English | عربی | Kurdî دواهەواڵ
ڕاستەوخۆ  
 
رێزگرتنا کەلیموللا و گۆتارا سەرۆکێ حکومەتێ
2019-04-23 [04:44 AM]

نڤیسینا : غیاس خالد زێباری


لرۆژا ٢٢/٤/٢٠١٩ د رێ و رەسمەکێ ھەژی دا  رێز ل نڤیسەر و دیرۆک نڤیسێ کوردێ خوراسانێ کەلیمووللا تەوەحدی ھاتە گرتن و تێدا نێچیرڤان بارزانی سەرۆکێ حکومەتا ھەرێما کوردستانێ کۆتارەکا چەند خۆلەکێ ئاراستەکر ، ئەگەر مرۆڤ ھزرا خۆ دڤێ گۆتارا چەند خۆلەکی بکەت چەندین ڕامانێن کۆر و درێژ خایەن ل زۆر بووارێن ژیانێ تێدا دیارن . 
رێزگرتن لڤی کەسایەتی نە تنێ رێزگرتنا کەسایەتیەکی یە ، بەلکی رێزگرتنە بۆ تەڤایا نڤیسەر و رەوشەنبیر و دیرۆک نڤیسێن کورد ، پەیام و بریارەکا سەرۆکێ حکومەتا ھەرێما کوردستانێ یە بۆ پشتەڤانیا کەسایەتیێن بڤی رەنگی خزمەتا کلتوور و دیرۆک و جڤاکێ کوردستانێ دکەن . 
دیسان کوردایەتی و نەتەوایەتی بوونا سەرۆکێ حکومەتا ھەرێما کوردستانێ تێدا دیار دبیت ، چونکی رێزگرتن لڤی  کوردێ خووراسانێ ، ژ ئەنجامێ خزمەتا وی بوویە د بووارێن نەتەوایەتیێ و دیرۆکا کوردا .
گۆتارا نێچیرڤان بارزانی یا دڤێ رێزگرتنێ دا ئاراستەکری ، مەزنترین پشتەڤانیا جەنابێ وی و حکومەتا ھەرێمێ بۆ کلتوور و دیرۆک و رەوشەنبیر و راگەھاندکارێن کوردستانی تێدا دیار دبیت ، پشتەڤانیا کەسێ ئێکێ د دەسھەلاتێ دا بۆ ڤان بوواران ، نیشانێ دلسۆزی و ھەستا وی یە بۆ جڤاک و نەتەوا خۆ و ھەبوونا پلان و بەرنامەیەکێ بەرفرەە و دوور و درێژێ گەشەسەندنا کوردستانێ ، چونکی جڤاک و مللەت و وەلات ب نڤیسەر و تۆرەڤان و راگەھاندکار و رەوشەنبیران و کلتوور پارێزا ، نە تنێ پێش دکەڤن ، بەلکی ل مرنێ قورتال دبن و بەردەوامیێ ددەنە ژیانێ ، نەخاسمە زمانێ نەتەوەی ، زمان و کلتوورێ کوردستانێ بڤان کەسایەتیان  ھاتیە پاراستن ، سەرۆکێ حکومەتێ ژی ژبەر ڤێ چەندێ بڤی ئاوایی پشتەڤانیا ڤان کەسایەتیێن کورد کر ل جھەکێ ھەبن  .  
پێتڤی یە کەسایەتیێن بڤی ئاوایی د رەوشا جڤاک و مللەتێ خۆ بگەھن ، ل دەسھەلاتێ بن داکۆ بزانن و بشێن برینێن جڤاکی و نەتەوەی چارەسەر بکەن و دەرگەھێن ڤەژاندنێ ژی ب دەستێن کەسایەتیێن بڤی ڕەنگی دھێنە ڤەکرن . 
دڤان ساڵان دا خۆیا بوویە کۆ چەندین برینێن سیاسی و ئابووری و جڤاکی یێن کورد و کوردستانێ ب دەستێن نێچیرڤان بارزانی ھاتینە تیمارکرن و بن بڕکرن و نھۆ جەنابێ وی پلان ھەنە برینێن کلتووری و زمانەڤانی و دیرووکی و مەدیایی و رەوشەنبیری چارەسەر بکەت . 
ئەڤ برینەڤە برینێن ساناھی نینە و ب ھەمی کەسان ناھێنە چارەسەرکرن ، چونکی ب دربێن بھێزێن کەڤن و ژەھراوی یێن دوژمن و داگیرکارێن کوردستانێ ھاتینە لێدان بۆ پارچەکرنا جڤاکێ کوردستانێ . 
ژلایێ سیاسی ژی دیارە ئەڤرۆ رێکنەکەفتنا لایەنێن سیاسی یێن کوردستانێ لسەر پێک ئینانا کابینا نوو یا حکومەتا ھەرێما کوردستانێ ، ئەڤرۆ برینەکا دیتر دناڤ کوردستانیان درۆست کریە و ھەتا رادەیەکێ بێ ئۆمێدی پەیدا کریە ، لێ نێچیرڤان بارزانی د چەند پەیڤەکێن کورت دا ، ئەڤ بێ ئۆمێدیا خەلکێ کوردستانێ لسەر رەوشا دانۆستاندنێن پێک ئینانا کابینا نوو ، ئۆمێد درۆست کرەڤە ، دەمێ گۆتی ئەڤ پاشکەفتنە یا نۆرمالە و ژپێخەمەت سەقامگیریا کوردستانێ یە و پاشەرۆژەکا گەش چاڤەرێ مەیە و بێ شک ھەمی ئالی دێ ھەر رێککەڤن . 
ئەڤەژی مزگینیەکە بۆ خەلکێ کوردستانێ و بیرا مرۆڤی ل وێ رەوشا دژوارا پشتی شازدێ ئکتۆبەرا سالا ٢٠١٧ دئینیت دەمێ ھێرشێن لەشکرێ عیراقێ ھاتینە سەر ھەرێما کوردستانێ و گەماروویێن ئابووری و سیاسی ئێخستینە سەر ھەرێمێ ، سەرۆکێ ھەرێما کوردستانێ ، د پەیڤەکا کۆرت دا ئۆمێد بۆ خەلکێ کوردستانێ درۆست کرەڤە ئەمێ کەرەمکری ، پشت راست بن ئەڤەر رەوشەکا بەروەختە و ل زۆرترین دەم دێ ھێنە چارەسەرکرن . 
و پشتی دەمەکێ زۆرێ کورد ب سیاسەت و زانینا جەنابێ وی ، رەوشا کوردستانێ ل دژواریەکا زۆر گۆری بۆ بەختەوەریێ و ئێمناھیێ و چارەسەرکرنا قەیرانێن ئابووری و بھێزکرنەڤا کوردستانێ .





ئەم هەواڵە 1987جار خوێندراوەتەوە
 
 
ڤیدیۆ گەلەری
چەند بیرۆکەیەک بۆ ڕزگاربوون لە گەرمای ھاوین
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad