English | عربی | Kurdî دواهەواڵ
ڕاستەوخۆ  
 
پارێزەران و جووتیارانی سنووری مەخموور یاداشتێک دەدەنە پەرلەمانی کوردستان
2019-05-12 [08:45 AM]

ZNA-هه‌ولێر


ئەمڕۆ یەکشەممە ٢٠١٩.٥.١٢ سەندیکای پارێزەرانی کوردستان - لقی ھەولێر بە یارمەتیی یەکێتیی جووتیارانی کوردستان و چەند پارێزەرێکی خۆبەخش یاداشت و داواکاریی دانیشتوان و بەتیابەت جووتیارانی سنووری "مەخموور و کەندیناوا و قەراج"یان گەیاندە پەرلەمانی کوردستان.

لە پرێس کۆنفرانسێکی ھاوبەشی سەندیکای پارێزەران و یەکێتیی جووتیاراندا کەلە پەرلەمانی کوردستان ساز کرابوو، لە یاداشتێدا ویست و داخوازیی جووتیارانی سنووری، مەخموور، قەراج و کەندیناوا و دیبەگەیان خستە ڕوو.

بەختیار دیبەگەیی، پارێەری خۆبەخش لەمبارەوە گوتی: "لە سۆنگەی ھەست بە بەرپرسایەتیکردنمان وا ھەست دەکەین مەترسییەک لە گۆڕێدایە کە بە ھیچ شێوەیەک ناشاردرێتەوە و ئەویش مەترسیی چەکدارانی داعشە لەسەر ئەو خەڵکەی کە لەو سنوورانە بەگشتی دەژین و بەتایبەتی توێژی جووتیاران".

ئاماژەی بەوەش کرد: "ئێمە لەمبارەوە یاداشتێکمان ئاراستەی ھەردوو لێژنەی مادەی ١٤٠ و کشتوکاڵ کرد و لە یاداشتەکەدا ھەموو ئەو مەترسییانەمان باس کردووە و داوای بەدواداچوونی جیدی بۆ چارەسەریی ئەو گرفت و مەترسییانەمان کردووە".

ئەو پارێزەرە کورد ڕاشی گەیاند: "ئێمە لەگەڵ پەرلەمانتاران لە ھەردوو لێژنەی مادەی ١٤٠ و کشتوکاڵ لەسەر دوو خاڵ کۆک بووین کە بۆ پاراستنی ھەرچی زووتری سنوورەکە کاری جیدیتر بکرێت بۆ ئەوەی ئەو ترس و دڵەڕاوکێیەی کە لە سنوورەکە ھەیە بڕەوێتەوە و ژمارەی تیمەکانی ئاگرکوژێنەوە لە سنوورەکە زیاتر بکرێت، چونکە ئێستا دەزانین وەرزی پێگەیشتنی دەخڵ و دان و دروێنەیە لەو ناوچەیە و ھاوکات پێویستییان بە ھاتنی ھێزی زیاترە بۆ پاڵپشتیی خەڵک لە سنووری مەخموور، چونکە تیرۆریستانی داعش لە ناوچەکە جموجۆڵەکانیان زیاتر بووە".





ئەم هەواڵە 1117جار خوێندراوەتەوە
 
 
ڤیدیۆ گەلەری
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
ڤیدیۆیی .... بە ئاگر و شمشێر قژی ئافرەتان رێکدەخات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad