English | عربی | Kurdî دواهەواڵ
ڕاستەوخۆ  
 
تو ل کیرێ بێ رێکەفتن و ئێک رێزى ل وێرێ یە
2019-05-10 [01:23 AM]

نڤیسینا : رمضان نصرالدین کێڤلى


ئەڤ مانشێتێ ل سەرى دیار گەلەک ژ چالاکڤان و نڤێسەران بکارئیناینە تایبەت پشتى کو رێکەفتنا پارتى و ئێکەتیێ هاتیە ئیمزاکرن لدور رولێ بەرێز نێچیرڤان بارزانى د رێکخستنا نافمالا کوردى دا. منژى ڤیایە ب دیتنەک دی ئەڤى مانشیتى شروڤە بکەم ئەوژى رولێ کەسانە دبوارێ سیاسى دا گومان تێدا نینە نەبتنێ بو مللەتێ کورد کەسایەتیان کاریگەریا خو ل سەر پرسێن سیاسى و دبلوماسى یان هەر بابەتەکێ دى هەبویە بەلکو ل زوربەیێ وەلاتێن دونیایێ و ل قوناغێن جودا جودا دا کەسایەتیان رولەک کاریگەر هەیە د هەمى پیاڤەکێ دا وەختێ ئەم بەحسێ رولى دکن نەبتنێ ب ئەرینى بەلکو ب نەرینى ژى چونکە ئەو کوشتن و کومەلکوژیێن دورست بوین بەرهەمێ سیاسەتا سەقەت و چەوتا مروڤان وسەرکردان بویە دگەل هندێ ژى ئەگەر ئەم ژ رویەکێ دى تەماشە بکەن ئەو گەشەیا سیاسى و ئابورى و تەکنلوچى دورست بویێ ل جیهانێ ژى هەم بەرهەمى مروڤانە و کەسایەتى هەبوینە شین تبلێن وان دیارن.
هەرێما کوردستانێ وەکو هەرێمەک ل ناڤا عێراقێ دا پشتى سالا 1991 ل چەندین قوناغاندا دەرباز بویە چ ئەو قوناغ شەر یان ئاشتى بن ل شەران دا ژى یاسایێن خو هەنە و ل ئاشتیێ دا ژى زەلامێن خو هەنە، ل کوپیتکا ناکوکیێن لایەنێن سیاسى مللەتان پێدڤى ب لوژیکێ سیاسى و دبلوماسى یە و هەمى هێزا خو ب لوژیک بکاربینن بو هندێ ئەنجامێن ئەڤان ناکوکیان ل بەرژوەندا مللەتێ مروڤی دا بن چونکە ل ناکوکى و دەلیڤێن بەرتەنگ مروڤێ خودان کاریزما دیاردبن دەمێ مللەتى ژ قوناغەک بەرەف قوناغەکا دیا باشتر دبن ل نەخوشترین و ئاستەنگترین پەیوەندین لایەنێن سیاسى ل کوردستانێ تایبەت دنافبەرا پارتى وئیکەتى نشتیمانى کوردستان وبزاڤا گوران دا رولێ حەکیمانەیێ بەرێز نێچیرڤان بارزانى دیاربویە ژبو ئێک رێزیێ و رێکەفتنێ و ئەو گەش و هەوایێ سیاسى دهاتە دورست کرن هەمى لایەنێن سیاسى د رازى بوینە بێ کو لایەنەک هەست بکەت کو پشت گوه هاتیە هاڤێتن یانژى هەست ب اکراهێ کربا ل پروسا سیاسى دا و ئەڤ مەزناهیە دیار دبیت دەمێ تو وەکو لایەنەکێ سیاسى ژ بەهرا خو خوش بى بو لایەنەکێ دى بتنێ بو دورست کرنا متمانە وباوەریێ دنافبەرا ئەڤان لایەنان دا کوردستانێ پێویستى ب ئارامیەکا سیاسى هەیە بو قوناغا داهاتى، رەوشا هەرێما روژهەلاتا ناڤەراست ل داهاتیەکێ نێزیک دا دێ زور کورانکارى دورست بن ئەگەر دگەل ئەڤان کورانکاریان هەرێما کوردستانێ یا حازر نەبیت و خودان پروژە وبەرنامە نەبیت و یا ئێک رێز و حکومەتەک بهێز نەبیت من باوەرە دێ مەزنترین خوسارەتى دەت ل ئەڤان ناکوکیێن ل دەڤەرێ دورست دبن لنافبەرا وەلاتێن هەریمى و زل هێز دا .
ل دوماهیک قوناغ پێویستى ب هندێ هەیە کو نافمالا کوردى ژ هەمى دەمەکێ دى یان رێکخستى تر بیت و کوردان پروژێ خو هەبیت وب ئێک بەرنامە و ئێک سیاسەت سەرەدەرى دگەل پێشهاتان بکەن و ئەڤان مانشێتێن ل سەرى بکەنە پراکتیک و جێ بەجێ بکەن و خەلکى دلنیا بکەن ژ هەمى لایەکێ ڤە و مە ئەو باوەرى هەیە ب رولێ کاک نێچیرڤانى کو ل داهاتى زور کورانکاریێن سیاسى دورست بکەت و ئەڤێ نافمالێ جوانتر لێ بکەت .بەرەف کوردستانەک ئارام و سەقامگیر .





ئەم هەواڵە 2716جار خوێندراوەتەوە
 
 
ڤیدیۆ گەلەری
چەند بیرۆکەیەک بۆ ڕزگاربوون لە گەرمای ھاوین
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad