English | عربی | Kurdî دواهەواڵ
ڕاستەوخۆ  
 
خۆبه‌خشێن پێشمه‌رگه‌ و یێن به‌لێنده‌ر
2019-05-02 [11:11 AM]

نڤیسینا : شێرزاد نایف



بیرا من دهێت ل ده‌سپێكا شه‌رێ‌ هۆڤانه‌یێ‌ رێكخراوا تیرۆرستیا داعش، هه‌ڤاله‌كێ‌ من یێ‌ به‌لێنده‌ر په‌یوه‌ندی ب من كر، و نۆرونۆر وكو بچووكا دگریا و هه‌می هه‌لویستێ‌ خوه‌ یێ‌ قاره‌مانانه‌ دیار كر كو دخوازیت بهێته‌ سه‌نگه‌رێن شه‌ره‌فێ‌ و تڤه‌نگێ‌ هه‌لبگریت و ب خوه‌به‌خشی بهێته‌ به‌رگریێ‌ بكه‌ت ژ خاك و شه‌ره‌ف و كه‌رامه‌تا مله‌تێ‌ خوه‌، هه‌روه‌سا ده‌ستێ‌ هارێكاریێ‌ بۆ هێزێن پێشمه‌رگه‌ی وه‌كو هانده‌ره‌كێ‌ نشتیمانی و كوردپه‌وه‌رانه‌، دریغی تێدا نه‌كر، هه‌ر هینگی چو جاران ل خوه‌ دیارنه‌كر كو ب ملیۆنان پاره‌یێ‌ وی ژی هاته‌ پاشكه‌فتن و ئه‌و قه‌بارێ‌ وی خستیه‌ تێدا، بۆ ئاڤه‌دانكرنا هه‌رێما كوردستانێ‌، ب هه‌می سامان و كه‌لوپه‌لێن وی، ژ سلنگ و قه‌لابه‌ و ترێله‌ و هه‌موو پێدڤیێن وی یێن ل به‌ر ده‌ست بۆ خزمه‌تا وه‌لاتی، ته‌خسیری نه‌كربوو، پشتی قه‌یران ب سه‌ر مه‌ هه‌میان داهاتی و دوژمنێن گه‌ل و نه‌ته‌وا مه‌ بۆ مه‌ ئینیاین، هه‌لویسته‌كێ‌ ده‌مكی بوو، مه‌ هه‌میان ملێ‌ خوه‌ دابه‌ر و ب هه‌ڤرا پشته‌ڤانیا ئێكودو كرن، هه‌تا ئه‌ڤ مه‌حنته‌ ب سه‌ر مه‌ هه‌میان رابووری، هه‌ر هینگی سه‌رۆكێ‌ حوكمه‌تێ‌ نێچیرڤان بارزانی ته‌كه‌ز دكر كو ئه‌ڤ قووناغه‌ د ده‌مكینه‌ و دێ‌ تێپه‌ریت، هه‌روه‌كو باوه‌ریه‌كا ب هێز هه‌بوو، كو دێ‌ ره‌وش وه‌كو به‌رێ‌ زڤریت، دینه‌مۆیا ڤێ‌ باوه‌ریێ‌ ژی، هه‌ر دادوه‌ریا دۆزا مه‌یه‌ و راستی و راسته‌قینه‌یا نیازا پاكا وژدان و ئیراده‌تا خوه‌، ئه‌ڤ هه‌میه‌ هاته‌ روودان و ئه‌وی به‌لێنده‌ری و ب سه‌دان یێن مینا وی دیاركر كو ب دروستی هه‌ڤوه‌لات و نشتیمانپه‌روه‌رن، ل سه‌ر ڤێ‌ هه‌میێ‌ را ژی هاتن چه‌كێ‌ شه‌ره‌فێ‌ راكرن،  هه‌روه‌سا ژی به‌ری چه‌نده‌كێ‌ ئه‌و ته‌رخانكرنا سه‌د ملیۆن دۆلاران ژلایێ سه‌رۆك حكومه‌تێ ( نێچیرڤان بارزانی) ڤه‌ جهێ دلخۆشیا به‌لێنده‌ران و كرێكار و خه‌لكی و ئه‌ڤ په‌یڤینا دیرۆكی شوونپه‌نجه‌ بوو و جهێ‌ خوه‌ گرت، به‌لێنده‌ران زانی ئه‌و بێهنته‌نگی هه‌موو بۆوان دێ‌ بیته‌ ده‌رفه‌ته‌كا خۆشتر و باشتر كو پتر هه‌موو لایه‌ن مفادار ببن، ل ئاینده‌یێ‌ نێزیك، 
هینگی بیرا من هات كو پێشمه‌رگاتی ژی پره‌كا ب هێز و كاریگه‌ره‌ كو ئه‌ڤ سیكه‌رێ‌ تایبه‌ت و یێ‌ حكومی پتر ژ خوه‌ دگه‌هینته‌ ڤه‌ئێك، چونكو هه‌بوونا پێشمه‌رگه‌ی واته‌ ئوكسجینا ئارامیێ‌ یه‌ و هه‌می كه‌س پێدڤی وێ‌ سه‌قامگیریێ‌ و ته‌ناهیێ‌ نه‌، و كه‌س نینه‌ د مالباتا وی دا كو شانازیا شه‌ره‌فا پێشمه‌رگاتیێ‌ تێدا نه‌بیت، كوره‌كێ‌ وی برایه‌كێ‌ وی كه‌سه‌كێ‌ و گیانێ‌ خوه‌ كرینه‌ مه‌تال بۆ بلند راگرتنا وه‌لاتی.  
هه‌ر ئه‌و خه‌مخۆریا وان به‌لینده‌رێن خۆبه‌خش یێن گیان پێشمه‌رگه‌ نه‌با، دبیت وه‌لاتێ‌ مه‌ تووشی قه‌یرانێن مه‌زنتر یێن گیانی با. ئه‌ڤجا ده‌سكه‌فت و ده‌رئه‌نجامێ‌ وێ‌ خه‌مخۆریێ‌ نه‌با نها ئه‌ڤ سه‌روسیمایێ‌ جوان و ئاڤا یێ‌ وه‌لاتێ‌ مه‌ نه‌دبوو، چونكو رۆخسار ژی نێزیكترین گرۆڤه‌یه‌ بۆ نیشادانا دلپاكی و دادیا دۆزا مرۆڤی، ئه‌ڤجا به‌لێنده‌ر بیت یان پێشمه‌رگه‌، یان مامۆستا و هه‌می ته‌خ و كایا و بژار هه‌موو خوه‌دی ئه‌و په‌روه‌رده‌نه‌ یا شۆره‌شا ئیلۆل و گۆلانان و چاوا باب و باپیران كرینه‌، ئه‌م و كورێن خوه‌ ژی هه‌ردێ‌ كه‌ین و حه‌تا كو چاوا پاپۆرا نوحی ل سه‌ر ئه‌ردێ‌ مه‌ ب سه‌ره‌كی كه‌فتی، هه‌ری دێ‌ ب سه‌ره‌كی كه‌ڤین.





ئەم هەواڵە 2737جار خوێندراوەتەوە
 
 
ڤیدیۆ گەلەری
چەند بیرۆکەیەک بۆ ڕزگاربوون لە گەرمای ھاوین
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad