English | عربی | Kurdî دواهەواڵ
ڕاستەوخۆ  
 
سەرۆكی فراكسیۆنی كۆمەڵی ئیسلامی وازهێنانی خۆی لە حزبەكەی ڕاگەیاند
2019-05-15 [08:31 AM]

ZNA – هەولێر


سەرۆكی فراکسیۆنی کۆمەڵی ئیسلامی کوردستان لە ئەنجوومەنی پارێزگای هەولێر وازهێنانی خۆی لە حیزبەکەی راگەیاند و گوتی لە ئەمرۆوە هیچ پەیوەندیەكم بە كۆمەڵی ئیسلامی نەماوە و دەچمە پاڵ ئەو كەسانەی لەچەند ڕۆژی ڕابردوو وازییان لە كۆمەڵ هێنا.

لە کۆنگرەیەکی رۆژنامەوانیدا عەباس محەممەد، سەرۆكی فراكسیۆنی كۆمەڵی ئیسلامی لە ئەنجومەنی پارێزگای هەولێر رایگەیاند، دەچێتە پاڵ ئەو بەرپرس و ئەندامانەی چەند رۆژی رابردوو وازیانهێنا و لە ئەمڕۆەوە هیچ پەیوەندییەکی بە کۆمەڵەوە نەماوە.

عەباس محەممەد رایگەیاند "دوای رازینەبوون بە ئەنجامی هەڵبژاردنە ناوخۆییەکانی حیزب لە بەشێک لە مەڵبەندەکان بەتایبەت مەڵبەندەکانی 3 و 11 لە هەولێر، هەر لە یەکەم رۆژی هەڵبژاردنی بەرپرس و ستافی نوێ کەوتنە دژایەتیکردنیان تاوەکو ناچار بە دەستلەکارکێشانەوە کران".

سەرۆكی فراكسیۆنی كۆمەڵ لە ئەنجومەنی پارێزگای هەولێر هۆکارێكی تری وازهێنانی لە حیزبەکەی بۆ ئەوە گەڕاندەوە کە "لادان هەیە لەو بنەما شەرعیانەی کۆمەڵی ئیسلامی لەسەر راگەیێندرا، لە دیاریترینیان نەبوونی دادگەری، بەجۆرێک تائێستاش خەڵکێک لە چینی بەرزدا دەژین و ئامۆژگاری خەڵکە رەشوڕووتەکە دەکەن کە ئارامبگرن قەیرانە".

عەباس محەممەد ئاماژەی بەوەشکرد، لەماوەی مانگی رابردوودا سێ بەرپرسی باڵا و 70 کادیری باڵا و ناوەندی بە ئاشکرا وازیان لە کۆمەڵی ئیسلامی هێناوە، بەڵام حیزب "بێباک و بێمنەت" بووە بەرامبەر ئەو کەسانەی چەندین ساڵە بە خۆیان و ماڵ و منداڵیانەوە خزمەتیان بە حیزب دەکەن.

 





ئەم هەواڵە 4546جار خوێندراوەتەوە
 
 
ڤیدیۆ گەلەری
چەند بیرۆکەیەک بۆ ڕزگاربوون لە گەرمای ھاوین
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad