 |
|
|||
ZNA-هه‌ولێر رێکخراوی ھەنگاو بۆ مافەکانی مرۆڤ ڕایدەگەێنێت ، ڕۆژی ڕابردوو ئافرەتێک و پیاوێکی خەڵکی شارەکانی دەڕەشار و سەقز کۆتاییان بە ژیانی خۆیان ھێنا. رێکخراوی ھەنگاو ئاماژە بەوە دەکات کە ڕۆژی ھەینی ١٠ ی ٥ ی ٢٠١٩ ، ئافرەتێکی لاوی خەڵکی دەڕەشاری ئیلام بە ناوی ”مینا ڕەزایی“ تەمەن ٢٢ ساڵ کۆتایی بە ژیانی خۆی ھێنا. سەرچاوەیەکەی ئاگادار لەوبارەوە بە ھەنگاوی ڕاگەیاندووە ، کە مینا خێزاندار بووە و بە ھۆی کێشەی خێزانی و لە ڕێگای خواردنی حەبی برینجەوە کۆتایی بە ژیانی خۆی ھێناوە. رێکخراوی ھەنگاو بۆ مافەکانی مرۆڤ دەشڵێت ، لەلایەکی دیکەوە، ھەمان ڕۆژ، ھاووڵاتییەکی تەمەن ٣٨ ساڵی خەڵکی سەقز بە ناوی ”حەسەن مەحموودی“ کۆتایی بە ژیانی خۆی ھێناوە. حەسەن مەحموودی بە ھۆی ھەژاری و بەرزبوونەوەی کرێی خانووەکەی خۆی کوشتووە. ئەم هەواڵە 4012جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad