English | عربی | Kurdî دواهەواڵ
ڕاستەوخۆ  
 
17%ی داهاتی كامێرەی هاتووچۆ دەدرێتەوە بەرێوەبەرایەتیەكانی هاتووچۆ
2019-04-30 [08:20 AM]

​ZNA – هەولێر


پێشووتر ئەو بڕە پارەیەی كە داهاتی كامێرا بوو دەدرایەوە وەزارەتی دارایی، بەڵام ئێستا 17%ی داهاتەكە دەدرێتەوە بەرێوەبەرایەتیەكانی هاتووچۆ.

 لیوا ڕزگار عەلی بەڕێوەبەری گشتی هاتوچۆی هەرێمی كوردستان بە باسی گوت: " 17%ی داهاتی كامێرای هاتوچۆ بۆ ئێمە دەبێـت خەرجی دەكەین بۆ پێداویستیەكانی هاتووچۆ بڕەكەی تری بۆ وەزارەتی دارایی دەگەرێتەوە.

ئەو روونی كردەوە، پارەی رسومات هیچ بڕێكی بۆ هاتووچۆ نیە و هەمووی بۆ دارایی دەگەرێتەوە لە ساڵی 2017 داهاتی كامێرای هاتووچۆ لە سلێمانی 30 ملیار دینار بووە.

سەرەتا غەرامەی هاتووچۆ هەمووی وەك یەك بوو، بەڵام دواتر دەستكاری كرا، ئێستا كەمترین سزای لێدان لە كامێرای هاتووچۆ 60 هەزار دینارەو بەپێی خێرایی ئۆتۆمبێلیش بڕی سزاكە زیاد دەكات تا سەرووی 200 هەزار دینار.

لیوا هێرش ئەحمەد، بەڕێوەبەری گشتیی هاتوچۆی هەولێر، بە هەمان سەرچاوەی راگەیاند: وەزارەتی ناوخۆ دەسەڵاتی خەرجكردنی پارەی داهاتی كامێرای هەیە، گوتی:" ئەو دەسەڵاتە لە وەزارەتی ناوخۆیە و بەرێوەبەرایەتیەكان ناتوانن هیچ بڕە پارەیەكی داهاتی كامێرای هاتووچۆ خەرج بكەن، داهاتەكە هەمووی دەچێتەوە ناوخۆ ئەوان بریاری لێ دەدەن".

ئاماژەی بەوەشدا ئێستا هیچ بڕیارێك نیە پێداچوونەوە بە بڕی ئەو غەرامانە بكرێت كە بۆ سەرپێچی و تیژرۆیی و لێدان لە كامێرا داندراون.

لیوا ڕزگار عەلی گوتیشی: كامێراكانی چاودێری بۆ خزمەتی هاوڵاتیانن‌ و ئامانج لێیان كەمكردنەوەی ڕوداوەكانی هاتوچۆیە، نەك پارە پەیداكردن، گوتیشی: "هەركارێك بۆ مەبەستی كەمكردنەوەی ئازاری هاوڵاتیان بكرێت ‌و ببێتە هۆی كەمبونەوەی قوربانیەكان كارێكی ڕەوایەو دەبێت هەمولایەك پشتگیری بكەن.





ئەم هەواڵە 3805جار خوێندراوەتەوە
 
 
ڤیدیۆ گەلەری
چەند بیرۆکەیەک بۆ ڕزگاربوون لە گەرمای ھاوین
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad