English | عربی | Kurdî دواهەواڵ
ڕاستەوخۆ  
 
بەسرە هەڕەشە لەحكومەت دەكات مۆڵەتی یەك هەفتەش دەدات بۆ داواكارییەكانی
2019-05-01 [08:08 AM]

ZNA – هەولێر


ئەنجومەنی پارێزگای بەسرە ماوەی یەک هەفتە مۆڵەت دەداتە ئەنجومەنی وەزیرانی عێراق، كە کەیسی بە هەرێمبوونی بەسرە بنێرێتە کۆمسیۆنی باڵای سەربەخۆی هەڵبژاردنەکان لە ئەگەری وەڵامنەدانەوەی داواکەیان پەنا دەبەنە بەر دادگای فیدڕالی.

سەباح بەزونی، سەرۆکی ئەنجومەنی پارێزگای بەسرە بە باسی راگەیاند ، ئەنجومەنەکەی داوای لە حکوومەتی عێراق کردووە کەیسی بە هەرێمبوونی بەسرە بنێرێتە کۆمسیۆنی باڵای سەربەخۆی هەڵبژاردنەکان.

بەزونی گوتیشی، ماوەی یەک هەفتە مۆڵەتیان بە ئەنجومەنی وەزیرانی عێراق داوە بۆ ناردنی کەیسەکە بۆ کۆمسیۆن و لە ئەگەری وەڵامنەدانەوەی داواکەیان پەنا دەبەنە بەر دادگای فیدڕالی.

سەرۆکی ئەنجومەنی پارێزگای بەسرە ئاماژەی بەوەش کردووە، کە حکوومەت نایەوێ مافە دەستوورییەکانی بەسرە دابین بکات.

پارێزگای بەسرە، کە کەوتووەتە باشووری عێراق و بە شادەماری ئابووریی ئەو وڵاتە دادەندرێ، لەلایەن حکوومەتی ئەو وڵاتەوە بە تەواوی پشتگوێ خراوە و دانیشتووانەکەی تەنانەت لە ئاوی خواردنەوە بێ بەشن، بۆیە چەند ساڵێکە هەوڵی راگەیاندنی هەرێمی بەسرە دەدەن.

بەپێی ماددەی 119ـی دەستووری هەمیشەیی عێراق، هەموو پارێزگاکانی عێراق مافی داواکردنی بوون بە هەرێمیان هەیە، بەو مەرجەی یەک لە دەی دەنگدەرانی پارێزگاکە یان یەک لەسەر سێی ئەندامانی ئەنجومەنی پارێزگا، داوای بوون بە هەرێم بکەن.

 





ئەم هەواڵە 1876جار خوێندراوەتەوە
 
 
ڤیدیۆ گەلەری
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
ڤیدیۆیی .... بە ئاگر و شمشێر قژی ئافرەتان رێکدەخات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad