English | عربی | Kurdî دواهەواڵ
ڕاستەوخۆ  
 
سەرۆك بارزانی: من خۆم شاهیدی قارەمانەتیی شەهید ئەسكەندەر بووم لە كاتی زۆر تەنگانەدا
2019-05-13 [12:45 PM]

ZNA - هه‌ولێر


 

سه‌رۆك مه‌سعود بارزانی، په‌یامێكی سه‌ره‌خۆشی بۆ شه‌هید بوونی عه‌مید ئه‌سكه‌نده‌ر گه‌ردی كرد و رایگه‌یاند، بە شەهیدبوونی عەمید ئەسكەندەر رەشید گەردی زۆر دڵتەنگ و خەمبار بووم، من خۆم شاهیدی قارەمانەتیی شەهید ئەسكەندەر بووم لە كاتی زۆر تەنگانەدا.

 

ده‌قی په‌یامه‌كه‌ی مه‌سعود بارزانی:

 

بەناوی خودای بەخشندە و میهرەبان

 

 بە شەهیدبوونی عەمید ئەسكەندەر ڕەشید گەردی فەرماندەی لیوای سێی كۆماندۆی زێرەڤانی، لە ڕووداوێكی دڵتەزێن لە ئەركی مەشق و ڕاهێنانی پێشمەرگەكان زۆر دڵتەنگ و خەمبار بووم. عەمید ئەسكەندەر پێشمەرگەیەكی قارەمان و چاونەترس بوو. من خۆم شاهیدی قارەمانەتیی شەهید ئەسكەندەر بووم لە كاتی زۆر تەنگانەدا و لەدەستدانی جێگەی داخە و خەسارەتێكی گەورەیە بۆ هەموومان.

 

بەم بۆنە خەمناكەوە سەرەخۆشی لە خانەوادە و كەسوكار و دۆست و ئاشنایانی شەهید عەمید ئەسكەندەر دەكەم و خۆم بە هاوبەشی خەمیان دەزانم. لەخودای گەورە داوكارم خوالێخۆشبوو بە بەهەشتی بەرین شاد بكات و سەبر و ئارامی بە هەموو لایەك ببەخشێت.

 

انا للە و انا الیە راجعون

 

مسعود بارزانی

 

13ـی 5ـی 2019





ئەم هەواڵە 4180جار خوێندراوەتەوە
 
 
ڤیدیۆ گەلەری
چەند بیرۆکەیەک بۆ ڕزگاربوون لە گەرمای ھاوین
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad