English | عربی | Kurdî دواهەواڵ
ڕاستەوخۆ  
 
شوقەكانی كرێچیان و فەرمانبەران تەواو دەكرێن
2019-04-16 [07:20 AM]

ZNA – هەولێر


حكوومەت پارە بۆ دابینكردنی خزمەتگوزاری شوقەی كرێچیان و فەرمانبەران تەرخان دەكات بەرپرسێكی وەزارەتی ئاوەدانكردنەوەش لە 5 مانگی داهاتوودا گەیاندنی خزمەتگوزاری بۆ ئەو یەكانەی نیشتەجێبوون تەواو دەكرێن.

ئەندازیار ئاگرین عەبدوڵا ، بریكاری‌ وەزارەتی ئاوەدان كردنەوە و نیشتەجێ‌ كردن بە باسی راگەیاند:  دووبارە دەستكراوەتەوە بە گەیاندنی خزمەتگوزاری بۆ شوقەی كرێچیان گوتی: شوقەكان تەواو بوونە، بەڵام خزمەتگوزاریەكانی ئاو و ئاوڕۆ و تۆڕی كارەبا و رێگاوبان ماوە، ئێستاش ئیشكردن لەو پڕۆژانە دەستی پێكردووە".

ئەو بەرپرسە گوتیشی:"ساڵێك بوو ئەو پڕۆژانە وەستابوو چونكە بانكی كوردستان پارەكەی خەرج نەدەكرد، پارەی ئەو پڕۆژانەش لەسەر داهاتی نەوت بوو ، ئێمە داوامان لە ئەنجومەنی وەزیران كرد راستەوخۆ خۆیان پارەكەمان بۆخەرج بكەن، ئەوانیش رەزامەندی خەرجكردنیان داوە و خزمەتگوزاریەكان دەستیان پێكراوەتە".

عەبدوڵا ئاشكراشی كرد: 390 شوقە لە بنەسڵاوە لە هەولێر و 44 شوقە لە سۆران و هەندێك شوقەی تریش لە قەڵادزێ و هەڵەبجە خزمەتكوزاریان بۆ دابین دەكرێت، گوتیشی:" دووملیار و 300 ملیۆن دینارمان داواكرد بوو بۆ تەواوكردنی خزمەتگوزاری بۆ ئەو شوقانە رەزامەندی خەرجكردنی پارەكە هاتووە و كارەكان دەستیان پێكردۆتەوە".

پێشووتر زانیاری ئەوە هەبوو ئەو شوقانە بدرێتە كەسوكاری شەهیدانی شەڕی داعش، بەڵام بەرپرسەكەی وەزارەتی ئاوەدانكردنەوە دەڵێت:" ئەم بڕیارە درا بەڵام جێبەجێ نەكرا، ئەو شوقانە بەناوی خەڵكی كەم دەرامەت و هەژار دروستكراون نیوەی بۆ فەرمانبەران و نیوەكەی تریش بۆ كرێچیان ".

لە ساڵی 2012 دەستكرا بە دروستكردنی ئەو شوقانە، بەڵام بەهۆی قەیرانی دارایی و شەڕی داعش نەتواندرا خزمەتگوزاریان بۆ دابین بكرێت.

بەرپرسەكەی وەزارەتی ئاوەدانكردنەوە ئەوەشی خستەروو، لە 5 مانگی داهاتوودا گەیاندنی خزمەتگوزاری بۆ ئەو یەكانەی نیشتەجێبوون تەواو دەكرێن.

 





ئەم هەواڵە 4144جار خوێندراوەتەوە
 
 
ڤیدیۆ گەلەری
چەند بیرۆکەیەک بۆ ڕزگاربوون لە گەرمای ھاوین
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad