English | عربی | Kurdî دواهەواڵ
ڕاستەوخۆ  
 
هونه‌رێ‌ سیاسه‌تا په‌یوه‌ندیان
2019-05-07 [11:45 AM]

نڤیسینا : شیلان ئدریس


ژیوارێ‌ سیاسی دۆخه‌كێ‌ جودایه‌ و مه‌زنی و بچووكاتیا رووبه‌رێ‌ ئه‌ردی و جۆراتیا ره‌گه‌زێ‌ وی ئه‌ردی نه‌مه‌رجه‌كه‌كێ‌ پابه‌نده‌ ب سه‌ره‌ده‌ریكرنا ده‌وله‌ته‌كا مه‌زن ڤه‌، بۆ نموونه‌ ژی دو وه‌لاتان دێ‌ ئینیمه‌ زمان، ئیك سووریا یه‌ و یا دی هه‌رێما كوردستانێ‌ یه‌، رووبه‌رێن وان ب به‌راوردی ل گه‌ل گه‌له‌ك وه‌لاتان دبیت هه‌تا راده‌كی دبچووكن ب رووبه‌رێ‌ خوه‌، به‌لێ‌ د ژیوار دا، دمه‌زنن و سه‌نگا وان یا ب ناڤوده‌نگه‌ و ب باندۆره‌، ئێك ژوان (سووریێ‌) ب خرابی ناڤوده‌گیا وێ‌ چوو، شه‌ر و شه‌ماته‌ به‌لێ‌ هه‌رێما كوردستانێ‌ ب چاكی و سه‌ركه‌فتیانه‌ ناڤێ‌ وێ‌ چوو، هه‌موو نه‌چار بوون په‌نایێ‌ بیینه‌ هه‌ولێرێ‌ و باشترین په‌یوه‌ندیان ل گه‌ل گرێبده‌ن، هه‌موو ژی ب دیتنا ڤه‌دگه‌ریێن بۆ وێ‌ سه‌رده‌ریكرنا نه‌رم یا رێزدار نێچیرڤان بارزانی ب حیكمه‌ت و ئارامیا خوه‌ زانی هه‌موو پیلانان ژناڤببه‌ت یێن كو ل به‌ر هه‌رێمێ‌ و سه‌ربۆرا وێ‌ ڤه‌داین. 
سیاسه‌تێن ده‌وله‌تێن مه‌زن بۆ وان نه‌خه‌مه‌ نه‌ه‌ویه‌ك یان سۆزه‌كێ‌ ب جه نه‌ئین، چه‌ندی به‌رژه‌وه‌ندیێن وان بده‌ستبكه‌ڤن، و دبێژن ژی د سیاسه‌تێ دا به‌رژه‌وه‌ندیێن به‌رده‌وام مه‌رجه‌كه‌ و چو هه‌ڤالینی و دۆستاتی نینن!. ئه‌ڤجا ئه‌و هه‌رێما بوویه‌ رێگر د رێكا هیلالێ‌ شیعی دا و ئه‌و سه‌رشه‌قێ‌ مه‌زن یێ‌ ئیرانێ‌ شكاندی نه‌هیلایه‌ سێگۆشا خوه‌ بگه‌هینته‌ لوبنانێ‌ د عیراقێ‌ راببووریت،  بوویه‌ جهێ‌ وێ‌ پشتبه‌ستیا ئه‌مریكا و توركیا ژی كو بده‌نه‌ هه‌رێما كوردستانێ‌، كو به‌ری چه‌نده‌كێ‌ وه‌زیرێ‌ ده‌رڤه‌ یێ‌ ئیرانێ‌ ب خوه‌ ل هه‌ڤلێرێ‌ بوو هاتبوو خزمه‌تا كوردستانێ‌ و ل گه‌ل نێچیرڤان بارزانی سه‌رۆك وه‌زیرێن هه‌رێمێ‌ كۆمبوو و پشتی هینگی ژی چاوش ئوغلۆ وه‌زیرێ‌ ده‌رڤه‌ یێ‌ توركیا هاته‌ هه‌ولێرێ‌ مێهڤانێ‌ نێچیرڤان بارزانی بوو، وه‌كو هه‌رجار په‌نایێ‌ دئیننه‌ هه‌ولێرێ‌ و هه‌روه‌كو دێ‌ هه‌موو ئاریشه‌یێن وان چاره‌سه‌ركه‌ت. بۆ نموونه‌ سزایێن ئه‌مریكا یێن ل سه‌ر ئیرانێ هاتینه‌ سه‌پاندن، توركیا نه‌چاركر كو به‌رێ خوه‌ بده‌ته‌ هه‌رێما كوردستانێ، و هه‌مووان ژی كونسلخانه‌یێن خوه‌ ل هه‌ولێرێ‌ داناینه‌ و گرنگیێ‌ پتر ژبه‌غدا دده‌نه‌ هه‌ولێرێ‌ تشته‌كێ‌ پێشچاڤه‌ و هه‌موو ژی یێن دبینن و دزانن، ژ لایه‌كێ‌ دی ڤه‌ هند پرۆتركۆلێن جۆره‌ و جۆر یێن رۆژانه‌ ل گه‌ل هه‌رێمێ‌ گرێدده‌ن و قه‌ست دكه‌نێ‌، دانپێدانه‌كا نه‌ راسته‌وخوه‌ یه‌ ب سه‌ربخوه‌بوونێ‌ هه‌رێمێ‌ و راستیا دۆزا وێ‌، هه‌موو ژی دزڤریت بۆ وێ‌ ترس و سه‌هما ژ سیاسه‌تا سه‌ركێشێن هه‌رێمێ‌ و نه‌خاسمه‌ پشتی پرۆسا ریفراندۆمێ‌، و ئه‌و په‌یاما سه‌رۆك بارزانی گه‌هاندیه‌ جیهانێ‌، و پشتی هینگی ئه‌و ئاریشه‌یێن هندێن مه‌زن درووستبووین، هه‌می هاتن كو هه‌رێمێ‌ ژناڤببه‌ن و ب هه‌می رێكا هاتن، به‌لێ‌ نه‌شیان ئیرادا ڤی ملله‌تی بشكێنن و باوه‌ریا وی نه‌هاته‌ شكاندن، مله‌تی ته‌خسیری نه‌كر و سه‌رۆكێ‌ حوكمه‌تێ‌ ژی به‌رسڤا هه‌می پسیارێن وان دا و  هه‌می رێك ل به‌ر وان گرتن ب وێ‌ سیاسه‌تا خوه‌ یا ئارام و سه‌ركه‌فتیانه‌ ئه‌ڤرۆ ئه‌م هه‌موو گه‌هاندینه‌ ڤی ئاستێ‌ باش د ناڤ وه‌لاتێن جیهانی دا و ڤه‌كرنا لاپه‌ره‌كێ‌ نوو د سیاسه‌تێ‌ دا ئێدی ئه‌م دێ‌ رووی ل ئاینده‌كێ‌ گه‌ش ڤه‌كه‌ین.





ئەم هەواڵە 3730جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad