English | عربی | Kurdî دواهەواڵ
ڕاستەوخۆ  
 
حەشدی شه‌عبی: لە ململانێى نێوان ئێران و ئەمەریکا بێلایه‌ن ده‌مێنینه‌وه‌
2019-05-09 [12:33 PM]

ZNA - هه‌ولێر


 

وتەبێژى میحوەرى باکورى عێراقى حەشدى شەعبى دەڵێت، هێزەکانیان نابنه‌ به‌شێك لە ململانێى نێوان ئێران و ئەمەریکا، وتیشی، عێراق ڕازى نابێت وڵاتەکەى بکرێتە گۆڕەپانى ململانێكان.

عەلى حسەینى وتەبێژى حەشدى شەعبى، رایگه‌یاند، ئێمە ئێرانى نین تا بەرگرى لە دەوڵەتێکى تر بکەین، ئێمە بەشێکین لە سستمى سەربازى عێراق و لە ژێر فەرماندەیى سەرۆک وەزیرانداین.

وتیشى، گەر ئێمە له‌رووی مه‌زهه‌به‌وه‌ نزیكایه‌تیمان له‌گه‌ڵ ئێران هه‌بێت و شەڕى بۆ بکەین، کەواتە پێشمەرگەش نزیکى ئەمەریکایە، بۆیە مەسەلەى پەیوەندى دۆستایەتى لە فەرمان و رێوشوێنه‌ فه‌رمییه‌كان جیاوازە.

عەلى حسێنى، ئه‌وه‌شی خسته‌روو، عێراق نابێتە بەشێک لە ململانێى نێوان ئەمەریکاو ئێران.

باسی له‌وه‌ش كرد، وەزیرى دەرەوەى ئەمەریکا هاتە بەغدا، دەرکەوت عێراق شەڕى ئابورى لەدژى ئێران و بۆ بەرژەوەندى ئەمەریکا ناکات.

وتەبێژەکەى حەشد رەتیکردەوە هیچ هێز و گروپێكی سەربە حەشدى شەعبى لە ژێر فەرمانى ئێرانیەکاندا بێت، وتى"هەر بڕیارێک لە ئەنجومەنى وەزیرانى عێراقەوە دەربچێت، ئێمە پابەند دەبین پێوەى."

عەلى حسێنى روونی كرده‌وه‌، ئەگەرى پێکدادانى سەربازى لە نێوان ئەمەریکا و ئێران لە ئارادا نییە، ئەو دەرهاویشتانەى کە ڕوویانداوە وەکو خراپبوونى دۆخى ئابورى ئێران و هەڕەشەکردن لەیەکترى تەنها دەرئەنجامى شەڕى دەروونیە.

 

voa





ئەم هەواڵە 10243جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad