەران و نەیارانی كورد ، هەمیشە بە ترسەوە بروانە قوتابخانەی كوردایەتیی و ئاڵاهەڵگر و پێشەنگەكەی كە ئەویش سەرۆك بارزانییە ..

پارتی دیموكراتی كوردستان ، جگە لەوەی ئامانج و ستراتیژییەكی روون و ئاشكرایی هەیە، بۆ خەباتی سیاسی لە هەمانكاتیشدا خەتێكی نەتەوەیی پەیرەو دەكات ، ئەویش كوردایەتییە ، چونكە خۆی میرات هەڵگری گشت شۆرش و بەرخۆدانەكان دەزانێ‌ و هەموو كاتێكیش داكۆكیكاری سەر سەختی مافەرەواكانی كورد بووە و بەكردەوەش ئەو راستییەی سەڵماندووە ،ئەوەش وایكردووە كە هەمووكات دوژمنان و داگیركەرانی كوردستان لەو خەباتە نەتەوەییەی كە پارتی و سەرۆك بارزانیی هەڵیان گرتووە بترسن ..

لە قۆناغی ئێستای خەباتیشدا كە پارتی هەڵگری ستراتیژی بونیاتنانی كوردستانێكی بەهێزە ، روون و ئاشكرایە ، چۆن بە پاساوویی پۆست و ئەم وەزیری و ئەم جێگر خەرێكن كات بە هەدەر بدەن و بەربەست لە بەردەەم هەنگاوكانی دروست بكەن ، بەڵام ئیرادەی پارتی و بارزانیی زۆر بەهێزترە لە هەر پیلانگێرییەك تر بەدڵنییاییەوە ئامانج و ئاواتەكانی ئەمرٍۆ یا سبەی دێتە دی كە ئەوەش ئاواتی لە مێژینەی هەر كوردێكی دڵسۆز و نیشنتیمانپەرەوەرە ...





ئەم هەواڵە 196جار خوێندراوەتەوە
 
 
ڤیدیۆ گەلەری
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
ڤیدیۆیی .... بە ئاگر و شمشێر قژی ئافرەتان رێکدەخات
فرۆکەوانێک بەم شێوەیە رێز لە مامۆستاکەی دەگرێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad