English | عربی | Kurdî دواهەواڵ
ڕاستەوخۆ  
 
دەسپێشخەر و پارێزەرێ ژینگەها کوردستانێ
2019-04-16 [05:04 AM]

نڤیسینا : سەربەست خالد کۆچەر


ژینگەه ئێک ژ بنەمایێن سەرەکیێن هەبوونێ یە،پێدڤی یە بۆ بەردەوامیا ژیانێ بهێتە پاراستن و پاقژیا وێ بهێتە راگرتن.ئەگەر تیشکێ بێخنە سەر ژینگەها کوردستانێ و ژ خالا گەوهەری کو رۆلێ حکومەت و سەرۆك وەزیران دێ بینین کو گیانەکێ نوی ب خەلکێ کوردستانێ بەخشی. هەر ل داویا سەدێ نۆزدێ ، ب درێژیا سەدێ بیستێ تا قۆناغا نهۆ. ناوچەیا کوردستانێ ژبلی قرکرن ، ژناڤبرن ، نەهێلانا نەژاد و مللەتێ کورد و خەلکێ کوردستانێ لسەر دەستێ رژێمێن عیراقێ، هەڤدەم بوویە پشکەکا سەرەکی بۆ ژناڤبرن ، سوتاندن ، پیسبوون ، تێکدان ، وێرانکرنا ژینگەها کوردستانێ ب هەموو شێوەیان، هەر چیا دشیان دا و ل قوناغێن جودا جودا ب هزاران گوند ،رەز ، باغ ئاڤ و هەوا ، دەڤەرێن جودایێن کوردستانێ بەردەوام رویبروی ب گازا ژەهراوی و کوژەک ، ب بۆردومانکرنا فرۆکەیان، کەش و هەوا و ژینگەه پاکییا کوردستانێ نەئارامی و نەهێلانا تەڤایا سیمایێن ژیانێ بخوڤە دیتی یە. تا نهاژی پاشمایێن مین و تەقەمەنیان بووینە مەترسی لسەر ژینگەها کوردستانێ و کارتێکرنەکا نەرینی لسەر دروست کریە.
بەلێ دڤێت بەرچاڤ روونیەکێ بۆ پلانێن سەرکەفتی و ستراتیژی توگمە یێن درێژخانەیێن حکومەتا هەرێما کوردستانێ و رولێ دیار و کاریگەرێ ئەندازیارێ ئاڤەدانکرنێ، سەرۆك وەزیران نێچیرڤان بارزانی بکەین. کو ب سەدان گوندێن وێرانکری ، دەڤەرێن چولکری کو هیچ رەنگەکێ ئاکنجیبوونێ و ژیانێ نەمایە، بەلێ ب سەرکەفتیانە ئاڤەدانی و ژیان بۆ خەلکێ وێ ڤەگەراند، سرۆشتێ قەشەنگ و ژینگەها جوانا کوردستانێ ئێخستە باوەش و هەمێزا ڤیان و حەزژێکرنا خەلکی، بۆ ژینگەهەکا نموونەی ژ هەموو ئالیەکێ،دەستەیا پاراستنا ژینگەهێ هات دامەزراندن ل هەرێمێ  پێخەمەت پێشڤەبرن و پاراستنا ژینگەهێ، رێکخراو و دەزگەهێن تایبەتمەند ب چاندنا داروبار و هوشیاریا تاکی ، دانا رێنمایان هاتن راسپاردن ، رێگری ل کارگەه و پالاوگەهێن پیشەسازی و بەرهنگاریا یاسا و رێسایێن تایبەت ب ژینگەهێ کریە کو نەبنە هوکارێ پیسبوونا ژینگەهێ.هەلبەت ئەڤە بوویە ئێک ژ باندۆرێن ئەرینی لدەڤ خەلکی و مفا و کاریگەری و هەبوونا خۆە سەلماندی یە.
لەورا نهۆ ئەو ژ مە دهێتە خوستن تاک ب تاک ل ڤی وەلاتی ژینگەهێ ب بابەتەکێ گرنگ و پێدڤی بزانین ، زێدەتر مە خواندن ، هوشیاری ، تێگەهشتن لدۆر ڤی بابەتی هەبیت ، کەلتورێ ژینگە پارێزیێ بکەینە درۆیشم و ئەولەویاتێن گەشەساندن و پاراستنا کوردستانێ و مل ب ملێ حکومەتێ هەفکار و پشتەڤان بین. چونکە رۆلێ هەری مەزن بۆ تاکی ڤەدگەریت پاشان حکومەت.  ژینگەهێ ب مولکێ خۆە و مرۆڤایەتیێ بدانین.تایبەت ماموستا و کەسایەتیێن ئاینی،راگەهاندن، کومەلگەهێ مەدەنی،دەزگەهێن پەروەردەیێ رۆلێ خۆە دپرس و بابەتێ هوشیاریا پاراستنا ژینگەهێ بۆ وەلاتیان و بەرەبابێ نهۆ و داهاتی بگێرن،دیسان ل ڤێ دووماهیێ راگەهاندنا کەمپینەکێ ژ بال حکومەت و سەرۆک وەزیران بۆ پاقژکرنا ژینگەهێ و سروشتێ کوردستانێ و هەڤدەم ڤەکرنا سێ پرۆژەیان بۆ چاکرن و پاراستنا بیاڤێن ژینگەهێ،مەزنترین و باشترین دەست پێشخەریا شێوازێ زانستی و سەردەمیانەیە بۆ پەیداکرنا کوردستانەکا پاک و جوان و ئاڤەدان ل جیهانێ . چونکە پیسبوونا ژینگەهێ مەترسیەکا مەزنە لسەر ژیانێ.لەورا نێچیرڤان بارزانی ب پارێزەر و ئاڤەدانکارێ کوردستانێ هاتی یە ناساندن لدەڤ وەلاتیان چونکە هیفی خوازێ ژیانەک باشتر ، ژینگەهەکا تەندروستە بۆ هەرێما کوردستانێ.کار و کریارێن جەنابێ وی لسەر گشت بیاف و سەکتەرێن ژیانێ نموونەیەکا زیندی یە لدەف هەمی خەلکێ کوردستانێ.





ئەم هەواڵە 3490جار خوێندراوەتەوە
 
 
ڤیدیۆ گەلەری
چەند بیرۆکەیەک بۆ ڕزگاربوون لە گەرمای ھاوین
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad