English | عربی | Kurdî دواهەواڵ
ڕاستەوخۆ  
 
پارتی : گەڕانەوە بۆ بارەگەکانی لە دیالە بەبێ ئاسایی کردنەوەی دۆخەکە رەت دەکاتەوە
2019-04-30 [08:31 AM]

ZNA- ھەولێر


لەدوای روداوەکانی 16ی ئۆکتۆبەر، چەندین بارەگای حزبە کوردستانیەکان لە سنووری خانەقین لەلایەن حەشدی شەعبیەوە دەستی بەسەردا گیراوە و کراون بەبارەگای چەکدارانی حەشدی شەعبی، ئەمە سەرەڕای ئەوەی پارێزگای دیالە و فەرماندەی ئۆپەراسیۆنەکانی دیالەش ڕەزامەندیان نیشانداوە حزبە کوردییەکان بگەڕێنەوە بۆ ئەو ناوچانە.

پارتی گەڕانەوە بەبێ ئاسایی کردنەوەی دۆخەکە رەتدەکاتەوە و حەشدی شەعبیش رێگا نادات یەکێتی بارەگاکەی لە قەرەتەپە بکاتەوە.

شێخ جەعفەر مستەفا، بەرپرسی لقی 15ی پارتی دیموکراتی کوردستان  رایگەیاند: "ئەو هێزانەی هاتوونەتە ناوچەکە بەشێکی زۆریان میلیشیان و کاریان پاراستن نییە. سوپا و پۆلیسی فیدراڵیش هیچ دەسەڵاتێکی بەسەریاندا نییە".

راشیگەیاند: "تا دۆخەکە ئاسایی نەکرێتەوە، پارتی ناگەڕێتەوە ناوچەکە".

لای خۆیەوە، جمور رۆستەم، فەرماندەی فەوجی3ی پێشمەرگە دەڵێت: "کاری ئەو هێزانە بە عەرەبکردنی ناوچە کوردییەکانە".

دەشڵێت: "لەو ناوچانە شەوان داعش حکووم دەکات و تەنها بە رۆژ هێزە عێراقییەکان بوونیان هەیە".

لە دوای رووداوەکانی 16ی ئۆکتۆبەر، حەشدی شەعبی و هێزە عێراقییەکان دەستیانگرت بەسەر ناوچەکانی خانەقین، دوز و مەندەلی چەندین ناوچەی دیکەی پارێزگای دیالە، لە یەکەم رۆژیشەوە دژایەتیکردنی کوردنشینانی ئەو ناوچانە دەستپێکردووە.





ئەم هەواڵە 3889جار خوێندراوەتەوە
 
 
ڤیدیۆ گەلەری
چەند بیرۆکەیەک بۆ ڕزگاربوون لە گەرمای ھاوین
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad