English | عربی | Kurdî دواهەواڵ
ڕاستەوخۆ  
 
ترەمپ: پادشای سعوودیە دەستی میلانیای ماچ كرد
2019-04-17 [07:01 AM]

ZNA- ھەولێر


دۆناڵد ترەمپ سەرۆكی ئەمریكا لە دیدارێكی گۆڤاری (نیوزویك)ی ئەمریكیدا ئاماژەی بەوە داوە كە لە دیدارەكانیدا لەگەڵ پادشا سەلمانی سعوودیە خۆی نەچەماندووەتەوە و پادشای سعوودیەش سێ جار دەستی میلانیای هاوسەری (خانمی یەكەمی ئەمریكا)ی ماچ كردووە.


ترەمپ لەم دیدارە سەرنجڕاكێشەدا راستەوخۆ بەراوردی خۆی و باراك ئۆباما سەرۆكی پێشووی ئەمریكای كردووە، كە لە كاتی دیتنی پادشای سعوودیەدا خۆی چەماندبووەوە.


ترەمپ گوتوویەتی "بەر لەوەی سەردانی سعوودیە بكەین، بە خانمەكەیان گوتم كە دەست بۆ تەوقەكردن لەگەڵ پادشای سعوودیە درێژ نەكات، چونكە تەوقە لەگەڵ ئافرەتدا ناكات، بەڵام كاتێك لە فڕۆكە دابەزین، من خۆم بۆ پادشای سعوودیە نەچەماندەوە وەك چۆن ئۆباما خۆی چەماندەوە، هاوسەرەكەشم دەستی بۆ تەوقە لەگەڵ پادشای سعوودیە درێژ كرد، پادشا سەلمانیش تەوقەی لەگەڵ كرد و سێ جاریش دەستەكانی ماچ كرد".


ئەم لێدوانە لەلایەن تۆڕە كۆمەڵایەتییەكانی عەرەبی و میدیا عەرەبیەكانەوە رەخنەی لێ گیراوە و بە سووكایەتیەكی تازەی ترەمپ لێكدراوەتەوە بەرانبەر سعوودیە، ئەگەرچی ئاماژە بەوە كراوە كە ترەمپ لەخۆڕا ئەم قسەی كردووە و هیچ بەڵگەیەكی وێنەیی و ڤیدیۆیی نیە.





ئەم هەواڵە 5425جار خوێندراوەتەوە
 
 
ڤیدیۆ گەلەری
چەند بیرۆکەیەک بۆ ڕزگاربوون لە گەرمای ھاوین
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad