English | عربی | Kurdî دواهەواڵ
ڕاستەوخۆ  
 
سەرۆك وەزیرانی عێراق سەردانی سعودیە دەكات
2019-04-17 [06:15 AM]

​ZNA – هەولێر


ئەمرۆ چوارشەممە 17-4-2019، سەرۆکی ئەنجومەنی وەزیرانی عیراق لەگەڵ شاندێکی حکومی و بازرگانی سەردانی سعودیە دەکات.

عادل عەبدولمەهەدی، سەرۆک وەزیرانی عیراق لە کۆنگرەی رۆژنامەوانی هەفتانەی خۆیدا ئاشکرایکرد، رۆژی چوارشەممە سەردانی سعودیە دەکات و ئەو سەردانەشی بە گۆرانکارییەکی گرنگ لە پەیوەندییەکانی نێوان بەغدا و ریاز وەسف کرد.

عەبدولمەهەدی گوتیشی، پەیوەندییەکانیان لەگەڵ سعودیە لە ئاستێکی زۆر باشدایە و لەسەردانەکەیدا چەندین دۆسیەی هاوبەش و لێکتێگەیشتن ئیمزا دەکەن.

ئەو رونیشیكردەوە، لەگەڵ بەرپرسانی سعودیە باسی پەرەپێدانی رێگاکانی هاتوچۆی نێوان هەردوو وڵات دەکەن،  بە تایبەت مەرزی عەرعەر کە ساڵانە جگە لە ئاڵوگۆری بازرگانی هاوبەش لەو دەروازە سنوریە، هەزاران هاوڵاتیش بەمەبەستی حەج و عەمرە ئەو دەروازەیە بەکاردێنن.

سەرۆک وەزیرانی عیراق لەسەردانەکەیدا، چاوی بە شا سەلمان عەبدولعەزیز پاشای سعودیە و محەمەد سەلمان جێنشینی سعودیە و ژمارەیەک لە بەرپرسانی تری سعودیە دەکەوێت، شاندەكەی حكومەتی عێراقیش پێك دێت لە هەریەک لە وەزیرانی دەرەوە و نەوت و کارەبا و بازرگانی بەسەرۆكایەتی عادل عەبدولمەهدی.

 





ئەم هەواڵە 6892جار خوێندراوەتەوە
 
 
ڤیدیۆ گەلەری
چەند بیرۆکەیەک بۆ ڕزگاربوون لە گەرمای ھاوین
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad