English | عربی | Kurdî دواهەواڵ
ڕاستەوخۆ  
 
نێچیرڤان بارزانی ، ئەو سەرکردێ شیای ھەڵویستا بگۆریت
2019-05-02 [11:02 AM]

نڤیسینا : غیاس خالد زێباری 


سەرکردە و سیاسەتمەداران زۆر ئەرکێن گران لسەر ھەنە ، ئەرکێ وان نە تنێ ئیدارەکرنا وەلاتی و پەیوەندیکرن دگەل وەلاتا و پێشوازیا مێڤانا و ...ھتد ژبۆی وەلاتێن خودان سەروەری ڕەنگە ڕاپەراندنا ڤان ئەرکان بەس بیت بۆ رازیکرنا خەلکێ خۆ . لێ بۆ وەلاتێن ھێشتا د قۆناغێن خۆ رزگارکرنێ دا ، ژبلی ڤان ھەمی ئەرکان زۆر ئەرکێن دیترێن جودا لسەر ھەنە ، لێ ئەڤ ئەرکێن مایی ، ب ھەمی سەرکردە و سیاسەتمەدارا ناھێنە کرن ، نەخاسمە وەلاتەکێ مینا ھەرێما کوردستانێ ، کۆ وەڵاتێن دەور و بەربەرێن وێ دگەل پشکەکا ھێزێن سیاسی یێن نافخۆیی یێن کوردستانێ و عیراقێ ، ژبۆی پاراستنا بەرژەوەندێن خۆ ب ھەمی شیانێن سیاسی و لەشکری و ئابووری دژی ھەرێما کوردستانێ رادوەستن . 
ڤان کاودانان دا شیانێن سیاسی و دبلۆماسی یێن سەرکردەی بۆ پاراستنا بەرژەوەندێن وەلات و مللەتی دیار دبن . 
ھەر وەکی ل ئکتۆبەرا سالا ٢٠١٧ بسەر ھەرێما کوردستانێ ھاتی ، ژلایەکی حکومەتا عیراقێ سەرەرای سەپاندنا گەمارۆیێن سیاسی و ئابۆری لسەر ھەرێما کوردستانێ ، ژلایەکێ دیتر ب پشتەڤانیا حزبەکا سیاسی و چەکداریا ھەرێما کوردستانێ ھێرشێن لەشکریێن بەرفرەە ئینانە سەر ھەرێمێ و بۆ ژناڤبرنا ڤی قەوارێ سیاسی ، وەلاتێ ئیرانێ ژی کۆ زلھێزترین وەلاتێ ڤێ دەڤەرێ یە ، پشتەڤانیا وان ھێرشێن لەشکرێ عیراقێ کر و پەیوەندیێن خۆ دگەل ھەرێمێ بڕین و دەرگەھێن سنووری ژی گرتن و بەردەوام وەک دوژمنەک ھەرێما کوردستانێ ددیت . 
ھەلویستێن وەلاتێ تورکیا ژی کۆ ئێکە ل وەلاتێن مەزن و بھێز لسەر ئاستێ جیھانێ و ئەنداما ھەڤپەیمانیا ناتۆ یە ، زۆر ل ھەلویستێن ئیرانێ کێمتر نەبوو ، ھەتا نھو ژی سەرۆک و سەرکردێن وان دناڤ وەلاتێ خۆدا ناڤێ کوردستانێ نائینن . برەنگەکێ گشتی دشێین بێژین ئەڤ ھەردوو وەلاتە دگەل حکومەتێن عیراقێ وێ وی سەردەمی بڤێ مەزناھیا خۆڤە رەنگەگ ل رەنگان دۆژمنداریا ھەرێما کوردستانێ دکر و بھەمی رەنگا دژی پێشڤەچوون و پێشکەفتنا ھەرێما کوردستانێ راوەستان ژلایێ سیاسی و ئابووری . 
بەلێ نێچیرڤان بارزانی سەرۆکێ حکومەتا ھەرێما کوردستانێ پشتی ڤان روودانا خۆیاکر کۆ ئەو سەرکردەیە ئەوێ دشێت ب لێزانی سەرەدەریێ دگەل ھەمی کاودانان دا بکەت و ب قازانجێ مللەتێ خۆ لێ دەرباز ببیت ، ئەڤ ئەرکێ نێچیرڤان بارزانی پێ رابووی ئەو ئەرکە ئەوێ ھەمی سەرکردە و سیاسەتمەدار نەشێن ب ئەرکێ خۆ بزانن .
دڤی دەمێ کورت دا نێچیرڤان بارزانی شیا ھەلویستێ حکومەتا عیراقێ بەرامبەر ھەرێما کوردستانێ بگۆریت ل ھەلویستەکێ نەرێنی و دوژمنانە بۆ ھەلویستەکێ برایانە و ڤەگەریان بۆ دستووری . 
سیاسەتا نێچیرڤان بارزانی دڤی دەمێ کورت دا شیا ھەلویستێن ڤان ھەردوو مەزنترین دەولەتێن ( ئیران و تورکیا ) بەرامبەر ھەرێما کوردستانێ ل ھەلویستێن دوژمنانە بۆ ھەلویستێن دووستانە ، پەیوەندێن دناڤبەرا ھەرێمێ و ڤان ھەردوو وەلاتان ل ئاستێ پەیوەندیێن ئابۆری و کلتۆری و سەرەدانێن شاندان رانەوەستان ، سەرەدانێن وەزیرێن دەرڤە یێن ڤان ھەردوو وەلاتان بۆ ھەولێرا پایتەختا ھەرێما کوردستانێ ، دڤان کاوادانان دا ژ ئەنجامێ وێ سیاسەتا سەرکەفتیا سەرۆکێ حکومەتا ھەرێما کوردستانێ یە و نیشانێ گۆرینا ھەلویستێن وان یێن سیاسی یە بەرامبەر ھەرێما کوردستانێ . 
گۆرینا ھەلویستێن سیاسی یێن وەلاتێن مینا ڤان وەلاتان بەرامبەر ھەرێمێ نە تشتەکێ بچیکە ، بەلکی گۆرانکاری و دەسکەفتەکێ ھەرە مەزنە بۆ ھەرێما کوردستانێ لسەر دەستێ نێچیرڤان بارزانی .
پشتی سەرەدانێن وەزیرێن دەرڤە یێن ئیران و تورکیا بۆ ھەرێما کوردستانێ ، ئاستێ پەیوەندیێن ھەرێمێ یێن سیاسی و ئابووری و کلتووری بۆ قۆناغێن داھاتی دێ گەھینە ئاستەکێ ھەرە بلند ، بۆ پێشئێخستنا ھەرێما کوردستانێ و بھێزکرنا وێ لسەر ئاستێ جیھانێ . 
ژلایەکێ دیتر ئەڤە نیشانێ پشتەڤانیا ڤان وەلاتایە بۆ ھەرێما کوردستانێ ب سەرۆکاتیا سەرۆکێ داھاتی نێچیرڤان بارزانی و کابینا نوو یا حکومەتا ھەرێمێ .
لدووماھیێ دشێین بێژین نیچَیرڤان بارزانی ، ئەو سەرکردە و سیاستەمەدارە ئەوێ دشێن ھەلویستێن دوژمنایە یێن دەولەتان بەرامبەر وەلات و مللەتێ خۆ بگۆرین بۆ ھەلویستێن دووستانە . لەوما ھەرێما کوردستانێ ب سیبەر و سیاسەتا سەرۆکاتیا جەنابێ وی ل دەمەکێ کورت دێ پێشوازیێ ل دەسکەفت و پێشڤەچوونێن مەزنتر کەت .





ئەم هەواڵە 1699جار خوێندراوەتەوە
 
 
ڤیدیۆ گەلەری
چەند بیرۆکەیەک بۆ ڕزگاربوون لە گەرمای ھاوین
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad