English | عربی | Kurdî دواهەواڵ
ڕاستەوخۆ  
 
هەرێما کوردستانێ بەرەڤ قوناغەکا دی ..
2019-05-20 [11:22 AM]

نڤیسینا : هوزان عەبدوللا


ب هەلبژارتنا سەرۆکێ هەرێما کوردستانێ، هەرێم دێ کەڤیتە د قوناغەکا دی یا گرنگا ئاڤەدانیێ و دۆپلۆماسیێ و مەزنترکرنا پێگەهێ کوردستانێ ل سەر ئاستێ دونیایێ، ئەڤ رۆژە دێ خوە تومارکەت د دیروکێ دا و دێ بیتە شاهدەک ژ بۆ نەوەیێن داهاتی .
گومان تێدا نینە خەلکێ کوردستانێ هەمیێ شاهدێ وێ چەندێ نە هەر ژ هاتنا نێچێرڤان بارزانی بۆ سەر کوسیکا سەرۆکوەزیریێ، کاروانێ ئاڤەدانیێ و خوشگوزەرانیێ و پێشخستنا کەرتێن ئابوری و بازرگانی و وزەیێ دەستپێکریە و رۆژ بۆ رۆژێ گەشەکریە، ئەو سەرکەفتنێن د کابینەیێن حکومەتێ دا بۆ هەرێمێ تومارکرین وەکریە ناڤێ هەرێمێ ل سەر نەخشەیێ وزەیا جیهانی ب گەورەیی بهێتە نڤیسین و ب دەهان کۆمپانیێ زلهێزێن جیهانێ کو ل وەلاتێن خوەدان ئاست دا کارنەکریە لێ وان چاڤ کەتیە سەر هەرێمێ و وەبەرهێنان کریە، ئەڤە ژی هەموو شاهدن ژ بۆ خەمخوریا نێچێرڤان بارزانی ژ بۆ پێشخستنا هەرێمێ.
د ئاستێ دوپلۆماسی ژی دا گەر سەحکەینێ د سالێن حکومرانیا کابینەیا وی دا پەیوەندیێن هەرێما کوردستانێ دگەل وەلاتێن جیران گەهشتیە بلندترین ئاست و وەلاتێن زلهێزێن جیهانێ ژی هەموو جاران مینا سەرکردەیێن خوەدان دەولەت پێشوازی ل سەرۆک بارزانی و نێچێرڤان بارزانی کریە، ل سەر ئاستێ ناڤخوە ژی جەنابی وی تەخسیری د لێنزیکرنا هەموو ئالیان دا نەکریە، ئەڤە هەمی ئەگەرن ژ بۆ هندێ پۆستێ سەرۆکاتیا هەرێما کوردستانێ ل بن چەنگێن وی بیت .
چوونا نێچیرڤان بارزانی بۆ سەرۆکاتیا هەرێمێ دێ بیتە دەرگەهێ تمامکرنا ئاڤەدانیا کوردستانێ و تمامکرنا پێنگاڤێن جەنابێ سەرۆک بارزانی ب تایبەت پرۆژەیێن نەتەوەیی.
د نهادا ئیراق و دیسان وەلاتێن جیران د ئالۆزترین رەوشا رۆژهەلاتا ناڤین دا دەرباز دبن، پاراستنا ڤێ پارچەیا بچیک یا رۆژهەلاتا ناڤین ژ ئالۆزی و شەران و پاراستنا ئابورێ وێ پێدڤی ب کەساتیەکا مینا نێچیرڤان بارزانی هەیە، سیاسەتا وی یا پاراستنا بەرژوەندیێن هەرێمێ و بهێزکرن و پێشخستنا ئابوری وەکریە ئێدی ئەڤ هەرێمە ب دەولەتەکا بچوکا دیر ژ ئاژاوەیێن رۆژهەلاتا ناڤین بهێتە درستکرن.
وەرگرتنا کورسیا سەرۆکاتیا هەرێمێ ژ لایێ نێچیرڤان بارزانی ڤە، دەرگەهەکە بۆ پاراستنا وان دەستکەفتێن ل پشتی ٢٠٠٣ ب دەستڤە هاتین ود د خازین خوشکرنا ژیانا وەلاتیان و ئاڤەدانیا پتر یا کوردستانێ و پێشخستنا کەرتێن گەشتوگوزار و کشتوکال و وەبەرهێنان ببنە کارێن سەرەکی یێن سەرۆکی وەک چەوان ل دەما سەرۆکاتیا حکومەتێ ئەڤە ژ کارێن وی یێن دەستپێکێ بوون.





ئەم هەواڵە 1918جار خوێندراوەتەوە
 
 
ڤیدیۆ گەلەری
چەند بیرۆکەیەک بۆ ڕزگاربوون لە گەرمای ھاوین
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad