English | عربی | Kurdî دواهەواڵ
ڕاستەوخۆ  
 
مۆزائیكا كوردستانێ‌ كی دیزاین دكه‌ت؟!
2019-04-20 [03:17 AM]

نڤیسینا : شێرزاد نایف


پێگه‌هێ‌ پیكڤه‌ژیانێ‌ ل كوردستانێ‌ وه‌كو ئێك ژ ده‌ستكه‌فتیێن بزاڤا رزگاریخوازا كوردی بوویه‌، هه‌ر ژ شۆره‌شێن كوردی و حه‌تا ئه‌ڤرۆ ژی هه‌ر سه‌ركێشه‌كی راده‌ستی یێ‌ دیتر كریه‌، بگره‌ هه‌ر ژ شۆه‌رشێن بارزان و ئیلۆن و گۆلان و سه‌رهلدان، وه‌كو گه‌له‌ك هه‌لویستێن وه‌رچه‌رخێنه‌ر و پێشچاڤ د دیرۆكێ‌ دا، بۆ نموونه‌ هه‌لویستێن ئاشۆریان وه‌كو (مار شه‌معۆن) یێ‌ هه‌ژی ده‌مێ‌ پاراستن و حه‌واندنا گونجای یا شێخ عه‌بدولسه‌لام بارزانی برایێ‌ مه‌زن یێ‌ شێخ ئه‌حمه‌د، ل شه‌رێ‌ ئوسمانیان ل سه‌ر بارزان سالا 1907. په‌یوه‌ندیێن بارزانیان ل گه‌ل ئه‌رمه‌نان ژی دباش بوون و گونجای بوون، ده‌مێ‌ كو ئه‌رمه‌ن تووشی كوشتارێن جه‌رگبر بووین ل سالا 1920 ـ 1921 ئه‌ندرانیك پاشایی نامه‌ك بۆ شێخ ئه‌حمه‌د فرێكری كو د هاوارا وان بچن، شێخ ئه‌حمه‌د فه‌رمانا راسپارده‌كرنا هێزه‌كێ‌ كری كو ژ 200 چه‌كداران پێكهاتی بوو، مسته‌فا بارزانی ئێك ژ وان بوو، چوونه‌ د هانا ئه‌رمه‌نان ل توركیا ب چه‌ندین ریسك و نه‌خۆشیان گه‌هشتینه‌ وان شیان ئه‌ندرانیك پاشا و مالباتا وی قورتال بكه‌ن، شاهێ‌ ئه‌رمه‌نان بگه‌هیننه‌ سووریێ‌ و زڤرینه‌ ڤه‌ و شه‌هیده‌ك دان ل هه‌مبه‌ری له‌شكرێ‌ توركیا، ل رێیا زاخۆ.. ئه‌ڤ وانه‌یه‌ك و نیشانه‌كا چه‌ندیا خورتكرنا بیاڤێ‌ پێكڤه‌ژیانا مۆزایكه‌ ل ده‌ف كورد و كوردستانیان، كو ئه‌ڤرۆ ژی هه‌مان رێباز خستیه‌ رێ‌، مه‌ ب دله‌كی خۆش و ئارام دیت حوكمه‌تا هه‌رێمێ‌ ب چاڤدێریا سه‌رۆكێ‌ وێ‌ نێچرڤان بارزانی دێره‌كا ژ هه‌ژی بۆ ئه‌رمه‌نیان ڤه‌كرن، و گۆژمێ‌ دوملیار دینار بۆ هاتنه‌ ته‌رخانكرن،  هه‌مان رێره‌وا باب و باپیران و میراتێ‌ خورتكرن و دیزاینكرنا مۆزاییكا پێكڤه‌ژیانێ‌ یه‌ ل سه‌ر ڤێ‌ خاكا پاك، نڤیشكێ‌ وێ‌ خورتر دبینین د شۆره‌شا ئیلۆنێ‌ دا، كو هه‌موو نه‌ته‌وه‌ و ئایین و مه‌زهه‌ب و ته‌نانه‌ت حزبێن سیاسی و ئیسلامی و شیۆعی ژی هه‌موو ل ژێر چه‌ترا بارزانی ناسیێ‌ دهاتنه‌ ئاراسته‌كرن بۆ به‌رگریكرن ژ كوردستانێ‌ مافێن هه‌مووان ب هه‌ڤرا دهاتنه‌ پاراستن، نیگارڤانێ‌ وان ژی مسته‌فا بارزانی بوو، ئه‌ڤرۆ ژی هه‌ر ئه‌و میراتكارێ‌ نیگاریێ‌ یه‌، چپكه‌كه‌ ژ سیاسه‌تا جوان یا ئاشتیێ‌ و پێكڤه‌ژیانێ‌ دكه‌ته‌ چه‌كه‌ك و نیشا هه‌موو جیهانێ‌ دده‌ت كو ئه‌مین هه‌لگێرن ئالایێ‌ ژیانێ‌ و پێكڤه‌ژیانێ‌ و مه‌ ده‌سته‌كێ‌ ب هێز هه‌یه‌ ئه‌م به‌رگریێ‌ ژ ماف و ئازادیا تاكی دكه‌ین، دوهی مێرێ‌ ئێزدیان وه‌غه‌را دووماهیێ‌ كر و ل ناڤ ڤی خاكی هاته‌ خاكسپاردن وه‌كو پێشمه‌رگه‌كێ‌ قاره‌مان بوو، ل به‌رامبه‌ر رژێمێن داگیركه‌رێن كوردستانێ‌، ل گه‌ل بارزانی به‌رگریی ژ ڤێ‌ ئاخێ‌ دكر، رێوره‌سێن وی ژلایێ‌ نێچیرڤان بارزانی ڤه‌ هاتنه‌ ئه‌ستوگرتن و چه‌ندین بریارێن مفادار و بنه‌جه دان، وه‌كو لێگه‌ریانا مافێن ئێزدیان و پارێزگاربوونا شنگارێ‌، دا كو ئێزدی هزر نه‌كه‌ن میرێ‌ وان وه‌غه‌ركر، مان بێ سه‌میان به‌ره‌ڤاژی، ئه‌و چه‌ترا بارزانی هه‌ر یا هه‌یی و دێ‌ هه‌میان پارێزیت ژ هه‌ر نه‌هامه‌تیه‌كێ‌، مه‌ دیار كر كو ئه‌مین دیزاینه‌رێن ئاشتیێ‌ و ئازادیێ‌ و پره‌نسیپێن مافێ‌ مرۆڤی، هه‌كه‌ خوه‌ جۆره‌كێ‌ نوو یێ‌ سیاسه‌تێ‌ بیت. ئه‌م هه‌ر دێ‌ وێ‌ راستیێ‌ پارێزین و پشته‌ڤانێن وێینه‌ چونكو راستی رێیا خودێ‌ یه‌!!





ئەم هەواڵە 4621جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad