English | عربی | Kurdî دواهەواڵ
ڕاستەوخۆ  
 
به‌رێ‌ بنیاتێ‌ په‌یوه‌ندیان
2019-04-28 [01:01 AM]

نڤیسینا : شێرزاد نایف


وه‌كو پێشمه‌رگه‌ك نه‌ك نڤیسه‌ره‌ك، بهێلن ڤێ‌ مژارێ‌ بێخمه‌ روو، كو دژوارترین قووناغێن شه‌رێ‌ ڤان چار سالێن بۆرین تێدا بۆریم چ ب قاره‌مانی یان ب رۆتینیا ئه‌ركی و تایبه‌تمه‌ندیێ‌، یانژی ب قه‌تاندن .. هتد، ئه‌ڤجا دێ‌ چپكه‌كێ‌ ژ وان هه‌لویستان نه‌مایش كه‌م یێن پێشمه‌رگه‌ كه‌فتینێ‌. ل ده‌سپێكا هاتنا وان چه‌كدارێن هۆڤانه‌یێن رێخراوا تیرۆرستی یا (داعش) هاتینه‌ سه‌ر وه‌لاتێ‌ مه‌ و پشتی ئه‌و چه‌ك و ته‌قه‌مه‌نی كه‌فتینه‌ ده‌ستدا و مه‌زنترین پارێزگه‌هێن عیراقێ‌ داگیركری مووسل و ده‌وره‌به‌ران، ژبلی یێن سووریێ‌، ب راستی بۆ مه‌ كوردستانیان و بۆ هه‌می جیهانێ‌ ژی تشته‌كێ‌ حێبه‌تی بوو، كه‌سێ‌ راستیا بابه‌تی نه‌ دزانی كا ئه‌ڤنه‌ چ جۆره‌ مه‌خلۆقن و دێ‌ چ ب سه‌رێ‌ مله‌تی ئینن، ریكلامه‌كا توندتیژ و وێرانكار نیشا خه‌لكی ددا و به‌لاڤه‌دكرن، و ئه‌م هه‌رێمه‌كا بچووك و بێ چه‌ك و كه‌لوپه‌لێن شه‌ری یێن باش، كه‌س نه‌ ل هاری مه‌، سه‌ر ب گه‌له‌ك خه‌لكی دا دگرت و ب ده‌بانجه‌ و چه‌قۆكا خه‌لك دكوشتن، چونكو ئه‌و ژ ناڤا هه‌مان وه‌لاتی دا هاتن ژنیڤا عیراقێ‌، هه‌رێم و عیراق چو سه‌نگه‌ر و به‌ربه‌ست و به‌ره‌یێن شه‌ری نه‌بوون، هه‌ما هاتن و قه‌ستا مه‌كرن، ب هه‌مه‌ر و تانكان، مه‌ سینگێ‌ خوه‌ كره‌ مه‌تال و ب سه‌دان هه‌ڤالێن مه‌ یێن پێشمه‌رگه‌ شه‌هید بوون، ل ده‌سپێكی مه‌ چو ئیسنادا ئه‌سمانی نه‌بوو، چونكو مه‌ چو فرۆكه‌ نینن و چه‌كێن مه‌زن ژی، یێن عیراقێ‌ هه‌موو له‌شكرێ‌ وان بۆ داعشان بجه هێلابوون و بێ شه‌ر راده‌ستی وان كرن، هه‌ر وه‌كو هنده‌ك فه‌رماندێن وان ئه‌م هایداركرین كو ئه‌و ب فه‌رمان خوه‌ڤه‌كێشاینه‌ و چه‌ك بۆ وان هێلابوو.. ئه‌م وی ده‌می كه‌فتینه‌ دۆخه‌كێ‌ وه‌سا كه‌سێ‌ ژ مه‌ باوه‌رنه‌دكر كو دێ‌ پشته‌ڤانیا ئه‌سمانی یا فرۆكه‌یان هێت یان چه‌كه‌كێ‌ باش دێ‌ ب ده‌ست مه‌ كه‌ڤیت، نه‌خاسمه‌ چه‌كێ‌ مه‌ یێ‌ كه‌ڤن بوو، به‌لێ‌ دیتنا مه‌ دیتی ئه‌و خه‌ون بۆ مه‌ بوو راستی و مه‌ هه‌ر هینگی هه‌ست دكر كو فه‌رماندێن مه‌ و سه‌ركێشێن مه‌ ب تنێ‌ یێن د خه‌ما مه‌ و دێ‌ شه‌ڤ و رۆژان كه‌نه‌ ئێك. دێ‌ ئیسنادا ئاسمانی بۆ مه‌ ئینن هه‌ما حه‌تا به‌س سه‌نگه‌رێن خوه‌ بكۆلین به‌ری بهێن و خۆ ب مه‌ڤه‌ بپه‌قینن!!. هه‌رهینگی هه‌ستا مه‌ یا (حه‌فتێ‌) دگۆته‌ مه‌ كو سه‌رۆكێ‌ حوكمه‌تێ‌ كاك نێچیرڤانی ب حوكمێ‌ وان په‌یوه‌ندیێن وی هه‌ین دێ‌ شه‌ڤ و رۆژان كه‌ته‌ ئێك و مینیته‌ ب ده‌وله‌تێن مه‌زن ڤه‌ كو بهێنه‌ هانا مه‌، وه‌كو من بهیستی خوه‌ ب شه‌ڤ نه‌ دنڤست هند مژوولی لڤاندنا جیهانێ‌ بوو، رۆژ بۆ رۆژ ره‌وشا مه‌ باشتر لێهات و ئه‌م شیاین بگه‌هینه‌ كنارێ‌ ئێمن، ئه‌ڤجا ئه‌وان ئه‌وی دكر بۆ مه‌ هندا مه‌زن بوو، بۆچی وی ئه‌ڤ خومخۆریه‌ك كر؟! چونكو ئه‌وی پێشمه‌رگاتی یا كری و گرنگیا پشته‌ڤانیێ‌ دزانیت. ئه‌ڤجا پشتی كو ئه‌ڤرۆ ره‌وش ئارام بووی و بێهنه‌كا بای مه‌ هه‌لكێشای و داعش نه‌مایی و شه‌رێن ئوكتۆبه‌رێ‌ هاتی و قه‌یران ژی بدووماهی هاتی ئه‌ڤ په‌یوه‌ندیانه‌ بلندتر لێهاتن و مه‌ دیت ئه‌ڤرۆ ئه‌مریكا یا مه‌زنترن كۆنسلخانا خوه‌ ل هه‌ولێرێ ئاڤا دكه‌ت كو به‌رێ بنیاتا وێ ژلایێ نیچیرڤان بارزانی هاتبوو دانان ئه‌مریكا ل سه‌رده‌مێ ده‌سهه‌لاتداریا نێچیرڤان بارزانی كو خوه‌دان بهێزترین په‌یوه‌ندی بوویه‌ ل گه‌ل هه‌رێمێ د شه‌رێ ژی داعشێ دا، كورد ب تنێ نه‌هێلان و سالانه‌ بۆدجه‌كا تایبه‌ت بۆ هێزێن پێشمه‌رگه‌ی ته‌رخان دكه‌ت، رۆلێ نێچیرڤان بارزانی د چێكرنا وێ په‌یوه‌ندێ ژ وژدانێ‌ یه‌ نه‌هێته‌ ژبیركرن!. ب گرۆڤه‌یا كو جێگری سه‌رۆكی ئه‌مریكا مایك پێنس و نێچیرڤان بارزانی په‌یوه‌ندیه‌كا ته‌له‌فۆنی ئه‌نجامدان كو به‌حسێ‌ په‌یوه‌ندیێن دناڤبه‌را هه‌رێمی كوردستانێ‌ و عیراق كرن ل گه‌ل ویلایه‌تێن ئێكگرتی یێن  ئه‌مریكا و ره‌وشا ده‌ڤه‌رێ‌ كرن و ئه‌ڤ ئێكه‌ ژی كۆچكا سپی به‌لاڤه‌كر، وه‌كو ده‌زگه‌هێن میدایی دیاركرین، گرنگترین مژارێن وان ژی دووماهی زانیاری د بارێ بارودۆخێ ئه‌منیێ  ده‌ڤه‌رێ‌ دا كری جێناكۆكێن عێراق و جه‌ختی ل سه‌ر گرنگیا پالپشتی یا ئه‌مریكا بۆ سه‌قامگیریا  ده‌ڤه‌رێ‌ و ڤه‌گه‌ریانا زێده‌تر ژ ئێك ملیۆن عیراقی كرن، كو پشتی تێكشكاندنا خیلافه‌تا داعش ئاواره‌یی ماینه‌. ئه‌ڤ ژی وێ‌ هیڤیێ‌ گه‌شه‌ دكه‌ت كو ب دروستاهی نێچیرڤان بارزانی هه‌ر وه‌كو به‌ری چه‌ند رۆژه‌كان ل رێوه‌رسمێن خه‌ولاتكرنا كه‌لیموللا یێ‌ كوردێ‌ خوراسانێ‌ ئاماژه‌ كری كو رۆژێن باش و ئاینده‌كێ‌ باش ل پێشیا مه‌نه‌.. و ئه‌ڤه‌ یه‌ دوعایا دایبابان..





ئەم هەواڵە 589جار خوێندراوەتەوە
 
 
ڤیدیۆ گەلەری
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
ڤیدیۆیی .... بە ئاگر و شمشێر قژی ئافرەتان رێکدەخات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad