English | عربی | Kurdî دواهەواڵ
ڕاستەوخۆ  
 
ماوەی ھەفتەیەک مۆڵەت دەدرێتە دوکانەکانی فرۆشتنی ماست
2019-04-28 [03:14 AM]

ZNA - هه‌ولێر


لە دوای بڕیاری قەدەغەکردنی بەکارھێنانی سەتڵی ماستی رەنگاو رەنگ بۆ ماست و جۆرەکانی تری خواردن لیژنەھاوبەشەکانی قائیمقامیەتی سلێمانی ھەڵمەتێکی فراوانیان دەستپێکردووە بۆ رێگری کردن لە فرۆشتنی سەتڵی رەنگاو رەنگ, ماوەی  ھەفتەیەکیش وەک دواین مۆڵەت دەدرێتە دوکانەکانی فرۆشتنی ماست و ھەموو مارکێتەکان بۆ پابەندبونیان بە بڕیارەکەوە,

ئەمڕۆ یەک شەممە ٢٨ نیسانی ٢٠١٩ , لیژنەھاوبەشەکانی قائیمقامیەتی سلێمانی لەنێو بازاڕی شاری سلێمانی ھەڵمەتێکی فراوانیان دەستپێکرد بۆ رێگری کردن لە فرۆشتنی سەتڵی رەنگاو رەنگ بۆ ماست و ھەموو جۆرەکانی تری خواردن کە بەپێی بەدواداچونەکانی لیژنەھاوبەشەکان دەرکەوتووە گونجاو نیە بۆ بەکارھێنان و زیان بە تەندروستی ھاوڵاتیان دەگەیەنێت ,

گۆران قادر سەرۆکی لیژنەھاوبەشەکانی قائیمقامیەتی سلێمانی رایگەیاند: بۆ رێگری کردن لەو جۆرە سەتڵە زیان بەخشانە لە ھەڵمەتێکی فراوانیان  دەستپێکردووە و ھەموو شوێنەکانی فرۆشتنی ماست و دوکان و مارکێتەکانیان ئاگادار کردووەتەوە  پابەند بن بە بڕیارەکەوە و ماوەی ھەفتەیەکیش وەک دواین مۆڵەت دەدرێتە ھەموو شوێنەکان , دوای ئەو ماوەیە لە ھەر دوکان و مارکێتێکدا سەتڵی رەنگاو رەنگ ببینێت دەستی بەسەردا دەگیرێت و خاوەنەکەشی رووبەڕووی سزای یاسایی دەکرێتەوە .

پێشتر قائیمقامیەتی سلێمانی رایگەیاندبوو بەکارھێنانی سەتڵی زەنگاو رەنگ بۆ ماست و جۆرەکانی تری خواردن دەبێتە ھۆی کارلێک کردنی ھەندێک مادەی زیان بەخش لەگەڵ ماستەکەدا کە ئەمەش زیان بە تەندروستی مرۆڤ دەگەیەنێت و دەبێتە ھۆی توشبوون بە نەخۆشی شێرپەنجە , زۆربەی سەتڵە رەنگاو رەنگەکان لەمەوادی دووبارە بەکارھاتوو دروست دەکرێت کە بەھیچ جۆرێک دروست نیە خواردنی تێیدا ھەڵبگیرێت , سەتڵی سپی سادە بۆ ماست گونجاوە بەکاربھێندرێت و پێویستە لۆگۆیەکی سێ گۆشەی لەسەر بێت و تێیدا ئاماژە بە ژمارە "٢یان٤" کرابێت , لە بارەی جۆرەکانی تری سەتڵ ئەوە خرابووە روو بەکارھێنانی سەتڵەکانی "شوشە و فافۆن و گلی سورەوەکراو" بۆ ماست رێگەپێدراوە و ھیچ گرفتێکی نیە.

راگەیاندنی قائیمقامیەتی سلێمانی





ئەم هەواڵە 3772جار خوێندراوەتەوە
 
 
ڤیدیۆ گەلەری
چەند بیرۆکەیەک بۆ ڕزگاربوون لە گەرمای ھاوین
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad