English | عربی | Kurdî دواهەواڵ
ڕاستەوخۆ  
 
نیشانەکانی کەمی یۆد لە جەستەدا
2019-05-13 [01:42 AM]

هەولێر _ ZNA


 

كه‌می یۆد له‌ جه‌سته‌دا واده‌كات نیشانه‌ی‌ چه‌ند گرفتێكی ته‌ندروستی له‌سه‌ر مرۆڤ ده‌ربكه‌وێت چونكه‌ ڕژێنه‌كانی په‌ریزاد" غوده‌" و هاوسه‌نگی هۆرمۆنی جه‌سته‌ پشت به‌ بوونی یۆد ده‌به‌ستن.

به‌ گوێره‌ی‌ ڕاپۆرتێك كه‌ ڕێكخراوی ته‌ندروستی جیهانی بڵاویكردۆته‌وه‌ تیایدا هاتووه‌ هه‌ر تاكێك ڕۆژانه‌ پێویستی به‌ بڕی 100- 200 مایكرۆ گرام له‌ یۆد ده‌بێت و ئه‌م بڕه‌ش به‌ گوێره‌ی‌ دۆخی ته‌ندروستی و ته‌مه‌ن و ڕه‌گه‌ز ده‌گۆڕێت بۆ نمونه‌ ئافره‌تی دووگیان ڕۆژانه‌ پێویستی به‌ بڕی 200 مایكرۆگرام له‌ یۆد هه‌یه‌ و ئه‌گه‌ر له‌و بڕه‌ كه‌متر بێت ئه‌وه‌ ئه‌گه‌ری زۆره‌ ئافره‌تی دووگیان كۆرپه‌كه‌ی‌ له‌بار بچێت.

یۆد پێكهاته‌یه‌كی زۆر گرنگه‌ كه‌ كاری ڕژێنه‌كانی په‌ریزاد چالاك ده‌كات و ڕۆڵێكی گرنگی ده‌بێت له‌ گه‌شه‌ی‌ جه‌سته‌ و مێشكی مرۆڤ و كه‌می یۆد له‌ جه‌سته‌دا واده‌كات مرۆڤ نه‌خۆشی غوده‌ی‌ توش ببێت، پزیشكه‌كان پێنج نیشانه‌یان ده‌ست نیشان كردووه‌ كه‌ ئاماژه‌یه‌ بۆ كه‌می یۆد له‌ جه‌سته‌دا له‌وانه‌ش:
 

1- هه‌بوونی كێشه‌ له‌ قژ و پێستدا، ئه‌و كه‌سانه‌ی‌ ئه‌م كانزایه‌ له‌ له‌شیاندا كه‌مبێت ئه‌وه‌ پێستی سه‌ریان ده‌خورێت و قژیان وشك ده‌بێته‌وه‌ و زۆر هه‌ڵده‌وه‌رێت.

2-زیاد بوونی له‌پڕی كێش، به‌هۆی سست بوونی كرداری زینده‌چالاكی ناو جه‌سته‌وه‌ و كه‌م سوتانی كالۆری واده‌كات كێش زیاد ببێت.

3-به‌رده‌وام هه‌ستكردن به‌ سه‌رما، ئه‌مه‌ یه‌كێكه‌ له‌ نیشانه‌كانی كه‌می یۆد له‌ جه‌سته‌دا چونكه‌ زینده‌ چالاكیه‌كانی له‌ش خاوه‌ ووزه‌ی‌ كه‌متر ده‌نێردرێت بۆ ته‌واوی له‌ش و به‌مه‌ش جه‌سته‌ سارد ده‌بێته‌وه‌.

4-هه‌ستكردن به‌ ماندوێتی به‌رده‌وام ته‌نانه‌ت دوای ئه‌نجامدانی كه‌مترین چالاكی و كار.

5-قه‌بزی به‌رده‌وام، پزیشكه‌كان باس له‌وه‌ ده‌كه‌ن ئه‌و كاته‌ی‌ گرفتێك له‌ ڕژێنه‌كانی په‌ریزادا دروست ببێت ئه‌وه‌ كه‌سه‌كه‌ توشی قه‌بزی ده‌بێت.





ئەم هەواڵە 5173جار خوێندراوەتەوە
 
 
ڤیدیۆ گەلەری
چەند بیرۆکەیەک بۆ ڕزگاربوون لە گەرمای ھاوین
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad