English | عربی | Kurdî دواهەواڵ
ڕاستەوخۆ  
 
شارەوانی لەبارەی بڕیاری دابەش دووی زەوی روونكردنەوە دەدا
2019-04-30 [07:35 AM]

ZNA – هەولێر


بەرپرسێكی باڵای شارەوانیەكان لە بارەی بڕیاری دابەش دووی زەوەی چەند روونكردنەوەیەك دەدات و ئاشكرای دەكات بەشێكی هاوڵاتیان دەتوانن خانوو لەسەر زەوی دابەش دوو بكەن. بەو هۆیەوەش خانووی 100 مەتری نرخی بەرزبۆتەوە و 200 مەتری نرخی دابەزیووە.

نەبەز مەحیەدین نافیز، بەرێوبەری گشتی شارەوانیەكانی هەولێر بە باسی راگەیاند: بڕیاری دابەشكردنی زەوی وەكو خۆی ماوە " ئەوەی نیوەی زەویەكەی كرابێتە خانوو رێگەی پێ دەدرێت نیوەكەی تریش بكرێتە خانوو بەو مەرجەی تاپۆیەكەی بە ناوی دوو كەسەوە بێت، ئەوەش بۆ ئەوانە دەبێت كە لە ساڵی رابردوو سەنەدیان هەیە نەوەكو تازەبێت".

لە 18ی 11ی 2018وە سەرۆكایەتی شارەوانی هەولێر بە بڕیارێك هەموو ئیفرازێك و تەقیسمێكی بۆ خانوو و زەوی لە سنوری شاروانی هەولێر راگرت لە 14ی 4 دووبارە جەختی لەسەر بڕیارەكە كردۆتەوە.

بەرپرسەكەی شارەوانی  گوتیشی:" ئەو مامەڵە كۆنانەی پێش بڕیارەكە لە مانگی 11 پێشكەش كراون و رەزامەندیان هەبێت ئەوانیش رێگەیان پێ دەدرێت خانووی دابەش دوو بكەن".

ئەو دووپاتی كردەوە، بۆ خانووی نوێ بە هیچ جۆرێك دابەش دوو ناكرێت، تەنها ئەوانەی تاپۆیان دابەش دووە دەتوانن، گوتیشی:" ئەو زەویانەی كە رووبەرەكەیان 400 یان 800 مەترە دەتوانن لە دادگا یەكلایی بكەنەوە بۆ ئەوەی دابەش دوو بكرێت ئەویش بۆ ئەوانەیە كە نیشتەجێن نەك بازرگانی، ئەگەر لە گەڕەكێك 200 مەتر زەوی مابێت ئەویش رێگەی دابەش دووی پێ نادرێت".

بەرێوبەری گشتی شارەوانیەكانی هەولێر، جەختی كردەوە ئەو بڕیارەی دراوە هەموار ناكرێتەوە و ئیتر دابەشكردنی زەوی بە هەمووجۆرێك قەدەغەیە، گوتیشی: "ئەو بڕیارە لایەنە باشەكانی زۆر زیاترە چونكە زۆرینەی خەڵك لەگەڵ دابەش دوو نینە .

 ئەندازیار بەشدار رەزا سەید گوڵ، بەرێوەبەری شارەوانی 5ی هەولێر ئاشكرای كرد، بەهۆی ئەو بڕیارە خانووی 100 مەتری نرخی بەرزبۆتەوە و زەوی 200 مەتریش نرخی دابەزیووە" خەڵك چاوەڕوانی ئەوەن حكوومەت لەو بڕیارە پاشگەزبێتەوە، بەڵام زەحمەتە خكوومەت پاشگەزبێتەوە، چونكە ئەو بڕیارە بۆ ئەوەیە كێشەی خزمەتگوزاری و كێشەی كۆمەڵایەتی چارەسەر بكرێت".

 

 





ئەم هەواڵە 2509جار خوێندراوەتەوە
 
 
ڤیدیۆ گەلەری
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
ڤیدیۆیی .... بە ئاگر و شمشێر قژی ئافرەتان رێکدەخات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad