English | عربی | Kurdî دواهەواڵ
ڕاستەوخۆ  
 
سەرکردێن ئێکرێز خواز ، ئێکرێزیێ بەرھەم د ئینن
2019-05-08 [11:16 AM]

نڤیسینا : غیاس خالد زێباری


دھێتە گۆتن کۆ ئێک رێزی بەرێ بنیاتێ سەرکەفتنێ یە ، ئەڤەژی گۆتنەکێ لۆژیکی و د جھێ خۆدانە ،  چونکی د دیرۆکا مرۆڤاتیێ دا ، ھەر مللەتەکێ ئێک رێز و ئێکگرتی بیت ب ساناھی و کۆرتترین رێک گەھشتیە ماف و ئارمانجێن خۆ ، چ ئارمانجێن نەتەوی و نشتیمانی بن یان ئارمانجێن جڤاکی ، بەرۆڤاژی ژی ئەوێن ناکۆکی دناڤدا ھەبیت ھەر لسەر ئاستێ ماڵباتێ ھەتا دگەھیتە نەتەوی ، بێ ئێکرێزی ناگەھنە مافێن خۆ . 
راستە پرانیا تاکێن ھشیارێن مللەتان ڤێ رێکا سەرکەفتنێ دزانن ، لێ کەس و سەرکردێن ڤێ رێکێ دکەنە پلان و بەرنامە بۆ گەھشتن ب ئارمانجا ئێکگرتنێ بۆ بەرژەوەندێن گشتی د کێمن . گەلێ کورد ژی ژ بەر ناکۆکی و دووبەرەکیێ دناڤبەرا ھێز و ئالیێن سیاسی زۆر قوربانی داینە و بوویە دەردەکێ بێ دەرمان و ئەگەرێ نەگەھشتنێ ب ماف و ئارمانجێن نەتەوی و نشتیمانی و مانەڤە د چارچۆڤەکێ بەرتەسک دا . 
دڤی سەردەمی ژی دا کۆ گەلێ کورد خودان قەوارەیەکێ نیمچە سەربخۆ و سازیێن رێڤەبرنێ یە ، لێ ھێشتا دەردێ دووبەرەکیێ رێگریێ ل پێشڤەچوونێ دگریت .
جھێ دلخۆشیێ ئەوە ئەڤرۆ گەلێ کورد خودان سەرکردەکێ ئێکرێزخوازەکێ دلسۆز و بەرھەم دارە ، ئەوژی نێچیرڤان بارزانی یە ، ئەو سەرکردێ د بوھارا لاوینیێ دا ، رەفتار و سەرەدەریێن سەرکردێن ب تەمەن و خودان ئەزمۆنێن دەھان سالان دناڤ سیاسەت و جڤاک ناسیێ دا خەبات کری ژبۆ ئێکرێزیێ و ئاشتەوایێ ، لناڤەراستا سالێن نەوەتان دا ل دەسپێکا ئەزمۆنا حوکومداریا خۆرێڤەبرنا کوردان ل باشوورێ کوردستانێ ، ب بەرپابوونا شەرەکێ دژوارێ نافخۆیی دناڤبەرا مەزنترین ھەردوو حزبێن ، ئەڤ سەرکردێ گەنج ھێشتا د بوھرا ژیێ خۆدا بوو ، گاڤ و پەیامێن ئاشتیێ و ئێکرێزیێ ھاڤێتن و روولەکێ گرنگ گێرا بۆ بداوی ئینانا وی شەری ، ھەتا نھو ژی گاڤێن جەنابێ وی د بەردەوامن بۆ بجە ئینانا وێ پلانا وی بۆ پاراستن و پێشڤەبرنا ڤێ ئەزمۆنا گەلێ کورد ، چونکی ژبەر پیلانێن دوژمنان ھێشتا دەردێ دووبەرکیێ نەھاتیە کونترۆلکرن و جار جار تەشەنە دکەنەڤە ، لێ پرانیا جاران ب حیکمەت و ھەولێن نێچیرڤان بارزانی کونترۆلا رەوشێ دھێتە کرن ، ھەر وەکی نھو پشتی بوورینا نێزیکی حەفت مەھان بسەر ھەلبژاردنێن پەرلەمانێ کوردستانێ ، ھێشتا حزبێن کوردستانی نەگەھشتینە رێکەفتنەکا ئێکجارای بۆ چارەسەرکرنا پرسێن سیاسی و ئاڤاکرنا کابینا نوو یا حکومەتا ھەرێما کوردستانێ ، لێ نێچیرڤان بارزانی شیا زۆربەریا پرسان چارەسەر بکەت و حزبێن سەرکەفتێ نێزیکی ئێک بکەت ، ھەر زوو شیایە ناکۆیێن دناڤبەرا پارتی و بزاڤا گۆڕان چارەبکەت و لسەر بەرنامەکێ ئێکگرتی کۆم بکەت ، ئێکەتیا نشتیمانی ژی کۆ ئەگەرێ سەرەکیێ ناکۆکی و ئاریشێن کوردستانێ و گیرۆبوونا پێکئینانا کابینا نوو یا حکومەتا ھەرێمێ یە ، چونکی نە سەرکردایەتیەکا ئێکگرتی ھەیە بۆ بریاردانێ ، نەژی بریارا وان ددەستێ واندا یە ، د ھەر گەرەکا دانۆستاندنا مەرج و داخازیێن خۆ دگۆرن و زێدە دکەن ، داکۆ پێکئینانا حکومەتێ گیروو ببیت . لێ پشتی نێچیرڤان بارزانی ب راستەوخۆ چوویە دناڤ دانۆستاندێن دناڤبەرا پارتی و ئێکەتیێ دا ، ل دەمەکێ کورت شیا بیر و بوچوونێن ھەردوو ئالیا لێک نێزیک بکەت و پاشان رێکەفتنێ دناڤبەرا واندا بەرھەم ب ئینیت .
دڤێرەدا دیار دبیت کۆ نێچیرڤان بارزانی سەرکردە ئێکرێز خوازەکێ دلسۆزە و گاڤێن وی بۆ بەرژەوەندێن گشتی یێن خەلکێ کوردستانێ و بھێزکرنا وەڵاتی نە و دشێت رێکێن ئاشتەوایی یێ و ئێکرێزیێ بشەقینیت و دەردێ دووبەرەکیێ ژناڤ ببەت .  
ئەو سەرکردێ ئێکرێزخوازە ، کۆ ئێکرێزی و ئاشتەوایی یێ پێشڤەبرنێ بەرھەم دئینیت . ئەڤەژی نیشانێ ھندێ یە کۆ پاشەرۆژا کوردستانێ ، ب سیاسەت و بەرنامە و پلانێن نێچیرڤان بارزانی بەرەڤ ئاسۆیێن گەشت دچیت ، ئەگەر ئەو لایەنێن رێککەفتی لسەر سۆزا خۆ بمینن و ئەجندایێن وەلاتێن نەیار کاریگەریێ لسەر نەکەن .





ئەم هەواڵە 517جار خوێندراوەتەوە
 
 
ڤیدیۆ گەلەری
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
ڤیدیۆیی .... بە ئاگر و شمشێر قژی ئافرەتان رێکدەخات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad