English | عربی | Kurdî دواهەواڵ
ڕاستەوخۆ  
 
پزیشکان نیشانەکانی دروستبوونی بەرد لە گورچیلەدا ئاشکرادەکەن
2019-05-20 [12:48 PM]

هەولێر _ ZNA


 

پزیشکانی نەخۆشخانەی مایۆی ئەمەریکی ئاشکرایدەکەن یەکەم نیشانەی بوونی بەرد لە گورچیلەدا بوونی ئازارە بەشێوەی پچڕ پچڕ، لەگەڵ گۆڕانی ڕەنگی میز.

دەیڤد پاترسۆن پزیشک لە نەخۆشخانەکە دەڵێت "بوونی بەرد لە گورچیلەدا لەگەڵ تێپەڕبوونی کات ئازارەکەی زیاتر دەبێت، بەڵام ئەگەر پێشوەخت پشکنینی بۆ بکرێت و چارەسەر وەربگیرێت بە زوویی بەردی گورچیلە ناهێڵرێت".

بەوتەی پزیشکەکە بوونی ئازار یەکەم نیشانەی بوونی بەرد و زیخە لە گورچیلەدا، چونکە لەو کاتەدا بەردەکە دەجوڵێت، زۆرکاتیش دەگاتە بۆری میزەڕۆ، لە ئەنجامدا نەخۆشەکە ناوبەناو هەست بە ئازارێکی توند دەکات لەناوچەی خوار سک و کەلەکە و پشت و میزەڵاندا.
 

دەیڤدی پزیشک ئاماژە بەوەدەکات، ئەوکەسەی بەرد لە گورچیلەیدا هەبێت هەست بە ئازار دەکات لەکاتی میزکردندا، لەگەڵ زیادبوونی ئارەزووی میزکردن بەتایبەت ئەم نیشانانە کاتێک دەردەکەون کە نەخۆشەکە ئازاری گورچیلەی هەبێت.

جگە لەم نیشانانە نەخۆشەکە توشی دڵتێکهەڵاتن و سەرگێژخواردن و بێهێزی دەبێت، ڕەنگی میزەکەی دەگۆڕێت بۆ زەرد یان قاوەی لەگەڵیدا بۆنی دەبێت، پزیشکەکان ئامۆژگاری خەڵکی دەکەن لەکاتی بوونی ئەم نیشانانەدا بەتایبەت نەوەستانی ئازارەکە بە خێرایی نەخۆشەکە سەردانی پزیشک بکات.

لەکۆتاییدا پزیشکانی نەخۆشخانەی مایۆ ڕوونیدەکەنەوە، هۆکاری دروستبوونی بەرد لە گورچیلەدا جگە لە هۆکاری بۆماوەیی خراپی سیستمی خۆراکە کە بڕێکی زۆر پڕۆتینات و سۆدیۆم "خوێ" و شەکری تێدایە، لەگەڵ کەم خواردنەوەی ئاو و زیادبوونی کێشی لەش.





ئەم هەواڵە 10744جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad