English | عربی | Kurdî دواهەواڵ
ڕاستەوخۆ  
 
مەحما خەلیل: دابەشكردنی چەك بەسەر عەشایەرەكانی موسڵ مەترسیدارە
2019-05-19 [07:48 AM]

ZNA-هەولێر


قائیمقامی قەزای شنگال دەڵێت، دابەشكردنی چەك بەسەر عەشایەری یەك پێكهاتەی موسڵدا مەترسیدارە و داوا لە حكومەتی عیراقیش دەكات چاو بەو بڕیارەدا بخشێنێتەوە.

مەحما خەلیل لەبەیاننامەیەكدا ئاماژەی بەوەداوە، هێزی بەرگریی نیشتمانی عیراق بە سوپا و پێشمەرگە و پۆلیسی فیدراڵی و حەشدی شەعبییەوە لەكاتی شەڕكردن لەگەڵ تیرۆریستانی داعشدا شارەزاییەكی زۆریان پەیداكردووە، ده‌توانن به‌ره‌نگاری هه‌ر ده‌ستدرێژییه‌ك بۆ سه‌رعێراق ببنه‌وه‌.

خەلیل گوتیشی، پێویستە چەك تەنها لەدەست ئەو هێزانەدا بێت و دابەشكردنی چەك بەسەر عەشایەرەكانی موسڵ بەپێی ناوچە و بەسەر یەك پێكهاتەدا، دەبێتە هۆی تێكچوونی ناوچه‌كه‌ و مه‌سیجێكی نه‌رێنی دەداتە ناوخۆ و دەرەوەی عیراق.

قائیمقامی قەزای شنگال بەدوریشی نازانێت ئەو چەكانە بكەونە دەست تیرۆریستانی داعش و پێیوایە گەلی عیراق ئەوەندەی پێویستی بە خزمەتگوزاریە پێویستی بە چەك نییە.

پێشتر لیوا نەجم جبوری سەركردەی پرۆسەكانی نەینەوا ئاشكرایكردبوو، كە بڕیاردراوە عەشایەرەكانی ناوچە دوورە دەستەكانی موسڵ پڕچەك بكرێن.





ئەم هەواڵە 3031جار خوێندراوەتەوە
 
 
ڤیدیۆ گەلەری
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
ڤیدیۆیی .... بە ئاگر و شمشێر قژی ئافرەتان رێکدەخات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad