English | عربی | Kurdî دواهەواڵ
ڕاستەوخۆ  
 
سلێمانی ... زەرفی کاغەز شوێنی زەرفی نایلۆن دەگرێتەوە
2019-05-08 [11:56 AM]

ZNA - هه‌ولێر


 

لە سلێمانی بەکارھێنانی زەرفی کاغەز لە سەمونخانەو نانەواخانەکاندا شوێنی زەرفی نایلۆن دەگەرێتەوە و سەرۆکی لیژنەھابەشەکانی قائیمقامیەتی سلێمانیش ھۆکارەکەی بۆ  زیانە تەندروستیەکانی زەرفی نایلۆن دەگەڕێنێتەوە.

لە چەند رۆژی رابردوودا قائیمقامیەتی سلێمانی بڕیاردا "زەرفی کاغەز لەبری زەرفی نایلۆن" لە نانەواخانەو سەمونخانەکاندا بەکاربھێندرێت و لیژنەیەکیشی بۆ جێبەجێکردنی بڕیارەکە پێکھێناوە و  ئەرکی لیژنەکە بەدواداچون و ئاگادارکردنەوەی ھەموو سەمونخانەو نانەواخانەکان دەبێت بۆ پابەندبونیان بە بڕیارەکەوە .

گۆران قادر سەرۆکی لیژنەھاوبەشەکانی قائیمقامیەتی سلێمانی رایگەیاند، لیژنەکە دەستی بەکارەکانی کرووە و رۆژانە سەردانی سەمونخانەو نانەواخانەکانی سلێمانی دەکات و دوای روونکردنەوەی ھۆکاری بڕیارەکەی قائیقامیەتی سلێمانی پابەندیان دەکات بە جێبەجێکردنی بڕیاری  بەکارھێنانی "زەرفی کاغەز لەبری زەرفی نایلۆن" ئەوەش لەپێناو پاراستنی تەندروستی ھاوڵاتیان.

گۆران قادر ووتیشی بەپێی ئەو بەدواداچون و توێژینەوەدانەی کە کراوە و بۆچونی پسپۆڕانی تەندروستیش وەرگیراوە دەرکەوتووە بەکارھێنانی زەرفی نایلۆن بۆ "سەمون و نانی گەرم" دەبێتە ھۆی کارلێکردنی ھەندێک مادەی زیان بەخش کە زیان بەتەندروستی مرۆڤ دەگەیەنێت.

 سەرۆکی لیژنەھاوبەشەکانی قائیمقامەیەتی سلێمانی راشیگەیاند: بۆ پاراستنی تەندروستی ھاوڵاتیان قائیقامیەتی سلێمانی بڕیاری قەدەغەکردنی زەرفی نایلۆنی داوە و بڕیارەکەش لەلایەن لیژنەھاوبەشەکانەوە جێبەجێ دەکرێت .





ئەم هەواڵە 5158جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad