English | عربی | Kurdî دواهەواڵ
ڕاستەوخۆ  
 
عادل عبدولمەھدی : سوپای پاسداران لە عێراق کار ناکات
2019-04-17 [07:09 AM]

ZNA- ھەولێر


له‌ باره‌ی كاركردنی سوپای پاسدارانی ئێران له‌ عێراق، عادل عه‌بدولمه‌هدی وه‌ڵامی وه‌زیری ده‌ره‌وه‌ی ئه‌مەریكا ده‌داته‌وه‌ و رایدەگەیەنێت "سوپای پاسدارانی ئێران له‌ عێراق نین".

له‌ كۆنفرانسی رۆژنامه‌وانی هه‌فتانه‌یدا، سه‌رۆك وه‌زیرانی عێراق لێدوانه‌كانی مایك پۆمپیۆ وه‌زیری ده‌ره‌وه‌ی ئه‌مەریكای له‌ باره‌ی سوپای پاسدارانی ئێران له‌ عێراق ره‌تكرده‌وه‌ و گوتی: "سوپای پاسداران له‌ عێراق كار ناكات و ئه‌وه‌ی مایك پۆمپیۆ ده‌یڵێت راست نییه‌".

عادل عه‌بدولمه‌هدی له‌ باره‌ی پرسی دروستكردنی هه‌رێمی به‌سره‌وه‌ رایگەیاند: "ئه‌و پرسه‌ بۆ خه‌ڵكه‌كه‌ی جێهێڵدراوه‌".

عادل عه‌بدولمه‌هدی ئه‌وه‌شی خسته‌ڕوو، كه‌ ئەمڕۆ سه‌ردانی سعوودییه‌ ده‌كات و پێش مانگی ره‌مه‌زانیش ده‌چێته‌ ئه‌ڵمانیا و فه‌ره‌نسا".

ئەو گوتانەی سەرۆك وەزیرانی عێراق دوای ئەوەدێت مایک پۆمپیۆ، وەزیری دەرەوەی ئەمەریکا لە وتارێكیدا بۆ قوتابیانی زانکۆی تێکساس Texas A&M، رایگەیاندبوو: "سوپای پاسداران کۆنتڕۆڵی 20%ی ئابووری عێراقی کردووە".

لە بارەی بە تیرۆرست ناساندنی سوپای پاسداران، پۆمپیۆ ئاماژەی بۆ ئەوەكرد: "لە راستییدا، ئێران نەک تەنها سپۆنسەری تیرۆرە، بەڵکو سوپای پاسداران چالاکانە پارەی تیرۆر وەک بەشێک لە بەڕێوەبردنی دەوڵەتەکەی خەرج دەکات".

راشیگەیاند: "ئامۆژگاری من بۆ ئەو کەسانەی لەگەڵ ئەوان بازرگانی دەکەن ئەوەیە، دەبێت چاوێک بەکارەکانیان بخشێنەوە".





ئەم هەواڵە 10360جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad